ရေဝ်၊ ဂျောန် ၁၉
အပ္ဍဲကဵုတွဵုရးမန် ပွိုၚ်ဍုၚ်ရေဝ် နူတမ်ဒပ်ခမရ ၅၈၇ ဖျေံသ္ဇိုၚ် ကွာန်အရုတံၚ် ကောန်ပၞာန် ၃ တၠ သီုအကြာပ်ဇၞော်မွဲတၠ မပါလုပ် ဟိုတ်နူ ပတိုန်စွံလဝ်ဗီုရုပ် တိုက်လွဟ်မကမ် လ္တူအန်လာၚ်တုဲ ဒးဒုၚ်ဖျေံထံၚ် ၇ သၞာံရဂှ် နူရိုဟ်ကၞက်ပရိုၚ်အပ္ဍဲဒပ်တံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
နူတမ်ဒပ် ခမရ ၅၈၇ ညးတာလျိုၚ် တိုက်လွဟ်မကမ် အကြာပ်ဇၞော် မျိုဝ်အံၚ်ကဵု ကောန်ပၞာန် ၂ တၠတံဂှ် နူရုၚ်ခုၚ်ပၞာန် ဌာန်ဂအုပ်ပၞာန်ရးအဂၞဲ ဖျေံဒုဟ်ဒဏ်ထံၚ် ၇ သၞာံ ပ္ဍဲကဵုဂိတုဂျောန် ၁၅ ဂှ်ရ။
ညးတာလျိုၚ် တိုက်လွဟ်မကမ် အကြာပ်ဇၞော် မျိုဝ်အံၚ် ပ္ဍဲဂိတုဂျောန် ၉ တုဲကၠုၚ်ဏံဂှ် တက်လဝ်ဗီုရုပ် တိုက်စွံလွဟ်မကမ် တမ်ဒပ်ခမရ ၅၈၇ တုဲ ပ္ဍဲကဵုမုက်လိက်မှာဇန်ညးဂှ် ကလေၚ်ဆာဲတြး လဝ် မဒှ်ရ။
စပ်ကဵုပရေၚ်ပတိုန်လဝ်ဗီုရုပ် တိုက်လွဟ်မကမ် လ္တူအန်လာၚ်ဂှ်တုဲ နကဵုအမိၚ် သ္ကိုပ်ဌာန်ဂအုပ်ပၞာန်ရးအဂၞဲ စၟဳစၟတ်ဂၠိုက်ဂၠာဲတုဲမှ ဂိတုဂျောန် ၁၀ ဂှ် ကၠုၚ်ရပ်ချုက်ဏာ ညးတာလျိုၚ် တိုက်စွံလွဟ်မကမ် အကြာပ်ဇၞော် မျိုဝ်အံၚ်ကဵု ကောန်ပၞာန်စှ်ေမံၚ်တာလျိုၚ် ၂ တၠ ဂှ်ရ။
ကြဴနူဂှ်ပၠန် အကြာပ်ဇၞော်မျိုဝ်အံၚ်ကဵု ကောန်ပၞာန်၂ တၠတံဂှ် စပ်ကဵုပရေၚ်ကာပၞုက် ကပေါတ်လွဟ်ပၞာန်အပ္ဍဲဒပ် မံက်တိတ်မ္ၚးဂှ်တုဲ အတိုင်ဥပဒေဒပ်ပၞာန် ၝောံပိုဒ် ၃၅(စ) ဂှ် ဖျေံလဝ်ဒုဟ်ထံၚ် ၇ သၞာံ မဒှ်ရ။
ပရိုၚ် – သြင်လောန်တိုၚ်မ်
Photo – CJ