နယူယံက်၊ ဂျောန် ၁၃
အပ္ဍဲဒေသပသိဖေတ်ဂှ် ဗီုပြၚ်ရာသဳဥတု က္တဵုဒှ်လေပ်မံၚ်အတိုင်သဘာဝမွဲဂကူ ရာသဳဥတုအယ်လ်နဳညဝ် စက္တဵုဒှ်မံၚ်ရောၚ် တၠပညာသိပ္ပံအမေရိကာန်တံ ဟီုဂးကၠုၚ်လဝ်ရ။
အခိၚ်လၟုဟ် အပ္ဍဲဒေသပသိဖေတ်ဂမ္တဴတံမ္ဂး အကာဲအရာ ရာသဳဥတုအယ်လ်နဳညဝ် က္တဵုဒှ်မံၚ်တုဲ ဓါတ်ဂမ္တဴဗလးၜဳဂှ် ပ္ဍဲဂိတုတုဲကၠုၚ်တေံ သၠုၚ်တိုန်ကၠုၚ်မံၚ် ထေၚ်ၚ်လဵုလဵုရောၚ် ဂကောံဆေၚ်စပ်ကဵု ပရေၚ်မှာသၟိဟ် ကေုာံ ဗလးကျာကောန်ဂကူအမေရိကာန် (NOAA) ဟီုရ။
အပ္ဍဲပရေၚ်တော်ခယျလဝ် ရာသဳဥတုဗွဲမဂၠိုၚ်တံမ္ဂး ဟိုတ်နူအကာဲအရာလၟုဟ်တုဲ ဒှ်ကၠုၚ်ရာသဳဥတု သူပါအယ်လ်နဳညဝ် မာန်ရောၚ် ထမံက်ထ္ၜးလဝ်တုဲ အကြာသ္ပလဝ်စၟတ်သမ္တီလဝ်တံဂှ် ဒှ်အရာသ္ကာတ်မြဟ်အိုတ်မာန်ရောၚ် သ္ဂးလဝ်ရ။
ဟိုတ်နူမၞိဟ်တံတုဲ ဂၠးကဝ်ဂမ္တဴကၠုၚ်လံလ ဗွဲမဂၠိုၚ်ကဵုသၞာံတံသၟးဟွံက မ္ဒးဆဵုဂဗအာကဵုသၞာံ သၟုဟ်ဂမ္တဴဂၠိုၚ်အိုတ် စိုပ်အာပရေၚ်စၟတ်သမ္တီမွဲ အပ္ဍဲသၞာံ ၂၀၂၇ ဂှ် ဒှ်မာန်ရောၚ် တၠပညာတံ ဟီုရ။
ရာသဳဥတု ဂရံက်ဂရိုက်ဒှ်အာတုဲ လတူပရေၚ်ထံက်ပၚ်စၞစဇွောံမ ကေုာံ ပရေၚ်ပိုန်ဒြပ်တံဂှ် ဗွဲမဂၠိုၚ်ယုတ်ဒေက်ကၠုၚ်မာန်ရောၚ် တၠပညာတံ ကဵုလဝ်သတိရ။
နူ NOAA လလောၚ်တြးဏာဗီုဏံဂှ် အရာသွက်ဂွံဒးအံသဝ်မွဲဟွံသေၚ်တုဲ ညးတော်ခယျလဝ်ရာသဳဥတုတံမ္ဂး ပ္ဍဲတမ်သၞာံဏံ ကြဴနူဗီုပြၚ်ရာသဳဥတု လာနဳညာဂံက်ဂှ် အိုတ်အာတုဲမ္ဂး ဗီုပြၚ်ရာသဳဥတုဂမ္တဴဂှ် ဒှ်ကၠုၚ်မာန်ရောၚ်ဂှ် တော်တၟော်ကေတ်လဝ် တုဲတုဲရောၚ်။
ပ္ဍဲလဒေါဝ်ပသိဖေတ် ကေုာံ ဒေသဂမ္တဴတံမ္ဂး သၟုဟ်ဂမ္တဴဗလးၜဳတံဂှ် အခိၚ်လၟုဟ် ၜက်အာ ဝ ဒသမ ၅ ဒဳဂရဳ ဆဲလ်သဳယာတ်တုဲ အယ်လ်နဳညဝ် စက္တဵုဒှ်မံၚ်ယျ တၠပညာသိပ္ပံအမေရိကာန်တံ ဟီုလဝ်ရ။
အကာဲအရာ ရာသဳဥတုအယ်လ်နဳညဝ်တံဂှ် ဂိတုတုဲကၠုၚ်တေံ က္တဵုဒှ်ကၠုၚ်တုဲယျ။ သၟုဟ်ဂမ္တဴဗလးၜဳတံဂှ် သၠုၚ်နူပမာဏဓမ္မတာတံရောၚ် အေဂျေန်သဳ ရာသဳဥတု NOAA ဟီုရ။
ယဝ်ရ ရာသဳဥတုအယ်လ်နဳညဝ် က္တဵုဒှ်မ္ဂး သၟုဟ်ဂမ္တဴသၠုၚ်တိုန်အာ ဗွဲမလောန်တုဲ သွက်ညးအာယုက်ဇၞော်တံ ကေုာံ ကောန်င္ၚာ်တံဂှ် ဗွဲတၟေၚ် ဒးဒှ်ဒွိၚ်ကဵု အန္တရာဲလမျီုရောၚ်။
Ref:BBC