တိုကျို၊ ဂျူလာၚ် ၃၁
ပ္ဍဲအခိၚ်က္ညၚ် ဟိုတ်နူအသိၚ်ဓါတ်ဂမ္တဴ ဇၞော်ကဵုဇြဟတ်သၠုၚ်တိုန်ကၠုၚ်မံၚ်ဏံ ဂွိၚ်ကဵုပရေၚ်ထတ်ယုက်ညးဍုၚ်ကွာန်တံတုဲ သွက်ဂွံကဵုအရီုဗၚ် ညံၚ်ဂွံပြေပြံၚ်အာ နူပရေၚ်ဒးဘဲဓါတ်ဂမ္တဴ နွံကဵုဘဲအန္တရာဲတံဗွဲမပြဟ်မာန်တုဲ ခဒမ်ဟဂံက်ကျာဍောတ်တ် ဆုဲပြံၚ်ဏာနၚ်မာန်တံဂှ် စဆက်ဏာမိတ်ရ။
ခဒမ်ဟဂံက်ကျာဍောတ်တ် ကော်ခဴစ “Do Hiemon Box” ဖန်ဗဒှ်ပတိတ်လဝ် နကဵုပရေၚ်ပံၚ်တောဲ ကုမ္ပဏဳ Trusco Nakayama အထံက်ပၚ်ကမၠောန်ကွတ်စက် ကေုာံ ကုမ္ပဏဳ Sanden Retail Systems သိုၚ်ကဠာဟဂံက်တံဂှ်တှ်ေ ဒှ်သၞောတ်ဟဂံက်ကျာပူဂဵုမွဲ ရန်တၟံလဝ်ကဵု သၟာကမၠောန်တံရောၚ်။
ပ္ဍဲအခိၚ်ဓါတ်ဂမ္တဴသၠုၚ်မံၚ် သွက်သၟာကမၠောန် မဒးမံၚ်မ္ၚးလံလံတံကီု သီုကဵုသွက်ညးဍုၚ်ကွာန်တံကီု ရန်တၟအ်တုဲ ပတိတ်လဝ် မဒှ်ရ။
အပ္ဍဲခဒမ်ဍောတ်တံဂှ်တှ်ေ တပ်စုတ်လဝ်ခုၚ်ဂဇအ်မွဲတဲဓဝ်တုဲ တုပ်မံၚ်ညံၚ်ရဴကဠာဂံက်ဇၞော်ဇၞော်မွဲရောၚ်။
ယဝ်ရလုပ်အာအပ္ဍဲတှ်ေ ဒၞာဲက္ဍိုပ်၊ ကအ် ကေုာံ ခန္ဓာကာယသ္ကုတ်လတူတံဂှ် ဍေံပန်ကဵု ကျာဟဂံက်တံရောၚ်။
ပ္ဍဲဒၞာဲတံဏံ ပွမကၠောန်ဗဒှ်ကဵု ညံၚ်ဓါတ်ဂမ္တဴဂွံယအ်စှ်ေအာဂှ် သွက်ဂွံယှအ်ဖျေံဓါတ်ဂမ္တဴ အပ္ဍဲခန္ဓာကာယဂှ် ဒှ်နဲကဲ ကဵုဖဵုခိုဟ်အိုတ်ရောၚ် စၟတ်သမ္တီလဝ်ရ။
သၞောတ်ဟဂံက်ကျာဂှ်တှ်ေ ဓါတ်ဂမ္တဴအပ္ဍဲဂှ် ထိၚ်ဒဝ်လဝ်ကဵု ၁၅ ဒဳဂရဳ သေလ်သဳယာတ်တုဲ နူကဵုပါၚ်တြၚ်ကျာတိတ် စုတ်လဝ်ဒၞာဲကဵုဒၞာဲတံဂှ် ညံၚ်ကျာဟဂံက်တံ ဂွံတိတ်ကၠုၚ် ဖန်ဗဒှ်လဝ်ရောၚ်။
အတိုၚ်ညးပတိတ်ကပေါတ်တံ ဟီုလဝ်မ္ဂး ရဲသုၚ်စောဲတံ ပ္ဍဲပွိုၚ် ၁၀ မိနေတ်ဂှ် ယှအ်ဖျေံဓါတ်ဂမ္တဴခန္ဓကာယညးတံမာန်တုဲ လက်သဏ်ယဲ ဆက်စပ်မံၚ်ကဵု ပရေၚ်ဇြဟတ်အိုတ် ဟိုတ်နူဂမ္တဴတံဂှ် ပြေပြံၚ်အာဗွဲမပြဟ်မာန်ရောၚ် ဂွံတီရ။
