တယိတ်ချံၚ်၊ ဂျောန် ၃
အပ္ဍဲကဵုရးတနၚ်သဳ ပွိုၚ်ဍုၚ်တယိတ်ချံၚ် ကွာန်တေန်ဂါန်ကျောန် ဟိုတ်နူ လွဟ်ဇၞော်ဒပ်ပၞာန် ဒတုံခတိုဟ်တုဲ ညးဍုၚ်ကွာန် ၃ တၠ ချိုတ် အာလဝ်ရောၚ် နူရိုဟ်ကၞက်ပရိုၚ်အပ္ဍဲဒေသတအ် ဟီုကဵု သြင်လောန်တိုၚ်မ် ရ။
တုဲကၠုၚ် ပ္ဍဲဂိတုဂျောန် ၁ ဏအ် ၜိုတ်အခိၚ်သဝ်တ္ၚဲ ၃ နာဍဳဂှ် နူဂိက်သၞေဟ်ကၚ်စၟဳစၟတ် ဒပ်ပၞာန် ဖျေံသ္ဇိုၚ် ဗ္ဒာဲကွာန်တယိက်နှခွ ပန်လွဟ်ဇၞော်တုဲ ဒတုံခတိုဟ်အာ အပ္ဍဲကွာန်တေန်ဂါန်ကျောန် ဂှ်ရောၚ်။
ဟိုတ်နူလွဟ်ဇၞော်ဒတုံခတိုဟ်အာတုဲ ညးတဵုစသၞေဝ်ကေဝ် ညးဗြဴ အာယုက် ၅၀ သၞာံ ၂ တၠ ကေုာံ ညးတြုံ ၁ တၠတံ ဒးအာတုဲ ချိုတ်လဝ်ရ။
ပေါဲဗတိုက်ၜါလပါ် ဒှ်မံၚ်ဟွံမွဲကီုလေဝ် လွဟ်ဇၞော်ဒတုံခတိုဟ်အာ အပ္ဍဲကွာန်တေန်ဂါန်ကျောန်ဂှ်တှ်ေ နူဒပ်ကဝ်မယှေန်ပၞာန်တအ် ရန်တၟံပန်လဝ်သက်က် ဒှ်မာန်ရောၚ် ရဲဒေသတအ် သ္ဂးရ။
ပ္ဍဲသၞာံတုဲကၠုၚ် ဂိတုဒဳဇြေမ်ဗါ ၁၁ ဂှ်လေဝ် ဒပ်ကဝ်မယှေန်ပၞာန် ထပက်ကရောၚ်ပၞာန်လုပ်ကၠုၚ် အပ္ဍဲကွာန်တေန်ဂါန်ကျောန်ဂှ်တုဲ စံၚ်ပလီုထောံ သ္ၚိဌာန်ညးဒေသတံ ၆ မ နွံရောၚ် သ္ဂောံတီကေတ်ရ။
ပ္ဍဲကွာန်သဝ်ဖျာ ကေုာံ ကွာန်ဥတ္တူ ပွိုၚ်ဍုၚ်တယိတ်ချံၚ်ဂှ်လေဝ် ဂိတုမေ ၂၁ ဂှ် ဟိုတ်နူဒပ်ကဝ်မယှေန်ပၞာန် ကြဳဗုမ် နကဵုပါရာမဝ်တာတုဲ ညးဍုၚ်ကွာန် ၃ တၠ ချိုတ်အာ၊ ၄ တၠဂှ် ဒးဝပ်ဘဲဒဏ်တံ နွံမံၚ်ရ။
ပရိုၚ် – သြင်လောန်တိုၚ်မ်
Photo – Social Media