ဍာ်ဗု၊ ဂျူလာၚ် ၁၇
အပ္ဍဲကဵုရးတနၚ်္သဳ ပွိုၚ်ဍုၚ်ဍာ်ဗု အကြာဗွိုၚ်ဒၞာဲပရေၚ်ပိုန်ဒြပ်တၟေၚ်ထဝါဲဂှ် ဟိုတ်နူကရောၚ်ပၞာန်ဗၟာ ထပက်လုပ်ကၠုၚ်ကီု ဟိုတ်နူဗြဲဂူရိုပ်မံၚ်ဆက်က်ကီုတုဲ ရဲပါဲဘဲပၞာန်တံ ဒးထပ်ဆဵုဂဗမံၚ်ကဵုဘဲဒဒိုက်ဍာ်ဇၞော်ပၠန်ရဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
စနူဂိတုဂျူလာၚ် သတ္တဟဒုတိယတုဲကၠုၚ်ဏံတုဲ အကြာကွာန်ဗွိုၚ်ပရေၚ်ပိုန်ဒြပ်တၟၚ်ထဝါဲဂှ် ဒပ်ပၞာန်ဗၟာ ဇြဟတ်ၜိုတ် ၇၀၀ ထပက်မံၚ်ကရောၚ်ပၞာန်တုဲ ညးဒေသ ၈ ကွာန်ပြၚ်တံ ဒးဂြိပ်ပါဲမံၚ်အိုတ်ရ။
ဟိုတ်နူကရောၚ်ပၞာန် ဒပ်ပၞာန်ဗမာထပက်ကၠုၚ်မံၚ်ဂှ် ရဲပါဲဘဲပၞာန်ဂမၠိုၚ်ဒးဂြိပ်ပါဲဒဴမံၚ် ပေၚ်အာမွဲသတ္တဟပြၚ်ယျတုဲ နွံမံၚ်ပၟိက်ကဵုစၞစဇွောံမတံရောၚ် ညးဒေသမၞိဟ်တြုံမွဲတၠ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
တုဲပၠန် စနူအကြာတ္ၚဲတံဏံဂှ် ဟိုတ်နူဗြဲဂူရိုပ်လဝ်ဆက်က်ဟွံပိုတ်နွံတုဲ ပ္ဍဲကွာန်ယၚေဝ်ကဵု ကွာန်ဧကနိ အပ္ဍဲဗွိုၚ်ပရေၚ်ပိုန်ဒြပ်တၟေၚ်ထဝါဲဂှ် ဍာ်ဇၞော်တိုန်မံၚ်ဂှ်ရ ရဲဒဴပၞာန်တံဒးထပ်ဇီုကပိုက်မံၚ်ကဵု ဘဲအန္တရာဲဍာ်ဇၞော် မွဲဝါပၠန် မဒှ်ရ။
ပြဟ်ဟ်ဏံ ကရောၚ်ပၞာန်ဒပ်ပၞာန်သီအဝဵုတံဂှ် ထပ်စိုပ်မံၚ်ဗ္ဒာဲကွာန် ဝဇြောန်တဝ် အပ္ဍဲဗွိုၚ်ပရေၚ်ပိုန်ဒြပ်တၟေၚ်တုဲ ရဲဒေသနူကွာန်ဗွဲမဂၠိုၚ်တံဂှ် ကလေၚ်စဴသ္ၚိဌာန်ညးတံဟွံဂွံဏီ ဒးဂြိပ်အောပ်ပါဲမံၚ်အကြာကွာန်ကြပ်ပ်တံကဵု အပ္ဍဲဇျှော်ဂြိုပ်ဒဵုတံကီုရ။
ဟိုတ်နူကရောၚ်ပၞာန်ဒပ်ပၞာန်ဗၟာထပက်လုပ်ကၠုၚ်တုဲ ညးဒေသနူကွာန်ဧကနိ၊ ကုန်သာယာအေန်၊ ခမံက်ချံၚ်၊ ဝက်ချံၚ်၊ ဝဇြောန်တဝ်၊ ယၚေဝ်၊ ဗူတံၚ်ကေုာံ ဝါချံၚ်တဝ် ၈ ကွာန်ပြၚ်တံ ဒးဂြိပ်ပါဲမံၚ်ဖိုဟ်ရောၚ် ဂွံတီကေတ်ရ။
ပရိုၚ် – သြၚ်လောန်တိုၚ်မ်
Photo – CJ