သေံတးပါဲထောံ တၚ်တုပ်စိုတ် ပရေၚ်ပံၚ်တောဲ ဂၠာဲဇြဟတ်ဓါတ် ကရောံ ဍုၚ်ခမေန်

ၜၚ်ကံက်၊ မေ ၆။

အပ္ဍဲကဵုဂိတုမေ ၅ ဂှ် တးပါဲထောံ ပရေၚ်အရာပံၚ်တောဲဂၠာဲ ဇြဟတ်ဓါတ် အပ္ဍဲမှာသၟိဟ် ကရောံဍုၚ်ခမေန် တင်တုပ်စိုတ် မနွံကဵုအာယုက် ၂၅ သၞာံဂှ်ယျရောၚ် သ္ကိုပ်ဝန်ဇၞော်သေံ အနုတေန် ချာန်ဝဳရာကူလ် ဟီုရ။

တၚ်တုပ်စိုတ် မလအ်ကၠုၚ်ယျဂှ် ညံၚ်ဂွံဆက်ထိၚ်ဒဝ်အာ ဍုၚ်ဇိုၚ်ဝုတ်ဒိုဟ်ခမေန် အာတ်မိက်လဝ်ကီုလေဝ် အလဵုအသဳသေံ တးပါဲထောံသာ်ဏံရ။

အပ္ဍဲကဵုဒေသပ္ၚံက်ၜဳသေံ မဒှ်ဒၞာဲတိဍာ်ဍုၚ်သေံကဵု ခမေန်တံ ဒဒှ်တပိုၚ်ပြဳလဝ် မွဲလပါ်ကဵုမွဲလပါ် ဟီုဒၟံၚ်တံဂှ် သွက်ဂွံဂၠာဲ ဟိုက်ဒရိုကာဗွန် တၚ်တုပ်စိုတ်သၞာံ ၂၀၀၁ သွက်ဂွံဂၠာဲမူ ပရေၚ်ပံၚ်တောဲဂၠာဲၜါဍုၚ်ဂှ် ဂကောံအလဵုအသဳသေံ တးပါဲထောံလဝ် မဒှ်ရ။

ကြဴနူသၞာံအာလောန်ကၠုၚ်တေံ ပရေၚ်ပန်ပှော်ညးသ္ကံ က္တဵုဒှ်အာအကြာၜါဍုၚ်တုဲ ပရေၚ်ပံၚ်တောဲဗီုဏံ သွက်ဂွံတးပါဲထောံမာန်ရောၚ်ဂှ် ရဲလ္ၚတ်တံ ခါတ်လဝ်အကာဲ နူကဵုပြဟ်ဟ်တေံ မဒှ်ရ။

ပွမတိတ်ထောံနူတၚ်တုပ်စိုတ်ဏံဝွံ ဒှ်ကတိပေါဲရုဲမာဲ သ္ကိုပ်ဝန်ဇၞော် အနုတေန် မဒှ်တုဲ အခိၚ်ညးတေံ ဒှ်သ္ကိုပ်ဝန်ဇၞော် ပထမအလန် မဒးဒုၚ်ရုဲစှ်အပ္ဍဲလုကဴစှ်ဗွဲသၞာံၜါဝါ ပ္ဍဲအခိၚ်မဒှ်ဒၟံၚ်ပြသၞာကဵု ခမေန်တံရ။

အရာတးပါဲထောံတၚ်တုပ်စိုတ်ဏံဂှ် ဟွံဆေၚ်စပ်ကဵု ပြသၞာပယျဵု မက္တဵုဒှ်ဒၟံၚ်ကဵုခမေန်တံပုဟ်။ ဟိုတ်နူဒှ်ဒၟံၚ် မူဝါဒအဲ မွဲသ္ကုတ်မွဲသ္ကူရောၚ် သ္ကိုပ်ဝန်ဇၞော်သေံ ဟီုလဝ်ရ။

စပ်ကဵုတၚ်သ္ဂုတ်သွာတ် ဂကောံအလဵုအသဳသေံဏံဂှ် သွက်ဂွံကဵုအာပရိုၚ် ဇရေၚ်ဍုၚ်ခမေန်တံရောၚ် အနုတေန် ဟီုလဝ်ရ။

စပ်ကဵုအရာအလဵုအသဳသေံ လလောၚ်တြးလဝ် ပ္ဍဲဂိတုမေ ၅ ဂှ် သွက်ဂွံကဵုတင်စၟတ်မွဲမွဲသာ် အာတ်မိက်လဝ် ဇရေၚ်အလဵုအသဳ ခမေန်ကီုလေဝ် ပရေၚ်ကလေၚ်ပၠန်နၚ်အရေဝ်ဟၟဲပုဟ်။

ဟိုတ်နူတၚ်သ္ဂုတ်သွာတ် အလဵုအသဳသေံသာ်ဏံဂှ် စိုတ်ဟွံမိပ်ဒှ်အာတုဲ ဒှ်အရာသေံ သ္ဂုတ်သွာတ်လဝ် မွဲလပါ်ဓဝ်ရရောၚ် နူကဵုအလဵုအသဳဖနန်ပင် ဟီုလဝ်ရ။

ကြဴနူပရေၚ်ပန်ညးသ္ကံ က္တဵုဒှ်အာအကြာပယျဵုၜါဍုၚ်တုဲ ပရေၚ်သဳကၠဳတံ နွံမံၚ်ဂၠိုၚ်ကဵုအလန်ကီုလေဝ် အကြာသေံ ကေုာံ ခမေန်တံဂှ် ပရေၚ်ကြံၚ်မ္ၚိုဟ်တံ ဆက်တုဲ သၠုၚ်မံၚ်ဖိုဟ်ရ။

Ref:Bangkokpost