ရေဝ်၊ မေ ၁၅။
အပ္ဍဲတွဵုရးမန် လ္တူဍုၚ်ရေဝ် နူကဵုဌာန်ဂအုပ်ပၞာန် စကခ ၁၉ ဖျေံလဝ်သ္ဇိုၚ်ဂှ် ကောန်ဒပ်ယိုက်ဝန်ပၞာန်ညးဍုၚ်ကွာန် ၄ တၠတံ ကၠုၚ်လုပ်ဖျေံလဝ်လွဟ်နွံမံၚ် ဂွံတီကေတ် နူဂကောံလကိုဟ်ရေဝ် ရ။
ကောန်ဒပ်ယိုက်ဝန်ပၞာန်ညးဍုၚ်ကွာန် ကောန်ဒပ် မေန်ထက်၊ ပျေအ်ဖျိုဝ်မံၚ်၊ ဧမေန်လှိုၚ် ကေုာံ အာဂျေန် တံ ပ္ဍဲဂိတုမေ ၁၃ အခိၚ်နူဂယးဂှ် ကၠုၚ်ဖျေံလဝ်လွဟ်ရ။
ကောန်ဒပ်ယိုက်ဝန်ပၞာန် ၄ တၠ ဖျေံလွဟ်တံဏံ နူဘာတန်ဗတောန်ကွတ်ပၞာန်ကဆံၚ်သၠုၚ် စၟတ် ၄ ဍုၚ်ဇြပ်ဗုဂှ် ဍေံတံစှ်ေလဝ်ဘာ လၟေၚ် ၂၂ မဒှ်ရ။
သီု ၄ တၠဏံဂှ်တှ်ေ ပ္ဍဲကဵုတွဵုရးကရေၚ် နူကဵုဒပ်ကဝ်မယှေန်ပၞာန် ရပ်ဏာလဝ်ပဝ်တာ ပ္ဍဲဍုၚ်မြဝတဳကဵု ဍုၚ်လိုၚ်ဗၠဲတံတုဲ ဒးဒုၚ်ပလံၚ်ဏာလဝ် ပ္ဍဲကဵုဘာတန်ဗတောန်ကွတ်ပၞာန်တံ မဒှ်ရ။
ကောန်ဒပ်ယိုက်ဝန်ပၞာန် ကၠုၚ်လုပ်ဖျေံလဝ်လွဟ်တံဂှ် ထိၚ်ဒဝ်မၚ်မွဲလဝ် ခိုဟ်ဟ်ရောၚ် က္ဍိုပ်သ္ကိုပ် ဂကောံလကိုဟ်ရေဝ် ဟီုရ။
ပ္ဍဲဂိတုအေဗရာ ၄ လောန်ကၠုၚ်တေံလေဝ် နူတမ်ဒပ်ခလရ ၃၄၃ ဖျေံသ္ဇိုၚ် ပွိုၚ်ဍုၚ်ရေဝ်ဂှ် ကောန်ဒပ် ၂ တၠ လုပ်ဖျေံလွဟ် ဇရေၚ်ဂကောံ ဒပ်ဒမၠုက်ရေဝ် YGF နွံကီုရောၚ်။
ပရိုၚ် – သြၚ်လောန်တိုၚ်မ်
ဗီုရုပ်-လကိုဟ်ရေဝ်