ကျာ်ထဝ်၊ ဂိတုဂျောန် ၅
အပ္ဍဲတွဵုရးမန် ဍုၚ်ကျာ်ထဝ် အရာပ်ကအ်သနာၚ်ဂှ် ညးတၠဆေင် ဍာ်လက်ဖက်မွဲတၠ ဒးဒုၚ်ပန်ကဵုသေနာတ်တုဲ ချိုတ်အာလဝ်ရဂှ် ရဲလ္တူဍုၚ်တအ် ဟီုကဵုဌာန်ပရိုင်သြၚ်လောန်တိုၚ်မ်ရ။
ပ္ဍဲဂိတုဂျောန် ၄ ၜိုတ်အခိၚ်နူဂယး ၇ နာဍဳဂှ် ညးရပ်သေနာတ် ၂ တၠ လုပ်ကၠုၚ်ပ္ဍဲဆေၚ်တုဲ ပန်စုတ်ကဵုသေနာတ် တၠဆေင်ဍာ် လက်ဖက်”ယှိုဲဂျိုဝ်ဖျူ” ဥူကျဝ်သွာ အာယုက် ၄၇ သၞာံရ။
ဟိုတ်နူဒးဒုၚ်ပန်ကဵုသေနာတ်ဂှ်ရ ဥူကျဝ်သွာ ဒးဝပ်သေနာတ် ၆ လစုတ်တုဲ အပ္ဍဲဒၞာဲဒှ်ပရူဂှ် ချိုတ်အာဓဝါဲဂှ်ရ။
ဥူကျဝ်သွာ ညးချိုတ်အာလဝ်ဏံဂှ်တှ်ေ ဒှ်မၞိဟ်ပံၚ်တောဲမံၚ်ကဵု ဒပ်ပၞာန်၊ ဗၠာဲသၟိၚ် ကေုာံ ဂကောံဒပ်မၚ်ကွာန်တံတုဲ ဗက်ကံက်သြန်ကီု၊ ကဵုပရိုၚ် ဗက်ဒစုက်ဓလူစမံၚ်နွံမံၚ်ကီုရောၚ် ရဲဒေသညးတံဟီုတုဲ သ္ဂောံတီကေတ်ရ။
ကြဴနူ ဥူကျဝ်သွာ ဒးဒုၚ်ပန်ဂစိုတ်တုဲ နူကဝ်မယှေန်ပၞာန်တအ် ကၠုၚ်စၟဳစၟတ်မံၚ်ရောၚ် သ္ဂးရ။
စပ်ကဵုကိစ္စဏံတုဲ ကောန်ဒပ်စဵုဒၞာညးဍုၚ်ကွာန် PDF တံ ကၠုၚ်ပန်ဂစိုတ်လဝ် ဥူကျဝ်သွာရောၚ် ရဲလဝ်ဗဳထံက်ဂလာန် ဒပ်ပၞာန်တံ တြးဝါဒ ချူထမံက်ထ္ၜးမံၚ်နွံရ။
ပရိုၚ် – သြင်လောန်တိုၚ်မ်
Photo – CJ