ဗြဝတဳ၊ ဂျောန် ၂၂
အပ္ဍဲတွဵုရးကရေၚ် ဍုၚ်ဗြဝတဳ အရာပ် ၅ ဂှ် သ္ၚိ ၁ မ တူအာပၟတ်တုဲ ကောန်င္ၚာ် ၂ တၠ ချိုတ်အာလဝ်ရဂှ် ရဲလ္တူဍုၚ်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
အပ္ဍဲဂိတုဂျောန် ၁၉ ၜိုတ်အခိၚ်သဝ်တ္ၚဲ ၃ နာဍဳ သွက်ဂွံတောမ်ပုၚ်သွ အခိၚ်သဝ်တ္ၚဲဂှ်တှ်ေ စကာသုၚ်စောဲထၟာဲဂက်သ်ဂှ် ပၟတ်ကၠောံအာစေဝ်ကၠေၚ်ဓါတ် နွံဗ္ဒာဲဂှ်တုဲ သ္ၚိတူအာလဝ်ရောၚ်။
ဟိုတ်နူပၟတ်တူဂှ်ရ ကောန်င္ၚာ်တြုံ အာယုက် ၉ ဂိတု ကဵု ကောန်င္ၚာ်ဗြဴ အာယုက် ၁၄ သၞာံ အဃောတိက်မံၚ် အပ္ဍဲသ္ၚိတံဂှ် ပၟတ်တူချိုတ်အာလဝ် မဒှ်ရ။
တုဲပၠန် ညးတြုံအာယုက် ၆၀ သၞာံ ၁ တၠလေဝ် ဒးလဝ်ဝပ်ဘဲပၟတ်နွံတုဲ သ္ၚိတူလီုလာ်အာကီုရ။
အတိုင်ရဲလ္တူဍုၚ်တံဟီုမ္ဂး သ္ၚိဏံဂှ်နွံမံၚ် ဒၞာဲပါ်တြးသွံကၠေၚ်စက်ရောၚ် ဂွံတီကေတ်ရ။
ပ္ဍဲကဵုပရေၚ်သ္ၚိတူအာဏံ နူကဵုဂကောံဂစိုတ်ပၟတ်ပွိုၚ်ဍုၚ်ကဵု ညးဍုၚ်ကွာန်တံ ကၠုၚ်ဘိုၚ်ထပၠိုတ်လဝ် ပၟတ်မာန်ကီုလေဝ် တူအာလံ ၃၀ မိနေတ်တုဲမှ ပၠိုတ်အာလဝ်ရောၚ် ဂွံတီရ။
ပရိုၚ် – သြင်လောန်တိုၚ်မ်
Photo – CJ