မတ်မလီု၊ ဂျူလာၚ် ၁၇
အပ္ဍဲကဵုတွဵုရးမန် ကောန်ပၞာန်ပၠန်ဂတး ၄၁ တၠ လုပ်ဖျေံလွဟ် ဇရေၚ်ရးဌာန်ဂအုပ်ပၞာန်အဂၞဴ (ရတခ) ဍုၚ်မတ်မလီုရဂှ် လိက်ပရိုၚ်တြးဝါဒအလဵုအသဳဒပ်ပၞာန်ချူထမံက်ပတိတ်လဝ် ဂိတုဂျူလာၚ် ၁၆ ဂှ်ရ။
ညးလုပ်ဖျေံလွဟ်တံဂှ်တှ်ေ ဒှ်ကောန်ပၞာန်နူဂကောံမၚ်မွဲပရေၚ်ၜိုဟ်လလံကရေၚ် KPMF ကေုာံ ကောန်ဒပ်နူ ဒပ်ပၞာန်ဗၠးၜးကောန်ဂကူကရေၚ် KNLA နွံသၟဝ်တဲ ဗော်သွးကောန်ဂကူကရေၚ် KNU တံရောၚ် သ္ဂးလဝ်ရ။
အပ္ဍဲမၞိဟ်တံဏံဂှ်တှ်ေ နူတွဵုရးကရေၚ် ၁၂ တၠ၊ တွဵုရးမန် ၁၂ တၠ၊ ရးလ္ဂုၚ် ၁၀ တၠ၊ ရးမာန္တလေဝ် ၄ တၠ၊ ရးဗဂေါ ၂ တၠ၊ ရးသကိုၚ် ၁ တၠ၊ အပံၚ်ဖအိုတ် ၄၁ တၠတံ လုပ်ဖျေံလဝ်လွဟ်ရောၚ်။
အပ္ဍဲကဵုရဲဖျေံလွဟ်တံဏံဂှ်တှ်ေ သီုကဵုလွဟ်နာနာ ၁၁ ဇကိုအ် ကေုာံ ကပေါတ်ဆက်စပ်တံပါမံၚ်တုဲ ဟိုတ်နူလုပ်ဖျေံလွဟ်သာ်ဏံဂှ်ရ ကလေၚ်ထံက်ပၚ်ကဵုဏာ သြန် ၃၈၂ ကိုတ်ကဵု ကပေါတ်ပရၚ်တဲတံရောၚ် ချူထမံက်လဝ်ရ။
ညးလုပ်ဖျေံလွဟ်တံဏံဂှ် ကဵုထ္ပက်လဝ်စၟတ်တဲဒုၚ်ဏာကတိဝတ်နာနာတုဲ သၠောဲပြံၚ်ပအပ်ပြာပ်ကဵုဏာလဝ် ဇရေၚ်မိမဆေင်စပ်တံဗွဲမစှ်ေသၞောတ်ရောၚ် လလောၚ်တြးလဝ်ရ။
ရဲကၠုၚ်လုပ်ဖျေံလွဟ်တံဏံဂှ် ဒှ်လဝ်ကောန်ပၞာန် ဒပ်မၚ်ပယျဵုကရေၚ် BGF ပြံၚ်လဝ်ယၟု ဒပ်ကောန်ဂကူကရေၚ် KNA တံဒှ်မာန်တုဲ ပရေၚ်လၟုဟ်ဏံဂှ် ဒှ်ဆၜိုတ်ကမၠောန်တြးဝါဒ သွက်ဒပ်ပၞာန်ဗၟာတံရောၚ် နူကဵုရိုဟ်ကၞက်ပရိုၚ်ပၠန်ဂတးတံ သ္ဂးရ။
အခိၚ်ကာလပၠန်ဂတးလံကၠုၚ်မ္ဂး သ္ဂံၚ်၊ ကောန်ပၞာန်ပၠန်ဂတးတံ လုပ်ဖျေံလွဟ်မွဲဏှမွဲဏှနွံမံၚ်ရောၚ်ဂှ် နူလပါ်ဒပ်ပၞာန်သီအဝဵု ဆက်တြးမံၚ်ဝါဒ ဆက်က်လေဝ်နွံမံၚ်ရောၚ်။
ပရိုၚ် – သြၚ်လောန်တိုၚ်မ်
Photo – MOI