ဗြဝတဳ၊ ဂိတုမေ ၂၉
သွက်ပရေၚ်ကူသာန်သွံရာန်ဗၞိက် ဒေသပယျဵု ဒှ်အရာကိစ္စဇၞော်မွဲ ဒဒန်ပရေၚ်ဆာန်ကၟိန် သေံ-ဗၟာ စၟတ် ၂ ဂှ် ပ္ဍဲဂိတုမေ ၂၈ အခိၚ်နူဂယးတေံ ကလေၚ်ပံက်အာယျရောၚ် သၟာဗၞိက်ပယျဵုတအ် ဟီုလဴကဵု ဌာန်ပရိုၚ်သြင်လောန်တိုၚ်မ် ရ။
ဒဒန်ပရေၚ်ဆာန်ကၟိန် စၟတ် ၂ ဂှ် ညးတာလျိုၚ် သေံ-ဗၟာ ၜါဍုၚ်တံ ကလေၚ်ပံက်ကဵုလဝ်တုဲ ကွဳစက်ဖ္ဍိုက်ကပေါတ် နူဂိက်ပယျဵုသေံ ၂ မ တတ်လုပ်စိုပ်အာ လပါ်ဂိက်ပယျဵုဗၟာဂှ် ပ္ဍဲပရိုၚ်သေံတအ် ချူထမံက်လဝ်ရ။
အပ္ဍဲဂိတုအဝ်ဂတ် သၞာံ ၂၀၂၅ တေံဂှ် ဟိုတ်နူပရေၚ်ပေါဲဗတိုက်ကဵု အကာဲအရာ အပ္ဍဲဒေသဟွံညိၚ်ဝပ်တုဲ နူလပါ်ကဝ်မယှေန်ပၞာန် ကၟာတ်လဝ် ဒဒန်ပရေၚ်ဆာန်ကၟိန် သေံ-ဗၟာ စၟတ် ၂ ဂှ် ဒဒှ်ရ ကလေၚ်ပံက်မာန်တုဲ ပရေၚ်ကူသာန်သွံရာန်ဗၞိက် ပယျဵု ကေုာံ ပရေၚ်ပိုန်ဒြပ်တအ် ဇြဟတ်ကလေၚ်ခိုဟ်ကၠုၚ်မာန်ရောၚ် တော်ခယျလဝ် နွံမံၚ်ရောၚ်။
ကၠာဟွံပံက်ဒဒန် ပရေၚ်ဆာန်ကၟိန် စၟတ် ၂ ဏံ အပ္ဍဲဂိတုအေဗရာ တုဲကၠုၚ်တေံဂှ်ရ နူကဝ်မယှေန်ပၞာန် ကလေၚ်ပံက်ကဵုလဝ် ဂၠံၚ်အာယှ ဒှ်အရာကိစ္စ သွက်ကပေါတ်ဗၞိက်ဒေသ ပယျဵုကီုလေဝ်၊ စရိတ်ကွဳစက် ကေုာံ ၚုဟ်ကပေါတ် စၞစသ္ဇိုၚ်တအ်ဂှ် ယအ်စှ်ေအာဟွံမွဲတုဲ သီုကဵုၚုဟ်သၠုၚ်ဂၠိုၚ်တိုန်ဟဍၚ်ရောၚ် ညးဒေသဗြဝတဳတအ် ဟီုရ။
ဒဒန် ပရေၚ်ဆာန်ကၟိန် ဗၟာ-သေံ စၟတ် ၂ ဂှ် သွက်ပရေၚ်ကူသာန်ဗၞိက် အကြာၜါဍုၚ်မ္ဂး သုၚ်စောဲပလံၚ်မံၚ် ကပေါတ်လုပ်သၞောဝ်တံမွဲသာ်ဓဝ်တုဲ အခိၚ်ကၟာတ်လဝ်ဒဒန်မ္ဂး သွက်ပရေၚ်ကူသာန်တံဂှ် နူကဵုဂၠံၚ်သၟဝ် နကဵုနဲကဲနာနာ သုၚ်စောဲမံၚ် ဗီုပြၚ်ဖျာဒမၠု မဒှ်ရ။
ပရိုၚ် – သြင်လောန်တိုၚ်မ်
Photo – Social Media