ဘာအၚ်၊ ဂျူလာၚ် ၂၁
အပ္ဍဲတွဵုရးကရေၚ် ကရပ်ဗ္ဒာဲကွာန်ညံၚ်ကုၚ် ပွိုၚ်ဍုၚ်ဘာအၚ်ဂှ် ဟိုတ်နူလိုန်ဒးမါၚ်တုဲ ညးဗြဴ ၂ တၠ ဒးအာဝပ်ရဂှ် ဂွံတီကေတ် နူညးဒေသတံရ။
ပ္ဍဲဂိတုဂျူလာၚ် ၁၈ တုဲကၠုၚ်တေံ ရဲကွာန်ညံၚ်ကုၚ် နဝ်လှကူ အာယုက် ၃၆ သၞာံ ကေုာံ နဝ်တဒူ အာယုက် ၄၅ သၞာံတံ ၂ တၠ အဟိန်အာမံၚ်အပ္ဍဲဂြိုပ် ကရပ်ဗ္ဒာဲကွာန်ဂှ် လိုန်ဒးအာမါၚ်ရောၚ် သ္ဂးရ။
အဟိန်အာဂၠာဲခါဲၜၚ် အကြာဂြိုပ်ဂှ်လိုန်ဒးမါၚ်တုဲ ကောန်ကွာန်တံတီဗက်ဂှ်တှ်ေ နူဂြိုပ်တေံဂှ် ပလံၚ်ဏာရုၚ်ဂဥုဲပြဟ်ဟ်မာန်ရောၚ် ညးဒေသမွဲတၠ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ညးဗြဴ ၂ တၠ ဒးလဝ်မါၚ်တံဂှ် ဒးလဝ်ဝပ်ပ္ဍဲဇိုၚ်တဲတံတုဲ ဒးပလံၚ်လဝ် ပ္ဍဲရုၚ်ဂဥုဲညးဍုၚ်ကွာန် ဘာအၚ်ရောၚ် ဂွံတီရ။
ပ္ဍဲကရပ်ဗ္ဒာဲကွာန်ညံၚ်ကုၚ်ဂှ် ဒပ် BGF တံဖျေံလဝ်ဒပ်နွံဂှ်ကီု၊ ဒပ်ပံၚ်တောဲ KNLA တံလေဝ် အာကၠုၚ်ချဳဒရာၚ်မံၚ်နွံတုဲ မါၚ်ညးဍုၚ်ကွာန်တံလိုန်ဒးဏံဂှ်တှ်ေ ဒှ်မါၚ်နူဂကောံလဵု တပ်စွံလဝ်ရောဟီုဂှ် တီကေတ်ဟွံမာန်ဏီပုဟ်။
ဂိတုဂျူလာၚ် ၁၃ သဝ်တ္ၚဲတေံ ပ္ဍဲပွိုၚ်ဍုၚ်ဘာအၚ် အကြာကွာန်တလေၚ်ကရေၚ်ကဵု ကွာန်ကွေန်လေဝ်တံဂှ် ဒပ်ပၞာန်သီအဝဵု ကြဳဖျေံဗုမ်တုဲ ညးဍုၚ်ကွာန်ချိုတ်အာ ၁ တၠ ဒးဝပ်လဝ် ၁ တၠရောၚ် ဂွံတီရ။
ပရိုၚ် – သြၚ်လောန်တိုၚ်မ်
Photo – Social Media