ဝါယှေန်တာန်၊ အဝ်ဂတ် ၁
တုဲကၠုၚ်ခြာဟွံလံဏံ ပရေၚ်ဂီုကၠီုသိုက်ဖာ ဖံက်လီုလာ်အာလဝ်တုဲ လတူကပေါတ်စက်ကွတ် သုၚ်စောဲနဲကဲပညာ AI တံဂှ် သွက်ဂွံစကာထပဵုတိုန်အဝဵုဂၠိုၚ်ၚ်တုဲ ဂွံထိၚ်ချုပ်အာမာန်ဂှ် အလဵုအသဳညးတံ ချပ်မံၚ်ရောၚ် သမ္မတအမေရိကာန် ဒဝ်နေဝ် ထရ ဟီုရ။
စပ်ကဵုစက်ရုပ် OpenAI ဟၟဲကဵုဒုၚ်စကာအမိၚ်တံတုဲ လုပ်ဖံက်အာ အပ္ဍဲသၞောတ်နဲကဲပညာပုဂ္ဂလိက ကုမ္ပဏဳတၞဟ်တံ ဗွဲမဟွံကိတ်ညဳ က္တဵုဒှ်အာလဝ်တုဲ အခိၚ်ညးဒးဒုၚ်သၟာန်လဝ်ဂှ် နူကဵုညးတံ လ္ၚတ်မံၚ်နဲကဲပညာဂွံထိၚ်ဒဝ် AI တုဲ ကၠောန်မံၚ်ရောၚ် ထရ သ္ဂးရ။
ပွမဟီုဂလာန်တံဏံဂှ်တှ်ေ စပ်ကဵုနဲကဲပညာ AI တုဲ အလဵုအသဳ ထရ မပါဲဓလေတ်လဝ်ကိုပ်ကၠာတေံဂှ် ရမျှာၚ်ပြံၚ်လှာဲကၠုၚ် မဒှ်ရ။
စပ်ကဵုအစောန်စရာဲ ကပေါတ်နဲကဲပညာ AI မၞိဟ်ဒုၚ်တဲဂၠိုၚ်တံ လုပ်ဖံက်မာန်လဝ် ပ္ဍဲသၞောတ်ကန်ပျူတာတၞဟ်ဟ်တံတုဲ အပ္ဍဲအခိၚ်ပရေၚ်ဟီုဂးဂတးဂတန် ပဵုဂၠိုၚ်တိုန်မံၚ်တှ်ေ ထရ ဟီုကၠုၚ်ဗီုဏံရ။
အခိၚ်ညးတံ စိုပ်ကၠုၚ်မံၚ်အဆံၚ်ဒုတိယ ဗက်မံၚ်ကြဴနူ ဍုၚ်ကြုက်ဏံမ္ဂး နဲကဲပညာတံသီုဖအိုတ်ဂှ် ညးတံဟွံမိက်တာဒၞာပုဟ် ထရ ဟီုရ။
လတူ AI ဂှ် ဍုၚ်ကြုက် ထိၚ်ဒဝ်လဝ်ဟၟဲ ကဵုလဝ်အခေါၚ်ကၠောန်ဗွဲဗၠးဗၠးၜးၜးရောၚ် ညးဆက်ဟီုရ။
ပ္ဍဲသတ္တဟလောန်ကၠုၚ်ဏံ ကပေါတ်သုၚ်စောဲနဲကဲပညာ OpenAI ပါလုပ်မံၚ်တံ မ္ၚးနူပရေၚ်ထိၚ်ဒဝ်ညးတံဂှ် လုပ်ဖံက်လုပ်အာလဝ် ပ္ဍဲသၞောတ် AI ကုမ္ပဏဳတၞဟ်ဟ်တံ အောန်အိုတ် ၂ ဝါ က္တဵုဒှ်လဝ်ရ။
နဲကဲပညာ OpenAI ဂှ်တှ်ေ ပွမစၞောန်ကဵုလဝ်အမိၚ်ဟၟဲ ဖံက်လုပ်အာပ္ဍဲသၞောတ်နဲကဲပညာ ကုမ္ပဏဳတၞဟ်တံ နွံကၠုၚ်လဝ် မဒှ်ရ။
အကာဲအရာဗီုဏံ ၂ ဝါ မၞိဟ်တံတီကၠးကီုလေဝ် ဆက်တုဲ အကာဲအရာဗီုဏံ နွံမံၚ်ဏီဟာ ထပ်သၟာန်ဏာတုဲ သ္ကိုပ်ကော်ကာဲပရေၚ်ကမၠောန် OpenAI သာမ် အတ်တမန် ဟီုကၠုၚ် အကာဲအရာတၞဟ်လေဝ် နွံမာန်မံၚ်ရောၚ်။
ကုမ္ပဏဳဍုၚ်ကြုက်တံ ကၠတ်ကေတ်မံၚ်နဲကဲပညာ ကုမ္ပဏဳ AI အမေရိကာန်တံရောၚ် ပွမစောဲစပ်မံၚ်တံ နွံကီုလေဝ် နူဍုၚ်ကြုက်တံ တးပါဲလဝ်ရ။
မဝ်ဒေလ်နဲကဲပညာ AI ခၞံဗဒှ်လဝ် ပ္ဍဲဍုၚ်ကြုက်ဗွဲမဂၠိုၚ်တံဂှ် ပံက်ကဵုလဝ်အိုတ်သီုတုဲ ပ္ဍဲအန်လာၚ်မ္ဂး ညးလဵုမွဲဟွံဟီု ဂၠောၚ်ကေတ်တုဲ သုၚ်စောဲမာန်မံၚ်မးမးရောၚ်။
Ref:BBC