ပလဝ်၊ မေ ၂၂
အပ္ဍဲကွာန်ကဒါ ပွိုၚ်ဍုၚ်ပလဝ် ရးတနၚ်္သာရဳဂှ် ဟိုတ်နူဒပ်ကဝ်မယှေန်ပၞာန် ကြဳဗုမ်နကဵုပါရာမဝ်တာတုဲ မၞိဟ်တြုံအာယုက်ဇၞော် ၁ တၠ ချိုတ်အာလဝ်နွံ ညးဒေသတံ ဟီုလဴကဵုဌာန်ပရိုင်သြၚ်လောန်တိုၚ်မ်ရ။
အပ္ဍဲဂိတုမေ ၂၀ ၜိုတ်အခိၚ်သဝ်တ္ၚဲ ၄ နာဍဳဂှ် ပါရာမဝ်တာ ၃ မ တိုန်ကၠုၚ် နူဒပ်ပၞာန်ကျာဗိက်တုဲ ကၠုၚ်ကြဳဖျေံလဝ်ဗုမ် ၃ မ အပ္ဍဲကွာန်ကဒါဂှ်ရောၚ်။
ဟိုတ်နူကြဳဗုမ်နူဗလးကျာဂှ် မၞိဟ်တြုံနွံအာယုက်ပွဳပွူ ၆၀ သၞာံ နွံပ္ဍဲကွာန်ကဒါ ၁ တၠ ဒးဗုမ်တုဲ ချိုတ်အာရ။
အတိုၚ်ညးဒေသတံဟီုမ္ဂး ပရေၚ်ကြဳဗုမ်ဏံဂှ် ဟိုတ်နူကၠုၚ်ကြဳဗုမ် သၞေဟ်ကၚ်ဂိက်စၟဳစၟတ်ဂကောံပၠန်ဂတး နွံဗ္ဒာဲကွာန်ကဒါတုဲ ဗုမ်ဒတုံစှ်ေအပ္ဍဲကွာန်ဂှ်တုဲ ခတိုဟ်အာလဝ် မဒှ်ရ။
ကြဴနူဒးဒုၚ်ကြဳဏာဗုမ်ဂှ် ညးဒေသလ္ၚဵုတံ ဒးဂြိပ်ပါဲမံၚ်ယာယဳကီုလေဝ် ဗွဲမဂၠိုၚ်ဂှ်တှ်ေ အောပ်ဗ္ဒမံၚ် အပ္ဍဲကဵုသ္ၚိဌာန်ညးတံရောၚ် သ္ဂးရ။
ပ္ဍဲဂိတုအေဗရာ ၇ တုဲကၠုၚ်တေံလေဝ် ပ္ဍဲကွာန်ပျဳချာ ပွိုၚ်ဍုၚ်ပလဝ် ဟိုတ်နူဒပ်ကဝ်မယှေန်ပၞာန်ပန်လွဟ်ဇၞော်တုဲ ညးဍုၚ်ကွာန်ကောန်အရာပ် ၂ တၠ တဴပၟတ်ချိုတ်အာလဝ် နွံရ။
ပရိုၚ် – သြင်လောန်တိုၚ်မ်
Photo – Social Media