နေပျဳဒဝ်၊ မေ ၈။
လတူအလဵုအသဳပိုဲ ယိုက်ဂၠေၚ်ဒၟံၚ်တာလျိုၚ် အတိုၚ်နဲကဲဒဳမဝ်ကရေဇြဳ ညးဍုၚ်ကွာန်တံ ရုဲစှ်လဝ်ဂှ် ဍုၚ်လ္ၚဵုလ္ၚဵုတံ ဆက်တုဲကဵုမံၚ်ဇြဟတ် ဟရိုဟ် အရာစၟတ်ပိုၚ်ခြာလဝ်တံ ကေုာံ ပွမကၟာတ်ဆိုအ်လဝ် ပရေၚ်ပိုန်ဒြပ်တံနွံမံၚ်ရောၚ် သမ္မတသီအဝဵု ဟီုရ။
ပ္ဍဲကဵုကောံဓရီုဂကောံအလဵုအသဳကၟိန်ဍုၚ် အလဵုအသဳပၞာန် ကၠောန်ဗဒှ်လဝ် အပ္ဍဲနေပျဳဒဝ် ပ္ဍဲဂိတုမေ ၆ လောန်ကၠုၚ်ဂှ် သမ္မတသီအဝဵု ဥူမေန်အံၚ်လှာၚ် ဟီုဂးလဝ်ရောၚ်။
သမ္မတသီအဝဵုဂှ် ဟိုတ်နူပိုဲဒှ်အလဵုအသဳ ညးဍုၚ်ကွာန်တံ ရုဲစှ်လဝ်တုဲ သွက်ပရေၚ်ပိုန်ဒြပ်ဍုၚ် ဂွံတောတက်အာဂှ် ဒးကၠောန်အာတုဲ ညးကၠုၚ်ကဵုလဝ်မာဲအလဵုဆန္ဒဇကု အတိုၚ်နဲကဲဒဳမဝ်ကရေဇြဳတံဂှ် နကဵုဍုၚ်ဒဳမဝ်ကရေဇြဳတံ ထေက်ကဵု ဒးစွံၚုဟ်မးထေက်ရောၚ် သ္ဂးရ။
တုဲပၠန် နူကဵုအလဵုအသဳပိုဲ ဆက်ကၠောန်အာ ညံၚ်သၞောတ် ဒဳမဝ်ကရေဇြဳ ဗော်ဇဳ သွက်ဂွံခိုၚ်ကၠိုက်အာတုဲ ဆက်ထမံက်ရုပ်ရဴ ဒက်ပ္တန်အာ ကၟိန်ဍုၚ်ပံၚ်ကောံ ဒုၚ်သ္ဇိုၚ်ကဵုသၞောတ်ဒဳမဝ်ကရေဇြဳ ကေုာံ ဖိတ်ဒရေဝ်ရောၚ် သမ္မတသီအဝဵု ဟီုရ။
အပ္ဍဲကောံဓရီုဝွံ သမ္မတသီအဝဵုဂှ် ဟိုတ်နူဗက်စမံၚ် အဂတိဒဂေတ် လီုလာ်တုဲ ကၟိန်ဍုၚ်ဒးဆောံလေၚ်မံၚ်ဗွဲမဂၠိုၚ်နွံတုဲ ညံၚ်ပရေၚ်အဂတိ ဒဂေတ်လီုလာ်တံ ဂွံအိုတ်အးအာဂှ် နကဵုအဆံၚ်ကၟိန်ဍုၚ်၊ အဆံၚ်ရးဒေသဇၞော် ကေုာံ တွဵုရးတံ အဆံၚ်ၚ် ညံၚ်ဂွံထိၚ်ကြာပ်အာ ချိုတ်တ်ပၠိုတ်တ်ဂှ် ဖ္တိုက်ဖ္အောဝ်လဝ်ရ။
အပ္ဍဲကောံဓရီုဏံဝွံ ဒုတိယသမ္မတ ဥူညဵုသဝ် ကေုာံ ဒဝ်နာန်နဳနဳဧ၊ ဝန်ဇၞော်ကၟိန်ဍုၚ်တံ ကေုာံ ဥက္ကဌကံၚ်သဳနေပျဳဒဝ်တံ တိုန်စိုပ်လဝ်တုဲ သ္ကိုပ်ဝန်ဇၞော်ရးဒေသဇၞော် ကေုာံ တွဵုရးတံဂှ် တိုန်စိုပ်လဝ် နကဵု Video Conferencing ရ။
ပရိုၚ် – သြၚ်လောန်တိုၚ်မ်
Photo – MOI