ဒူဗိုၚ်၊ မေ ၂၉
ကြဴနူ အမေရိကာန် ဗတိုက်လဝ် ဗ္ဒာဲသၞေဟ်ၜၚ်ကျာ ဗန်ဒါအဘတ်သ်တုဲ ကလေၚ်ဗတိုက်လဝ် ဗ္ဒိုပ်ဒပ်ပၞာန်ကျာ အမေရိကာန် မွဲဒၞာဲကီုရောၚ် နူဒပ်မၚ်မွဲပၠန်ဂတးအဳရာန် IRGC ဟီုလဴလဝ် ပ္ဍဲဂိတုမေ ၂၇ ရ။
IRGC ဗတိုက်လဝ် ဗ္ဒိုပ်ဒပ်ပၞာန်ကျာ အမေရိကာန် နွံမံၚ်ဒၞာဲလဵုရောဂှ် ဟီုလဝ် ဟၟဲကီုလေဝ်၊ ဒှ်ဗတိုက်လဝ် ဗ္ဒိုပ် ပ္ဍဲကူဝိက်ရောၚ် ပရိုၚ်ဒေသဗၟံၚ်လဒေါအ်တအ်ဂှ် ချူထမံက်ထ္ၜး လဝ်ရ။
ပရေၚ်သွက်ဂွံပၠန်ဗတိုက်အာ အမေရိကာန်တအ် ကၠုၚ်ဂၠာဲမံၚ်သၞတၚ်တံဂှ် ညံၚ်သ္ဂောံကလေၚ်ပလန်အာ ပိုတ်တ်သ္ကုတ်တ် ဂၠိုၚ်နူဏံတုဲ ညးဂၠာဲသၞတအ်ဂှ် ဒးဒုၚ်အာတာလျိုၚ်ရောၚ် နူအဳရာန် ဟီုရ။
နူအဳရာန် ထပ်ကၠောန်လဝ် ပေါဲဗတိုက် သ္ပလဝ်ပွန်ဒၞာဲကဵု စမြိုၚ်ဒၞာဲပရေၚ်ပၞာန်မွဲတုဲ အမေရိကာန်တအ်လေဝ် ပန်ဖျေံလဝ် ဒရုၚ်အဳရာန်တအ်ကီုရောၚ် ညးတာလျိုၚ်အမေရိကာန်တအ် ဟီုလဴရ။
ဟိုတ်နူ ပရေၚ်အမေရိကာန်တအ် ဗတိုက်လဝ်တုဲ၊ နူအဳရာန် ကလေၚ်ဗတိုက်လဝ် ဗ္ဒိုပ်ဒပ်ပၞာန်ကျာ အမေရိကာန် နွံမံၚ်ပ္ဍဲကူဝိက်ကီုဂှ် နူရိုဟ်ကၞက်ပရိုၚ်တအ် ဟီုရ။
ဒရုၚ်ဗတိုက် သုၚ်စောဲမွဲဝါ ၄ မ နူအဳရာန် ကဵုဘဲအန္တရာယ်မာန် ပ္ဍဲဗ္ဒာဲပ္ၚံက်ၜဳဟဝ်မုဇ် တအ်ဂှ် နူကဵုဒပ်ပရေၚ်ကောပ်ကာဲဗဟဵုအမေရိကာန် ပန်ဖျေံလဝ်ရ ညးတာလျိုၚ်အမေရိကာန် ဟွံမိက်ထမံက်ထ္ၜးယၟုတအ် သ္ဂးရ။
သွက်ဂွံပန်ပတိုန်ဏာ ဒရုၚ် မရနုက်ကဵု ၅ မ ဂှ် အဟိန်ပြေၚ်ရေၚ်လဝ် ဗ္ဒာဲသၞေဟ်ၜၚ်ကျာ ဗန်ဒါအဘတ်သ် ဗ္ဒိုပ်ပရေၚ်ထိၚ်ချုက်ဗလးတိအဳရာန်ဂှ် အမေရိကာန်တအ် ဗတိုက်လဝ်ရောၚ် ညးတာလျိုၚ်တအ် ဟီုရ။
ပရေၚ်အမေရိကာန်တအ်ဗတိုက်လဝ်ဏံဂှ် သွက် ပရေၚ်စဵုဒၞာရဒှ်တုဲ ရန်တၟံလဝ် သွက်ဂွံထိၚ်ဒဝ်အာ ပရေၚ်ဒေါအ်ပန်ပှော်ရောၚ် ညးတာလျိုၚ်မွဲတၠ ဟီုလဴကဵု ဌာန်ပရိုၚ်ရိုက်တာ ရ။
ဗ္ဒိုပ်ဒပ်ပၞာန်ကျာ အမေရိကာန် နွံပ္ဍဲကူဝိက် ဒးဒုၚ်ဗတိုက်လဝ်ဂှ် ဒပ်ပၞာန်အဳရာန် ဗတိုက်လဝ်ရောၚ် ကြဴနူ ၂ နာဍဳတုဲ နူ IRIB ဌာန်ပရိုၚ်အလဵုအသဳအဳရာန် လလောၚ်တြးလဝ်ရ။
ကမ်သၠောဝ် ကေုာံ ဒရုၚ်သၞတအ်ဂှ် နူကဵုသၞောတ်ပရေၚ်စဵုဒၞာ နူဗလးကျာပိုဲတအ် ကြတ်ပန်ဖျေံလဝ်ရောၚ် ဒပ်ပၞာန်ကူဝိက် သ္ပလဝ်ဒတန်ရ။
ၜၚ် ၄ မ ဂစာန်တတ်ကၠောံမံၚ် ပ္ၚံက်ၜဳဟဝ်မုဇ်ဂှ်လေဝ် နူဒပ်ပၞာန်အဳရာန် ပန်ဗတိုက်လဝ်ရောၚ် ပ္ဍဲဌာန်ပရိုၚ်အဳရာန်တအ် ချူထမံက်လဝ်ရ။
နကဵုအဳရာန် ယဝ်ရဟွံကေတ် တင်တုပ်စိုတ်မ္ဂး နူလပါ်ပိုဲတအ် ဒးကလေၚ်ဗတိုက်တုဲ ကိစ္စညံၚ်ဂွံတုဲဒှ် ကၠောန်ကဵု အာရောၚ် သမ္မတအမေရိကာန် ဒဝ်နယ်ထရ ကဵုလဝ်သတိကီုရ။
Ref:Reuters