ဟွံတုပ်ကဵု စက်ဟဂံက်ကျာဓမ္မတာတံကဵု စက်စာန်ကျာတံဟွံဒးယိုက်ဏာတုဲ ဟိုတ်နူဒှ်ခဒမ်ကၟာတ်လဝ်တုဲ သွက်ညးသုၚ်စောဲတံဂှ် ပဵုတုဲကဵုဖဵုခိုဟ်ခိုဟ် ကျာဟဂံက်တံ ကဵုမာန်တုဲ ဗွဲမပြဟ်ကဵုဟဂံက်စှ်ေအာရောၚ်။
ဟိုတ်နူဒးဇီုကပိုက်ကဵု အကာဲအရာဓါတ်ဂမ္တဴသဝ်လောန်အာ ဗွဲမပဟ်တုဲ လ္တူခန္ဓကာယ ဇြဟတ်ဍဵုနွံမာန်ကီုလေဝ် ပ္ဍဲခဒမ်ဍောတ်ဟဂံက်ကျာတံဏံ အစဳဇန်ပရေၚ်ဂီုကၠီုဘဲအန္တရာဲဟၟဲတံ ပါလုပ်မံၚ်ဗွဲမဂၠိုၚ်ရ။
ညးသုၚ်စောဲတံတံဂှ် ပြံၚ်လှာဲသုၚ်စောဲဗီုပြၚ်သၞောတ်ဟဂံက်ကျာ ၃ သာ်မာန်တုဲ ညံၚ်ဟွံဂွံဂံက်လောန်အာဂှ် ကြဴနူ ၂၀ မိနေတ်တုဲ သၞောတ်ထိၚ်ဓါတ်ဂမ္တဴအလဵုအလဵုဂှ် ၚုဟ်တိုန်ကၠုၚ်ရောၚ်။
ကၠောန်လဝ်ကဵုပသဲက္ဍာၚ် ခဒမ်ဍောတ်ဟဂံက်ကျာ သၠုၚ် ၂ မဳတာနွံတုဲ အခိၚ်သုၚ်စောဲတှ်ေ ညံၚ်ဓါတ်အစောံဂွံဂွံဖဵုခိုဟ်ခိုဟ်ဂှ်လေဝ် ကၠောန်ပတိတ်လဝ် မဒှ်ရ။
မိုးဒဏ်ကိုလည်း ခံနိုင်တာကြောင့် အပြင်ဖက် အလုပ်နေရာတွေမှာ အသုံးပြုဖို့ သင့်တော်မှာ ဖြစ်ပါတယ်။
ဒုၚ်ဘဲဗြဲလေဝ်မာန်တုဲ သွက်ဂွံသုၚ်စောဲ ပ္ဍဲဒၞာဲကမၠောန်မ္ၚးတံဂှ် ကိတ်ညဳမံၚ်ရောၚ်။
ညံၚ်ဂွံယိုက်ဏာကေတ်နၚ် လောဲသွာဂှ်လေဝ် တပ်စုတ်လဝ်သၠာပါလုပ်ကဵု ခလုက်ကၟာတ်တာဒၞာ ညံၚ်ဟွံဂွံဂေတ်လဵုတံ ပါလုပ်မံၚ်ရ။
ပ္ဍဲပရေၚ်သုၚ်စောဲဓါတ်လလဳမ္ဂး သက်သာနူကဵုစက်ဟဂံက်ကျာဓမ္မတာတံ ကဝက်တုဲ ယဝ်ရဟဂံက်ပွိုၚ်မွဲနာဍဳတှ်ေ ဒးကဵုၚုဟ် ၁၅- ၁၆ ယာန်မာန်ရောၚ် ညးပတိတ်လဝ်တံ ဟီုလဴရ။
ပ္ဍဲဍုၚ်ဂျပါန် ဟိုတ်နူအသိၚ်ဓါတ်ဂမ္တဴအခိၚ်က္ညၚ် သၠုၚ်လောန်အာတုဲ မၞိဟ် ၁ ကိုတ်ပြၚ် ဒးတိုန်ရုၚ်ဂဥုဲရ။
ခဒမ်ဟဂံက်ကျာ ပတိတ်လဝ်လၟုဟ်ဏံဂှ် ၚုဟ်မးကၠာဟွံဂွံကဵုအကံက်ခေါန်ဏီမ္ဂး သြန်ယာန်ဂျပါန် ၁ ဒသမ ၅ ပြကောတိကိုတ်နွံရောၚ် ဂွံတီရ။
Ref:Bangkokpost