ဘာအၚ်၊ ဂျောန် ၇
အပ္ဍဲကြုၚ်သြၚ်လောန် ဗ္ဒာဲဍုၚ်ဘာအၚ် တွဵုရးကရေၚ် ကရပ် တ္ကအ်ကအ်လှိုက်ဂှ် နူကဵုက္ၜၚ်ပၞာန်ဍာ် ဒပ်ပၞာန်သီအဝဵု သွက်ဂွံစမ်ၜတ် ပန်အာလွဟ်ဇၞော် နွံမံၚ်ရောၚ် ဂွံတီလဝ် နူညးကြပ်ကဵုဒပ်ပၞာန်တံရ။
စိုပ်ဂိတုဂျောန် ၁၀ ဂတဏံမ္ဂး နူကဵုဌာန်ဂဥုပ်ဗ္ဒိုပ်ဒပ်ဍာ် မောရဝတဳ ဂကောံက္ၜၚ်ပၞာန် စၟတ် ၄၆ က္ဍိုက်ပ် က္ၜၚ်ဗတိုက်အပ္ဍဲကြုၚ် ၃၀၃ ဂှ် စွံပွန် လ္တူဗလးဍာ်တုဲ ပန်စမ်ၜတ်အာ လွဟ်ဇၞော်ရောၚ် စဳဇန်လဝ်ရောၚ်။
ဟိုတ်ဂှ်ရ အပ္ဍဲကဵုတ္ၚဲ ပန်စမ်ၜတ်မံၚ်လွဟ်တံမ္ဂး အပ္ဍဲအပိုၚ်အခြာ ဒၞာဲစမ်ၜတ် ဗွိုၚ် ၃ တိုၚ်ဂှ် မၞိဟ်ကီု ဂၠုၚ်ဂၠာဲရပ်ကင္ၚုဲတံကီု၊ ဂၠုၚ်တံ ညံၚ်ဟွံဂွံတတ်ကၠောံအာကၠုၚ်ဂှ် နူကဵုသ္ကိုပ်ပရေၚ်အုပ်ဓုပ်ကွာန် မွဲအဆံၚ် ကဵုသမ္တီတုဲ ဒၞာတာလဝ်ရ။
အပ္ဍဲတ္ၚဲစၟတ်ပိုၚ်ခြာလဝ်ဂှ် အကြာဒၞာတာလဝ်ဏံ ဟွံကလၚ်အမိၚ် တတ်ကၠောံအာကၠုၚ် ဒးအာမကမ်တံမ္ဂး ဟွံကေတ်တာလျိုၚ်တုဲ ရပ်စပ်ကေတ်အရေဝ်ရောၚ် နူလပါ်ဒပ်ပၞာန် ကဵုလဝ်သတိကီုရ။
နူကဵုဒပ်ပၞာန်သီအဝဵု စွံပွန်လ္တူဗလးဍာ်တုဲ စမ်ၜတ်ပန်လွဟ်ဇၞော်ဏံဂှ်တှ်ေ အကြာညးဍုၚ်ကွာန်ဒေသ ဗွဲမဂၠိုၚ်တံဂှ် ဒှ်ဒဝိၚ်ဂွိၚ်ဖေက်မံၚ်ရောၚ် သ္ဂးရ။
ဒၞာဲဒပ်ပၞာန်သီအဝဵု ကၠုၚ်စမ်ၜတ်ပန်လွဟ်ဇၞော် ကွာန်ကအ်လှိုက်ဏံဂှ် ညးဒေသတံ ဒးဇီုကပိုက်မံၚ်ကဵု ပရေၚ်အန္တရာယ် ကြုၚ်သြၚ်လောန် ပြၚ်ၜဳ လာ်စှ်ေအာမံၚ် မွဲဒၞာဲကီုရောၚ်။
Photo – MOI