ဗိက်၊ ဂျောန် ၂၇
အပ္ဍဲသကုတ်ဂၠံၚ်ကၟိန်ဍုၚ် စၟတ် ၈ ရေဝ်-ထဝါဲ-ဗိက်-ဗုက်ပျေၚ်-ကအ်သံၚ် သွက်ဂွံဗတိုက်သၠေက်သ္အးဏာ ဒပ်ပၠန်ဂတးတံ ချိုတ်တ်ပၠိုတ်တ်ရောၚ် ဒုဂဥုပ်ပၞာန်ဒပ်ပၞာန်သီအဝဵု သ္ကိုပ်ပၞာန်ဇၞော် ကျဝ်သွာလေန် ဟီုကြီုလလောၚ်လဝ်ရ ။
တုဲကၠုၚ်ဂိတုဂျောန် ၂၄ တေံ ဒုဂဥုပ်ပၞာန် အာလဝ်ဍုၚ်ဗိက် ရးတနၚ်္သဳ ဂှ် အဟိန်ဆဵုဂဗလဝ်ကဵုညးတာလျိုၚ်၊ ကောန်ပၞာန်ကဵု သ္ၚိကၟိန်အိန်ထံၚ် ကောန်သ္ဂံၚ် နူကဵုဗွိုၚ်ဒပ်တိဍာ်ဒေသဗိက်ကဵု ဍုၚ်ကျောန်သုဂှ် ဟီုကြီုလလောၚ်လဝ် မဒှ်ရ။
ပ္ဍဲကဵုကိုန်အစဳဇန်ဗျူဟာ သၞေဟ်ၜၚ်ဍာ်ဇြိုဟ်ထဝါဲ ဂၠံၚ်ဇၞော်ကၟိန်ဍုၚ် မွဲဒမြိပ် ရေဝ်-ထဝါဲ-ဗိက်-ဗုက်ပျေၚ်-ကအ်သံၚ်တံ ဂကောံလုပ်ပထုဲပထံၚ်မံၚ် သီုဖအိုတ်တံဂှ် သွက်ဂွံဗတိုက်သၠေက် သ္အးဇ္ၚးအာ ချိုတ်တ်ပၠိုတ်တ်ရောၚ် သ္ကိုပ်ပၞာန်ဇၞော် ကျဝ်သွာလေန် ဟီုလဝ်ရ။
ပြဟ်ဟ်ဏံ အတိုၚ်မွဲဒမြိပ် ဂၠံၚ်ဇၞော်ကၟိန်ဍုၚ် စၟတ် ၈ ဂှ် ဒပ်ပၠန်ဂတးတံ ဆက်ထိၚ်ဒဝ်လဝ်တုဲ ဒုဂဥုပ်ပၞာန် ဗီုဟီုကြီု လလောၚ်တြးမံၚ်ဂှ် ဒှ်ကၠုၚ်ဟွံမာန်ပုဟ် ဗျူဟာစၟတ် (၃၃) ရးတနၚ်္သဳ သ္ကိုပ်ဗျူဟာ သ္ဂံၚ်သဝ်တာကို ဟီုကဵုဌာန်ပရိုၚ် သြၚ်လောန်တိုၚ်မ်ရ ။
တုဲပၠန် နူကဵုဒပ်ပၞာန်သီအဝဵု သွက်ဂွံကလေၚ်ထိၚ်ဒဝ်အာ ဂၠံၚ်ဇၞော်ကၟိန်ဍုၚ် စၟတ် ၈ ဂှ် အပ္ဍဲကာလပၠန်ဂတး ပွိုၚ် ၅ သၞာံပြၚ်ဏံ ဂစာန်ကၠုၚ်မံၚ်ဆက်ဆက်ကီုလေဝ် တိဍာ်ဒေသဗွဲမဂၠိုၚ်တံဂှ် စဵုကဵုအခိၚ်လၟုဟ်ဏံ ထိၚ်ဒဝ်ဟွံမာန်ဏီပုဟ်။
အတိုၚ်ဒုဂဥုပ်ပၞာန် ဟီုလဝ်ဂှ်တှ်ေ ပ္ဍဲဂၠံၚ်ဇၞော်ကၟိန်ဍုၚ် စၟတ် ၈ ဂှ် စိုပ်ကၠုၚ်အခိၚ် ဥတုဗြဲကျာတံတၟးကၠုၚ်မ္ဂး ဒပ်ပၞာန်သီအဝဵုတံ ကၠောန်ကၠုၚ်ပရေၚ်လဝေၚ်ပၞာန် ဇၞော်ကဵုဇြဟတ်ဒှ်မာန်ရောၚ် ညးလ္ၚတ်ပရေၚ်ပၞာန်တံ သ္ဂးရ ။
မွဲလပါ်ပၠန် သွက်ဂွံကလေၚ်ထိၚ်အာ ဂၠံၚ်ဇၞော်ကၟိန်ဍုၚ် စၟတ် ၈ မာန်ဂှ် ဒပ်ပၞာန်သီအဝဵုတံ ထပက်မံၚ်ကရောၚ်ပၞာန်မွဲဏှမွဲဏှတုဲ ပေါဲဗတိုက်ပရေၚ်ဇီုကပိုက်ၜါလပါ်တံ က္တဵုဒှ်မံၚ်မွဲဏှမွဲဏှကီုရ။
သွက်ဂွံကလေၚ်ထိၚ်အာ ဂၠံၚ်ဇၞော်ကၟိန်ဍုၚ် စၟတ် ၈ မာန်ဂှ် နူကဵုလပါ်ဒပ်ပၞာန် ပရေၚ်ကြဳဗုၚ်ဗလးကျာတံ ပဵုကၠောန်ကၠုၚ်မာန်တုဲ ညးဍုၚ်ကွာန်တံ ညံၚ်ဂွံမံၚ်စံၚ်အာကဵုသတိညိဂှ် ဒပ်ပၠန်ဂတးတံ ဗတိုက်ဖအောဝ်လဝ်ရ။
ပရိုၚ် – သြၚ်လောန်တိုၚ်မ်
Photo – Social Media