ပံၚ်၊ မေ ၂၉
က္ဍိုပ်သ္ကိုပ်ဒပ်မၚ်ကွာန် ဒုၚ်သြဇာ ဒပ်ပၞာန်ဗမာ ဥူဖိုဝ်ချေတ် နွံမံၚ်ကွာန်ခလံက်ဟဗြု ပွိုၚ်ဍုၚ်ပံၚ် တွဵုရးမန်ဂှ် ဒပ်စဵုဒၞာညးဍုၚ်ကွာန် PDF တအ် ကၠုၚ်ရပ်ကၠေၚ်ဏာရဂှ် ညးဒေသတအ် ဟီုလဴကဵု ဌာန်ပရိုၚ်သြင်လောန်တိုၚ်မ် ရ။
က္ဍိုပ်သ္ကိုပ်ဒပ်မၚ်ကွာန် ဥူဖိုဝ်ချေတ် အာယုက် ၆၀ သၞာံဂှ် ဂကောံဒပ်နွံသၟဝ်တဲဒပ်စဵုဒၞာညးဍုၚ်ကွာန် PDF တအ် ကၠုၚ်ရပ်ကၠေၚ်ဏာ အပ္ဍဲဂိတုမေ ၂၈ ၜိုတ်အခိၚ်နူဂယး ၈ နာဍဳဂှ်ရောၚ်။
အတိုၚ်ရဲဒေသတအ် ဟီုမ္ဂး က္ဍိုပ်သ္ကိုပ်ဒပ်မၚ်ကွာန် ဥူဖိုဝ်ချေတ် အဟိန်နွံမံၚ် ပ္ဍဲဇြပ်လံၚ်ပိဏ္ဍပါတ်ဂှ် ကောန်ဒပ် PDF ဇြဟတ်မၞိဟ် ၁၀ တၠပြၚ်တအ် ကၠုၚ်ရပ်ကၠေၚ်ဏာ မဒှ်ရ။
ကြဴနူရပ်ကၠေၚ်ဏာ က္ဍိုပ်သ္ကိုပ်ဒပ်မၚ်ကွာန် ဥူဖိုဝ်ချေတ်တုဲ လွဟ် M 21 နွံအပ္ဍဲသ္ၚိညးဂှ်လေဝ် ကောန်ဒပ်ပၠန်ဂတးတအ် သီကေတ်ဏာလဝ်ကီုရောၚ် သ္ဂးရ။
လောန်ကၠုၚ် ဂိတုမေ ၁၊ သၞာံ ၂၀၂၃ တေံလေဝ် အကြာၜါလပါ် ဒှ်ပန်လဝ်ညးသ္ကံ အပ္ဍဲသ္ၚိက္ဍိုပ်သ္ကိုပ်ဒပ်မၚ်ကွာန် ဥူဖိုဝ်ချေတ်ကီုတုဲ အခိၚ်တေံဂှ် ဥူဖိုဝ်ချေတ် ဗၠးတိတ်အာကီုလေဝ် လွဟ် ၂ ဇကိုအ် သှ်ေမံၚ်ဂှ် ဂကောံဒပ်ပၠန်ဂတးတအ် သီဂွံဏာကီုရ။
ကြဴနူကဵု က္ဍိုပ်သ္ကိုပ်ဒပ်မၚ်ကွာန် ဥူဖိုဝ်ချေတ် ဒးဒုၚ်ရပ်ကၠေၚ်တုဲ နူကဵုဒပ်ပၞာန် စၞောန်ပ္ညုၚ်လဝ်ကဵု သ္ကိုပ်ပရေၚ်အုပ်ဓုပ်ကီု ကောန်ဒပ်မၚ်ကွာန် သီုဖအိုတ် နွံမံၚ်အပ္ဍဲပွိုၚ်ဍုၚ်ပံၚ်တအ်ကီု ညံၚ်ဂွံစွံအာသတိ ပရေၚ်ဂီုကၠီုဗွဲတၟေၚ်ကီု ညံၚ်သ္ဂောံစၟဳစၟတ် ဂေတ်ကၚ်တအ်ကီုရောၚ် ဂွံတီကေတ် နူညးကြပ်ကဵုဒပ်ပၞာန်တအ် ရ။
ပရိုၚ် – သြင်လောန်တိုၚ်မ်
Photo – CJ