ကျာ်ထဝ်၊ ဂျောန် ၁၉
အပ္ဍဲတွဵုရးမန် ပွိုၚ်ဍုၚ်ကျာ်ထဝ် ဒၞာဲဂၠံၚ်ဇုၚ် ကွာန်ချံၚ်သံက်ဂှ် နူကဵုၜၚ်ကျာဒပ်ပၞာန်သီအဝဵု ကြဳလဝ်ဗုၚ်ဂှ်တုဲ ပရေၚ်ဒးဝပ်ချိုတ်တံ ဂၠိုၚ်မာန်ရောၚ် နူရိုဟ်ကၞက်ပရိုၚ်ဒေသတံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
အပ္ဍဲကဵုဂိတုဂျောန် ၁၈ ၜိုတ်အခိၚ်ဒေါဝ်တ္ၚဲ ၁ နာဍဳဂှ် အပ္ဍဲဒၞာဲဂၠံၚ်ဇုန်ကွာန်ချံၚ်သံက်ဂှ် ၜၚ်ကျာဒပ်ပၞာန်သီအဝဵုတံ ကၠုၚ်ကြဳဖျေံလဝ်ဗုၚ် ၂ မ မဒှ်ရ။
အတိုင်ရိုဟ်ကၞက်ပရိုၚ်ဒေသတံ ဟီုဂှ်မ္ဂး သ္ဂံၚ်ပၠန်ဂတးမွဲဂကောံကလေၚ်စဴကၠုၚ် နူကဵုပေါဲဗတိုက်ဖာပန်တေံတုဲ အဟိန်ညးတံဇူဒီုမံၚ်အပ္ဍဲဆေၚ်ဖျာ ဒၞာဲဂၠံၚ်ဇုန် ကွာန်ချံၚ်သံက်မွဲဒၞာဲဂှ် ၜၚ်ကျာဒပ်ပၞာန်သီအဝဵုတံ ကၠုၚ်ကြဳလဝ်ဗုၚ်ရ။
ဟိုတ်နူပရေၚ်ကြဳဗုၚ် နူဗလးကျာတုဲ ပြဟ်ဟ်ဂှ်မ္ဂး သ္ဂံၚ်ပၠန်ဂတး ၂ တၠ ကဵု တၠဆေၚ်ညးဗြဴ ၁ တၠ ချိုတ်အာလဝ်ဂှ် ဂၠိုက်ဂၠာဲဂွံတီလဝ်တုဲ သ္ဂံၚ်တံကဵုညးဍုၚ်ကွာန်ဗွဲမဂၠိုၚ်လေဝ် ဒးလဝ်ဝပ်နွံရ။
အပ္ဍဲပရေၚ်ကြဳလဝ်ဗုမ်ဏံ သ္ဂံၚ်ပၠန်ဂတးကဵုညးဍုၚ်ကွာန် ဒးလဝ်ဝပ်တံဂှ် ဟရိပ်ပလံၚ်ဗစိုပ်ကဵုဏာလဝ် ရုၚ်ဂဥုဲကကဵု ခဒမ်ဂဥုဲ ဗ္ဒာဲဗ္ဒာဲတံဂှ် နကဵုပရေၚ်ကာမံက်တိုန် ဝဳဝတ်အာမံၚ်ဗွဲမပြဟ်တုဲ မၞိဟ်ထပ်ချိုတ်လေဝ် ဂၠိုၚ်တိုန်မာန်ရောၚ် သ္ဂးရ။
အပ္ဍဲပွိုၚ်ဍုၚ်ကျာ်ထဝ် ဒၞာဲရဲဂကောံဒပ်ပၠန်ဂတးတံ ချဳဒရာၚ် ဇြဟတ်ခိုဟ်မံၚ်တံဂှ် အပ္ဍဲဂိတုဏံ ဒပ်ပၞာန်သီအဝဵုတံ အဆက်က်ကၠောန်ကၠုၚ်မံၚ် ပရေၚ်ထံက်ကင်ဗလးကျာတုဲ ဒၞာဲဇရေၚ်ကွာန်ညးဍုၚ်ကွာန်တံ မံၚ်စံၚ်တန်တဴမံၚ်တံဂှ်လေဝ် ဆက်ပန်မံၚ်ကဵုလွဟ်ဇၞော်တံကီုရောၚ်။
ပရိုၚ် – သြင်လောန်တိုၚ်မ်
Photo – Social Media