ဝါယှေန်တန်၊ ဂျောန် ၇
ကၠာဟွံစိုပ်ပေါဲပြိုၚ်ဗဝ်ဂၠးကဝ် ကၠောန်ဗဒှ်အာသတ္တဟဂတဏံဂှ် ပတိတ်ကဵုဗဳသာလုပ်ဍုၚ် ကုဂကောံအဳရာန် တုဲဒှ်အာယျ ညးတာလျိုၚ်အမေရိကာန်တံ သ္ပလဝ်ဒတန်ရ။
ပေါဲပြိုၚ်ပထမအိုတ်ကိုပ်ကၠာအိုတ် သွက်ဂကောံအဳရာန်ကေုာံ နယူသဳလန် ဂိတုဂျောန် ၁၅ သွက်ဂွံကၠောန်ဗဒှ်အာ ဍုၚ်လိုဟ်အိန်ဂျလိ ကၠာဟွံစိုပ်ပွိုၚ် ၁၀ တ္ၚဲဂှ် ပတိတ်ကဵုလဝ် ဗဳသာလုပ်ဍုၚ်မဒှ်ရ။
ရဲဂကောံဝေၚ်ဇြဟတ်တံကီု သၟာအရီုဗၚ် သွက်ဂကောံအဳရာန်တံကီု သ္ဂောံလုပ်ပြိုၚ်ပ္ကာန်အာ ပေါဲဗောဝ်ဂၠးကဝ်ဂှ် ဗဳသာနွံပၟိက်တံ ပတိတ်ကဵုလဝ်တုဲယျ ညးတာလျိုၚ်အမေရိကာန်တံ သ္ပလဝ်ဒတန်ရောၚ်။
ဆဂး ပတောအ်ညံၚ်ရဴ ကောန်ဂကောံဗဝ်အဳရာန်တုဲ လုပ်ကၠုၚ် သွက်သ္ဂောံကၠောန်ပရေၚ်ပကီုပရာတ် အပ္ဍဲဍုၚ်အမေရိကာန် သုၚ်စောဲဗီုပြၚ်ဗၠေတ်တ်ဂှ် ကဵုအခေါၚ်ဟွံသေၚ်ရောၚ် ညးတာလျိုၚ်တံ အမေရိကာန်တံ သ္ဂးရ။
စပ်ကဵု ပွမကဵုလဝ်အခေါၚ်ဗဳသာဏံဂှ် နူကဵုဂဥုပ်ဂကောံဗဝ်အဳရာန်တံ ဟီုပတိတ်လဝ် တင်စၟတ်သမ္တီ ဗွဲမလုပ်သၞောဝ်ဂှ် ဟွံဆဵုဏီပုဟ်။
ဖဳဖာဗဝ်ဂၠးကဝ် ၂၀၂၆ ဂှ် ပ္ဍဲဂိတုဂျောန် ၁၁ မ္ဂး အမေရိကာန်၊ မက်ကသဳကို ကေုာံ ကနေဒါတံ ပံၚ်တောဲတုဲ နကဵုသ္ၚိတၠဌာန် ကၠောန်ဗဒှ်အာရောၚ်။
နကဵုဍုၚ်သ္ၚိတၠဌာန်မွဲဂှ် ဒုၚ်လဝ်တဲ ဍုၚ်ဒှ်မံၚ်ပေါဲပၞာန်ကဵုဇကုတံတုဲ ဒုၚ်တၠုၚ်ပြိုၚ်ပ္ကာန်မံၚ်ဂှ် ဒှ်အရာပရေၚ် စိုတ်ဟွံခိုဟ်မွဲရောၚ်။
ပ္ဍဲကၞောတ်ဂိတုမေတေံ ဂကောံဗဝ်အဳရာန်တံ သွက်ဗကတ်ဗကေၚ်အာ ဒၞာဲသၠာတ်ဗလးဝေၚ်ဂှ် နူအရီဇိုဝ်ဏာ ပြံၚ်စိုပ်အာလဝ် မက်ကသဳကို ရောၚ်။
ဟိုတ်နူပြသၞာဗဳသာတုဲ ဒးပြံၚ်အာဒၞာဲ ဗီုဏံရ အပ္ဍဲအခိၚ်ဂှ် ဥက္ကဌ ဂဥုပ်ဂကောံဗဝ်အဳရာန် မဳဂဒဳ ဟီုလဝ်ရ။
စဵုကဵုစိုပ်ဂိတုဂျောန် ၅ ဂှ် သၞာဲဒါပရေၚ်နဲကဲကဵု ဂကောံအုပ်ဓုပ် ဂကောံဗဝ်အဳရာန်လ္ၚဵုတံဂှ် ဗဳသာအခေါၚ်လုပ်ဍုၚ်အမေရိကာန် ဟွံဂွံဏီပုဟ် ဌာန်ပရိုၚ် Fars ချူလဝ်ရ။
ကောန်ဂကောံဗဝ်အဳရာန် ဆက်စပ်မံၚ်ကဵု ဒပ်မၚ်မွဲပၠန်ဂတးအဳရာန်တံဂှ် ကဵုအာအခေါၚ် လုပ်ဍုၚ်အမေရိကာန်ဟွံဂွံပုဟ် ဝန်ဇၞော်ပရေၚ်ဍုၚ်သအာၚ်အမေရိကာန် မာကို ရူဗဳယို ဟီုလဝ် နူအခိၚ်ကၠာတေံရ။
ကောန်ဂကောံဗဝ်အဳရာန်လ္ၚဵုတံကဵု ဒပ်မၚ်မွဲပၠန်ဂတးအဳရာန်တံဂှ် ကမၠောန်ဗတောန်လဝ်ကွတ်ပၞာန်မွဲစွံ အာစိုပ်လဝ်တုဲတုဲ ဒှ်မံၚ်ရောၚ်။
Ref:BBC