ဘာအၚ်၊ ဂျူလာၚ် ၁၅
တဆိပ်ဌာနပရေၚ်ထတ်ယုက်ကဵုဟံၚ်ပြာ် (KDHW) စကာသုၚ်စောဲလဝ်ဒၞာဲဗၠေတ်တ်တှ်ေ ပရေၚ်အထေၚ်ဗၠေတ် ဒှ်အာမာန်တုဲ စကာလဝ်တဆိပ်ဌာန ဒၞာဲဗၠေတ်တ်ဂှ် ညိလေဝ်ဟွံတုပ်စိုတ်တုဲ ဒစဵုစးပျုတ်ဗဒေက်ရောၚ် ပ္ဍဲဂျူလာၚ် ၁၄ ဂှ် နူသ္ကိုပ်ဌာနဗဟဵု KDHW ကဵုသမ္တီသောင်ကလး ပတိတ်လလောၚ်တြး လဝ်ရ။
အပ္ဍဲကဵုသိုဲယှေဝ်မဳဒဳယာပြဟ်ဟ်ဏံ သုၚ်စောဲလဝ် လိုဂိုတဆိပ်ဌာန (Logo) ဌာနပရေၚ်ထတ်ယုက်ကဵုဟံၚ်ပြာ် (Karen Department of Health and Welfare) ပိုဲတံတုဲ နကဵုယၟု Kawthoolei Natural Miracle Herbs လလောၚ်တြးသွံမံၚ်ကဝ်ဖဳ မွဲဂကူဂှ် ဂွံဆဵုညာတ်လဝ်ရောၚ် ပ္ဍဲလိက်လလောၚ်တြး KDHW ဂှ် ချူထမံက်လဝ်ရ။ တဆိပ်ဌာန ပရေၚ်ထတ်ယုက်ကဵုဟံၚ်ပြာ်ဂှ် သုၚ်စောဲစကာ သ္ပလဝ် တဆိပ်ကဝ်ဖဳ
Kawthoolei Natural Miracle Herbs သာ်ဏံဂှ် နူကဵုဌာနပိုဲတံ ဟွံဂွံတီလဝ်တုဲ ကဵုလဝ်အခေါၚ် ဗွဲမလုပ်သၞောဝ်လေဝ် ဟၟဲပုဟ် KDHW သ္ဂးရ။
ပရေၚ်သုၚ်စောဲစကာလဝ် တဆိပ်ဌာနဒၞာဲဗၠေတ်တ် သ္ပလဝ်တဆိပ်ကဝ်ဖဳ
Kawthoolei Natural Miracle Herbs သာ်ဏံဂှ် ညးဍုၚ်ကွာန်ကရေၚ်ပိုဲတံကီု သီုဂကောံမိတ်သဟာဲဂၠးကဝ် ပိုဲတံလေဝ် အထေၚ်ဗၠေတ်အာမာန်ရောၚ် ပ္ဍဲလိက်လလောၚ်တြး ချူထမံက်လဝ်ရ။
ဟိုတ်ဂှ်တုဲ ပရေၚ်စကာတဆိပ်ဌာန ဒၞာဲဗၠေတ်တ်ဂှ် နူကဵုဌာနပရေၚ်ထတ်ယုက်ကဵု ဟံၚ်ပြာ် (KDHW) ညိလေဝ်ဟွံတုပ်စိုတ် ဒစဵုစးပျုတ်ဗဒေက်ဏာတုဲ ကပေါတ် သီုတဆိပ်ဌာန ကၠောန်ပတိတ်လဝ်တုဲတုဲကီု ၊ ညံၚ်ဟွံဂွံဆက်ကၠောန်ပတိတ်လလောၚ်တြး လ္ပသွံရာန်အာညိဂှ် KDHW ဟွံတုပ်စိုတ် ဗတိုက်ဖအောဝ်ဏာ ရ။
ဌာနပရေၚ်ထတ်ယုက်ကဵုဟံၚ်ပြာ် (Karen Department of Health and Welfare) ဂှ် ဒှ်ဌာနမိ ဗော်သွးကောန်ဂကူကရေၚ် (KNU) ဒက်ပ္တန်လဝ် ဗွဲမလုပ်သၞောဝ်ရောၚ် ပ္ဍဲလိက်လလောၚ်ဂှ် ကဵုလဝ်သမ္တီနွံရ။
ပရိုၚ် – သြၚ်လောန်တိုၚ်မ်
Photo – CJ