ဗြဝတဳ၊ ဂျူလာၚ် ၂၈
အပ္ဍဲအကြာပွဳပွူ လပါ်သၠုၚ်ကျာဍုၚ်ဗြဝတဳ တွဵုရးကရေၚ် ပေါဲဗတိုက်ဇုက်လုက်ဇီုကပိုက်မံၚ် အကြာဒပ်ပၞာန်သီအဝဵုကဵု ဂကောံဒပ်ပၠန်ဂတး KNU/KNLA တံဆက်ဒှ်မံၚ်အရိုဟ်ဟ်တ္ၚဲတုဲ လပါ်ဒပ်ပၞာန်ဂှ် ချိုတ်အာလဝ် နွံဗွဲမဂၠိုၚ်ကီု၊ ကောန်ပၞာန် ၆ တၠ ဒုၚ်ကဵုပယျလုပ်ဖျေံလဝ်လွဟ်ဂှ် ကရောၚ်ပၞာန်ကၠသာန်မပၞဟ် (ဗျူဟာစၟတ် ၃၂) လလောၚ်တြးပတိတ်လဝ် ပရိုၚ်ရ။
အပ္ဍဲအကြာပွဳဗွိုၚ် လပါ်သၠုၚ်ကျာဍုၚ်ဗြဝတဳဂှ် KNU/KNLA သ္ကိုပ်သ္ကတုဲ ဂကောံဒပ်ပၠန်ဂတးမဟာမိတ် (ဗျူဟာစၟတ် ၃၂) တံကဵု ဂကောံဒုၚ်သြဇာသၟဝ်တဲဒပ်ပၞာန်သီအဝဵုတံ ပရေၚ်ပေါဲဗတိုက်စုက်လုက် ဒှ်မံၚ်အရိုဟ်ဟ်တ္ၚဲရောၚ်။
ပ္ဍဲအရာပရေၚ်ဇီုကပိုက်ပေါဲဗတိုက်ဗလးတိ ဂၠိုၚ်ကဵုဝါက္တဵုဒှ်လဝ်တံဂှ် သီုလပါ်ဗလးတိကီု သီုကဵုဗလးကျာတံ ၜိုန်ရစကာလဝ်ဇြဟတ် ၜက်လောန်မံၚ်နူသၞောတ်ကီုလေဝ်၊ လပါ်ဒပ်ပၞာန်သီအဝဵုတံဂှ် ချိုတ်အာလဝ် နွံဗွဲမဂၠိုၚ်တုဲ ကောန်ပၞာန် ၆ တၠတံဂှ် သီုကဵုလွဟ် ဒုၚ်ကဵုပယျလုပ်ဖျေံလွဟ်ရ ပ္ဍဲလိက်လလောၚ်တြးဂှ် ထမံက်ထ္ၜးချူလဝ်ရ။
ပ္ဍဲပေါဲဗတိုက် လုက်စုက်ဇီုကပိုက်ဗလးတိတံဂှ် ဂကောံဇြဟတ်ဒပ်ပၠန်ဂတးတံပရေၚ်ဒးဝပ်ညးမွဲလေဝ်ဟၟဲတုဲ လပါ်ဒပ်ပၞာန်ဗမာတံမ္ဂး ညးတာလျိုၚ်၊ အကြာပ်ဒပ်တံကေုာံ ကောန်ပၞာန်ဗွဲမဂၠိုၚ်ဒးဝပ်ဇၞော်ကဵုဇြဟတ်တုဲ ချိုတ်မံၚ်တံဂှ် နွံမံၚ်အရိုဟ်ဟ်တ္ၚဲရောၚ် သ္ဂးရ။
ညးပါလုပ်လပါ်ဂကောံဒပ်ပၠန်ဂတးတံဂှ် ညံၚ်ဇြဟတ်ပၞာန်ထပက်ဗတိုက်ကၠုၚ်မံၚ်ဇကု ဇၟာပ်ပ်တ္ၚဲတံ ဂွံယအ်စှ်ေအာဂှ် ဆက်တဝ်စၞေဟ်ဗတိုက်မံၚ်ဇၞော်ကဵုဇြဟတ်ရောၚ် ကရောၚ်ပၞာန်ကၠသာန်မပၞဟ် (ဗျူဟာစၟတ် ၃၂) ကဵုသမ္တီ လလောၚ်တြးလဝ်ရ။
ပ္ဍဲပေါဲဗတိုက်လပါ်သၠုၚ်ကျာ ဍုၚ်ဗြဝတဳတံဂှ် ဟိုတ်နူဒးဒုၚ်ဗတိုက်အသိၚ်ကာတ်မံၚ်တုဲ စနူဂျူလာၚ် ၇ စဵုကဵုစိုပ် ၂၇ ဏံဂှ် နူကဵုဗလးကျာဆက်ကြဳဖျေံမံၚ်ဗုမ်ဇၞော်ကဵုဇြဟတ်ရောၚ် ရိုဟ်ကၞက်ပရိုၚ်အပ္ဍဲဒေသ သ္ဂးရ။
သွက်ဂွံကလေၚ်ဂွံဂွံအာဗ္ဒိုပ်ပၞာန် ဒးဒုၚ်သီလဝ်မွဲဒမြိပ်ပယျဵု သၠုၚ်ကျာဍုၚ်ဗြဝတဳတံကီု၊ သွက်ဂွံအုပ်ဓုပ်ထိၚ်ချုက်အာတိဍာ်ကေုာံ သွက်ဂွံကဵုအရီုဗၚ်ပၞာန် ကုဗျူဟာဝဝ်လေတံကီု ပံၚ်တောဲလဝ်ကဵု ဒပ်မၚ်ပယျဵုကရေၚ် BGF၊ ဒပ် DKBA ပါ်တိတ် ဗိုလ်ဗိတံတုဲ ဒပ်ပၞာန်သီအဝဵုတံထပက်ပၞာန် ဂစာန်ဗတိုက်ကၠုၚ်မံၚ်ဖိုဟ်ရောၚ်။
ပရိုၚ် – သြၚ်လောန်တိုၚ်မ်
Photo – ကျားသစ်နက်စစ်ကြောင်း(ဗျူဟာအမှတ်-၃၂)