မတ်မလီု၊ အဝ်ဂတ် ၃
အပ္ဍဲတွဵုရးမန် သွက်ဘာတန်ဗ္တောန်ယိုက်ဝန်ပၞာန် ညးဍုၚ်ကွာန် လၟေၚ် ၂၇ ဂွံပံက်အာမာန်ဂှ် သၟတ်လၟိဟ်ကဵုကၠံ ဒပ်ပၞာန်သီအဝဵု ပကောံဏာအတေၚ်အဓမ္မ နွံမံၚ်ရ။
အပ္ဍဲဂိတုအဝ်ဂတ် ၁ တေံ အလဵုအသဳတွဵုရးအာဆဵုဂဗလဝ် သၟဟ်သွက်ဂွံယိုက်ဝန်ပၞာန် ဒးဒုၚ်ပကောံလဝ်အတေၚ်အဓမ္မ ပ္ဍဲကဵုဒၞာဲ ဌာန်ဂအုပ်ဒပ်ဍာ် မောရဝတဳ စၟတ် (၄၆) ဍုၚ်မတ်မလီုရ။
အတိုၚ်တက်လဝ်ဗီုစၟတ်သမ္တီ ပေါဲဆဵုဂဗဂှ်မ္ဂး သၟတ်ဒးဒုၚ်ပကောံလဝ် သွက်ဂွံတိုန်ဘာတန်ဗ္တောန်ယိုက်ဝန်ပၞာန် လၟေၚ် ၂၇ ဂှ် ဟွံအောန်နူ ၂၀၀ တၠ နွံမံၚ်ရ။
အပ္ဍဲကဵုသၟတ် ဒးဒုၚ်ပကောံလဝ်ကောန်ပၞာန်တၟိတံဂှ်မ္ဂး မၞိဟ်ဒးဒုၚ်ရပ်ဏာလဝ် အတေၚ်အဓမ္မ၊ မၞိဟ်ဒးဒုၚ်တံၚ်ရပ်ဏာ ပဝ်တာ၊ မၞိဟ်ဒးဒုၚ်ရပ်ဏာ နကဵုပရေၚ်ထ္ၜးဟိုတ် ဖံက်ပကဝ်အမိၚ် ဒေသန္တရတံကဵု မၞိဟ်ဒးဒုၚ်သွံစလဝ်တံ ပါလုပ်မံၚ် ဗွဲမဂၠိုၚ်ရ။
အပ္ဍဲဒေသဂှ်တှ်ေ သွက်ဂွံယိုက်ဝန်ပၞာန် ဒၟာနူဟိုတ်နာနာသာ် သၟတ်ဒးဒုၚ်ရပ်မံၚ်တုဲ သၟတ်ဗွဲမဂၠိုၚ် ဂြိပ်ပါဲမံၚ်အိုတ်ကီု၊ အကြာပရေၚ်ဂီုကၠီုဟၟဲမံၚ်ဂှ်ရ သၟတ်အာကၠောန်ကမၠောန် ပ္ဍဲကဵုဍုၚ်ဇိုၚ်ဝုတ်ဒိုဟ် ကြပ်ပ်တံဏံဂှ် အသိၚ်သၠုၚ်တိုန်မံၚ်ရ။
အပ္ဍဲရးနိဂီုဍုၚ် ညံၚ်သ္ဂောံကလိဂွံ ပရေၚ်ရှ်ေသှ်ေအဲပရဲ အစောန်စရာဲပရေၚ်စဵုဒၞာကေုာံ အစောန်စရာဲပရေၚ်ဂီုကၠီုမ္ဂး ဆက်စကာအာ သၞောဝ်ဥပဒေယိုက်ဝန်ပၞာန် ညးဍုၚ်ကွာန်ရောၚ် ပ္ဍဲဂလာန်ကိုန်အစဳဇန်ပွိုၚ် ၁၀၀ တ္ၚဲဂှ် သမ္မတ ဥူမေန်အံၚ်လှိုၚ် ဇကုညးခါန်ကၞက်လဝ်ကေတ်တ်ဂှ်တှ်ေ ထပ်ဗပေၚ်ဟီုလဝ်ရ။
အတိုၚ်တၚ်နၚ် နူဌာန်ပရိုၚ်သြၚ်လောန်တိုၚ်မ်ပကောံဂွံလဝ်မ္ဂး ပ္ဍဲတွဵုရးမန် ဘာတန်ဗ္တောန်ယိုက်ဝန်ပၞာန် နူလၟေၚ် ၁ စဵုကဵုလၟေၚ် ၂၇ ဒပ်ပၞာန်သီအဝဵုပံက်ကၠုၚ်လဝ်လၟေၚ်ဂိတုဂှ်တှ်ေ သၟတ်အပ္ဍဲဒေသဟွံအောန်နူ ၅၆၀၀ တၠတံ ဒးဒုၚ်ပကောံလဝ် သွက်ဂွံယိုက်ဝန် ပၞာန်တံ နွံရ။
ပရိုၚ် – သြၚ်လောန်တိုၚ်မ်
Photo – MOI