ထဝါဲ၊ မေ ၁၂။
အပ္ဍဲရးတနၚ်သဳ ဍုၚ်ထဝါဲ အရာပ်သာန်ချဳဂှ် ဟိုတ်နူဒးဒုၚ်ပန်ကဵု သေနာတ်တုဲ သ္ကိုပ်ပရေၚ်အုပ်ဓုပ် တြုံကဵုဗြဴၜါတၠ ချိုတ်အာလဝ်နွံ ညးလတူဍုၚ်တံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ပ္ဍဲဂိတုမေ ၉ လောန်ကၠုၚ်တေံ ၜိုတ်အခိၚ်ဗ္တံ ၈ နာရဳဂှ် ပ္ဍဲအရာပ်သာန်ချဳ မၞိဟ်တြုံရပ်လွဟ်ၜါတၠ တိုန်အာလတူသ္ၚိတုဲ ပန်ဂစိုတ်လဝ် သ္ကိုပ်ပရေၚ်အုပ်ဓုပ် ဥူမျေအ်လွောန် ဂှ်ရောၚ်။
ပ္ဍဲပရေၚ်ပန်ဏံ သ္ကိုပ်ပရေၚ်အုပ်ဓုပ် ဥူမျေအ်လွောန် အာယုက် ၅၂ သၞာံ ကေုာံ သမ္ဘာညး ဒေါ်သာန်ထိုဲ အာယုက် ၅၀ သၞာံတံ ချိုတ်အာ အပ္ဍဲဒၞာဲဂှ်မွဲအလန်ဓဝ်တုဲ ကောန်ဝုတ်ညး အာယုက် ၂၅ သၞာံ မသဲသုလွောန် ဒးလဝ်ဝပ်ဘဲမကမ်ရ။
သ္ကိုပ်ပရေၚ်အုပ်ဓုပ် ဥူမေန်လွောန်ဝွံ ဒှ်ညးအာက္ဍိုပ် အရာရပ်မၞိဟ် သွက်ဂွံယိုက်ဝန်ပၞာန်ကီု ထ္ၜးဟိုတ်ကဵုပရေၚ်ယိုက်ဝန်ပၞာန်တုဲ ဒှ်မၞိဟ် ဓရတ်ကေတ်မံၚ်သြန်ရောၚ် ဂွံတီကေတ်နူညးဒေသတံရ။
ပရေၚ်ပန်ဂစိုတ်လဝ်ဏံဂှ် ဒှ်ကမၠောန်ဒပ်စဵုဒၞာညးဍုၚ်ကွာန် PDF ရောၚ် ရဲလဝ်ဗဳတံပၞာန်တံ စောဲစပ်လဝ်ကီုလေဝ် စပ်ကဵုပရူဏံတုဲ လပါ် PDF ဂှ် လလောၚ်တြးလဝ်ပရိုၚ်ဂှ် ဟွံဂွံဆဵုကေတ်ဏီပုဟ်။
ကြဴနူသ္ကိုပ်ပရေၚ်အုပ်ဓုပ် တြုံကဵုဗြဴၜါတၠ ဒးဒုၚ်ပန်ဂစိုတ်လဝ် လတူဍုၚ်ထဝါဲတုဲ နူလပါ်အလဵုအသဳပၞာန် ဖျေံလဝ်ပရေၚ်ဂီုကၠီု တေၚ်ၚ်ဂှ်တုဲ ဆက်တုဲကၠောန်မံၚ် ပရေၚ်ကၟာတ်ဆိုအ် စၟဳစၟတ်ဂၠိုက်ဂၠာဲ တံနွံမံၚ်ရောၚ် ဂွံတီကေတ် နူညးဍုၚ်ကွာန်တံရ။
ပရိုၚ် – သြၚ်လောန်တိုၚ်မ်
Photo – Social Media