တယိတ်ချံၚ်၊ ဂျောန် ၁၂
အပ္ဍဲကဵုရးတနၚ်သဳ ပွိုၚ်ဍုၚ်တယိတ်ချံၚ် အရာပ်ပါန်တဝ်၊ ဂိတုဂျောန် ၁၀ အခိၚ်နူဂယးဂှ် ဂကောံဒပ်မၚ်ကွာန် သၟဝ်တဲဒပ်ပၞာန်မွဲတၠ ဒးဒုၚ်ပန်လဝ်ကဵုသေနာတ်တုဲ ချိုတ်အာလဝ်ဂှ် ရဲလ္တူဍုၚ်တံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ဂကောံဒပ်မၚ်ကွာန် ဥူဝေန်ဇြဝ် အာယုက် ၅၀ ပြၚ် အခိၚ်ညးနွံမံၚ် အပ္ဍဲကဵုဆေၚ်ဍာ်လက်ဖက် ဗ္ဒာဲဂိက်သၞေဟ်ကၚ်စၟဳစၟတ်ဒပ်ပၞာန် အရာပ် ပါန်တဝ်ဂှ် ဒးဒုၚ်ပန်ဂစိုတ်လဝ်ကဵုသေနာတ်ရောၚ်။
ဟိုတ်နူဒးဒုၚ်ပန်ကဵုလဝ်သေနာတ်တုဲ ဂကောံဒပ်မၚ်ကွာန် ဥူဝေန်ဇြဝ် ဒးဝပ်မကမ်ဖံက်လုပ်အာလဝ် ဒၞာဲက္ဍိုပ်ကဵု သြိုဟ်တံတုဲ အဟိန်ဗလံၚ်ဏာမံၚ် ရုၚ်ဂဥုဲညးဍုၚ်ကွာန် ပွိုၚ်ဍုၚ်တယိတ်ချံၚ်ဂှ် ချိုတ်အာမဒှ်ရ။
ကြဴနူ ဂကောံဒပ်မၚ်ကွာန် ဥူဝေန်ဇြဝ် ဒးဒုၚ်ပန်ဂစိုတ်ဏာတုဲ နူကဵုဒပ်ကဝ်မယှေန်ပၞာန်တံ ဗက်ကၟာတ်ဆိုအ် စၟဳစၟတ်မံၚ် ဇၟာပ်ပ်ဒၞာဲရောၚ် ညးဒေသတံ ဟီုလဴတုဲဂွံတီလဝ်ရ။
ညးချိုတ်အာ ဥူဝေန်ဇြဝ်ဏံဂှ် ဒှ်ရဲဒစုက်ဓလူ ကဵုမံၚ်ပရိုၚ်ကု ဒပ်ပရေၚ်ဂီုကၠီုပၞာန် (စရဖ) မွဲတၠတုဲ ပရေၚ်ဗက်တံၚ်ပဝ်တာ ရပ်ချုက်မံၚ် ရဲယိုက်ဝန်ပၞာန်တံဂှ် ညးဒှ်မံၚ်မၞိဟ်အဓိကမွဲတၠရောၚ် ညးဒေသတံ ဟီုရ။
ပရိုၚ် – သြင်လောန်တိုၚ်မ်
Photo – Social Media