ကျာ်ထဝ်၊ ဂျူလာၚ် ၂၅
အပ္ဍဲတွဵုရးမန် ပွိုၚ်ဍုၚ်ကျာ်ထဝ် ကွာန်မုက်ပလေၚ် ဆေၚ်သွံကၠေၚ်စက် “ထက်” နွံမံၚ်ဒကဲဂၠံၚ်ကွဳစက် လ္ဂုၚ်-မတ်မလီုဂှ် ဂကောံအလဵုအသဳဒပ်ပၞာန်ကၠုၚ်ကၟာတ်ထောံယျရောၚ်ဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
အပ္ဍဲဂိတုဂျူလာၚ် သတ္တဟတတိယတုဲကၠုၚ်ဏံ ဂကောံစဳရေၚ်အုပ်ဓုပ်ပွိုၚ်ဍုၚ်ကျာ်ထဝ် ကေုာံ ဂကောံပံၚ်တောဲဒပ်ပၞာန်တံ စိုပ်ကၠုၚ်ဆေၚ်သွံကၠေၚ်စက် “ထက်” ဂှ်တုဲ ဗာန်စွံလဝ်လိက် ဒဒှ်ရ ကၟာတ်ထောံဆေၚ်ဏံ မဒှ်ရ။
အတိုၚ်စၞောန်ပ္ညုၚ် ဂကောံအလဵုအသဳတွဵုရးမန်ဒပ်ပၞာန်တံဂှ် ကၟာတ်ထောံဆေၚ်သွံကၠေၚ်စက် “ထက်” ဂှ်ရောၚ် ကဵုလဝ်သမ္တီရ။
အတိုၚ်ညးဒေသတံဟီုလဴမ္ဂး ဆေၚ်သွံကၠေၚ်စက် “ထက်”ဂှ် ဟိုတ်နူသွံမံၚ်ကဵုကၠေၚ် သွက်ကွဳစက်လိုင်သေၚ်ဟွံမွဲတံကီု စုတ်ကဵုစေဝ်သွံမံၚ်ကၠေၚ်စက်ကီုတုဲ ဒးဒုၚ်ကၟာတ်ထောံဒှ်မာန်ရောၚ် သ္ဂးရ။
အဟိန်ရဲကၠုၚ်စုတ်ကၠေၚ်စက်တံ နွံကောံမံၚ်ဂှ်ဂကောံပံၚ်တောဲအလဵုအသဳဒပ်ပၞာန်တံ ထဍေၚ်ဘာတ်ပ္တိတ်ထောံ ညးဍုၚ်ကွာန်တံပြဟ်ဟ်တုဲ ကၟာတ်ထောံလဝ် ဆေၚ်သွံကၠေၚ်စက် “ထက်”ဂှ် သ္ဂးရ။
အတိုၚ်ဌာန်ပရိုၚ် သြၚ်လောန်တိုၚ်မ် ဂၠိုက်ဂၠာဲသၟာန်သၟုက်ဂွံလဝ်မ္ဂး တၠဆေၚ်သွံကၠေၚ်စက် “ထက်” ဂှ်လေဝ် နူကဵုဂကောံအလဵုအသဳ ဒပ်ပၞာန်တံရပ်ထိၚ်တုဲပံက်လဝ်အမှုရောၚ် ဂွံတီကေတ်ရ။
ဂိတုဂျူလာၚ် ၂ တုဲကၠုၚ်တေံ ပ္ဍဲတွဵုရးမန် တၠကာန်ပနဳ ရာဇာမေန် ဥူညဳညဳထွေ ညးဂွံလဝ်အခေါၚ် ပၠုပ်ခြိုၚ်တြးသွံကၠေၚ်စက်တံဂှ် ဟိုတ်နူသွံလဝ်ကၠေၚ်ဖျာဒမၠုတုဲ နူကဵုရုၚ်သၞောဝ်ဓရ်ပွိုၚ်ဍုၚ်မတ်မလီု ဖျေံလဝ်ဒုဟ်ထံၚ် ၂ သၞာံရ။
ပရိုၚ် – သြၚ်လောန်တိုၚ်မ်
Photo – CJ