ဗေကျေန်၊ ဂျောန် ၁၇
အခိၚ်ဆဵုဂဗလဝ်ကဵု သမ္မတသီအဝဵုဍုၚ်ဗၟာ မေန်အံၚ်လှာၚ် ပ္ဍဲဍုၚ်ဗေကျေန်ဂှ် အကြာၜါဍုၚ်ဏံ သွက်သ္ဂောံထမံက်အာရုပ်ရဴ ပရေၚ်ဖောအ်ဗြဳတောတက်အနာဂတ် ပရေၚ်ဆက်ဆောံတံတုဲ ပရေၚ်ညးအာက္ဍိုပ်ဂှ် သမ္မတကြုက် ယှဳကျေန်ဖျေန် ဒုၚ်တဲသ္ပလဝ်ဒတန်ရောၚ် ဟီုလဝ် ပ္ဍဲဂျောန် ၁၆ ရ။
သွက်ဂွံပံၚ်တောဲရေၚ်တၠုၚ်အာ စပ်ကဵုပရေၚ်မဟာဗျူဟာ ဍိုက်က်ပေၚ်ၚ်တုဲ ညံၚ်ဂွံတောတက်တုဲဒှ်အာကီု ပရေၚ်ဆက်ဆောံကောဒေံအရၚ် အကြာညးဍုၚ်ကွာန် ၜါဍုၚ်နိဂီုပိုဲတံမ္ဂး ဇြဟတ်ပရေၚ်အာက္ဍိုပ်ပိုဲတံ ညံၚ်ဂွံခိုဟ်တိုန် ဒးဆက်ရေၚ်တၠုၚ်အာဂှ် ဆန္ဒနွံမံၚ်ရောၚ် သမ္မတယှဳ ဟီုရ။
ကြဴနူပရေၚ်လလောၚ်တြး ပေါဲရုဲမာဲအလီ အံၚ်ဇၞးအာတုဲ တရဴဍုၚ်ကြုက်အလန်ကၠာအိုတ်ညးဂှ် လံပွိုၚ် ၅ တ္ၚဲ မဒှ်ရ။
နူကဵုပရေၚ်ဆက်ဆောံ ကြုက်-ဗၟာဏံ မွဲအဆံၚ် သွက်ပရေၚ်ၜိုဟ်သြိုဟ်ညိၚ်ဝပ် အပ္ဍဲဒေသတံ ပဵုတုဲရီုဗၚ်ကဵုအာရောၚ် သမ္မတယှဳ သ္ဂးလဝ်ရ။
ညးၜါတၠ ဆဵုဂဗလဝ်ဗီုပြၚ်ကၟာတ်တြၚ် အပ္ဍဲၝောံခန်ညးဍုၚ်ကွာန်ဂှ် ပွိုၚ်မွဲနာဍဳလေဝ်ဟွံလံပုဟ် ပရိုၚ်သေန်ဟွာ ထမံက်ထ္ၜးလဝ်ရ။
တင်တုပ်စိုတ်ပရေၚ်ပံၚ်တောဲဆေၚ်စပ်ကဵု အကြာၜါဍုၚ်တံဂှ် ထ္ပက်လဝ်စၟတ်တဲတုဲယျ နူဌာန်ပရိုၚ်အလဵုအသဳကြုက် ထမံက်ထ္ၜးလဝ်ရ။
သီုကဵုပရေၚ်ပလံၚ်ဗ္စိုပ် တတ်ကၠောံၜက်ပယျဵုဒေသ မဟာမေဝ်ဂံၚ်ကီု တင်တုပ်စိုတ်ပရေၚ်ပံၚ်တောဲ လိက်စၟတ်သမ္တီပရေၚ်ဓဝ်ကၠိုဟ်ခၠၚ် ၁၈ ဂကူ ထ္ပက်လဝ်စၟတ်တဲရောၚ် နူဌာန်ပရိုၚ်အလဵုအသဳကြုက် ထမံက်ထ္ၜးလဝ်ရ။
ပရေၚ်ကူသာန်ဗၞိက် ဗၠးၜးအကံက်ခေါန်နာနာတံ ၊ ပွမရီုဗၚ် ဘဲအန္တရာဲသဘာဝတံ၊ ပရေၚ်ထတ်ယုက် ကေုာံ ဆေၚ်စပ်ကဵုမဳဒဳယာတံဂှ်လေဝ် ကေတ်လဝ်တင်တုပ်စိုတ်တံ နွံမံၚ်ရောၚ် သ္ဂးရ။
လတူဇြဟတ်ပရေၚ်ဍုၚ်ကွာန် အပ္ဍဲဍုၚ်ဗၟာညဳသၟဟ်ကၠုၚ် ကလေၚ်ဂွံကၠုၚ်လဝ်ပရေၚ်ညိၚ်ဝပ်တံဂှ် ထံက်အာဂလာန်ရောၚ် နူဌာနဝန်ဇၞော်ပရေၚ်ဍုၚ်သအာၚ်ကြုက် ပတိတ်လလောၚ်တြးလဝ် ရ။
ပ္ဍဲဂိတုအဝ်ဂတ်သၞာံတုဲကၠုၚ်တေံ သဘၚ်သဳကၠဳ ပ္ဍဲတာန်ယန်ကျာန် ဂကောံပံၚ်တောဲယှာန်ဟာဲဂှ် မေန်အံၚ်လှာၚ် တိုန်စိုပ်လဝ်တုဲ ဟွံပေၚ်မွဲသၞာံဏီဂှ် ဆဵုဂဗကဵု ယှဳကျေန်ဖျေန် အလန်ဒုတိယ မဒှ်ရ။
Ref:Reuters