ထဝါဲ၊ ဂိတုအဝ်ဂတ် ၂
ဟိုတ်နူဂွံနၚ်ပရိုၚ် နူအပ္ဍဲဌာနညးတံဂှ်တုဲ ရပ်ဂွံလဝ် ဒုသ္ကိုပ်အကံက်ခေါန် နူကဵုဌာနအကံက်ခေါန် ပွိုၚ်ဍုၚ်ထဝါဲရောၚ် ဒပ်ပၞာန်စဵုဒၞာညးဍုၚ်ကွာန် PDF ဗျူဟာ ၃၃ ရးဌာန်ပၞာန်တၞၚ်သဳ လလောၚ်တြးလဝ် ပ္ဍဲဂိတုအဝ်ဂတ် ၁ တေံရ။
အပ္ဍဲပွိုၚ်ဍုၚ်ဍာ်ဗု ရးတၞၚ်သဳ ဂိတုဂျူလာၚ် ၂၀ တေံဂှ် ဒပ်စဵုဒၞာညးဍုၚ်ကွာန် PDF တံ ရပ်ဂွံဏာ ဒုသ္ကိုပ်အကံက်ခေါန် ဥူဖျိုဝ်သာန် အာယုက် ၅၀ သၞာံ ပ္ဍဲအကြာဂၠံၚ်သၞေဟ်ၜၚ်ဇြိုဟ် ထဝါဲမွဲဒၞာဲ မဒှ်ရ။
သွက်ဂွံ စၟဳစၟတ်အကာဲအရာ ပရေၚ်ၜံက်ခါဲပတိတ် သၟုဟ်ဓါတ် သဘာဝကဵု စက်၊ ကပေါတ်ကရိယာ ပရေၚ်ကမၠောန်နာနာသာ် အပ္ဍဲကဵုသၞေဟ်ၜၚ်ဇြိုဟ်ထဝါဲတုဲ အခိၚ်ကလေၚ်စဴဂှ် ဒုသ္ကိုပ်အကံက်ခေါန် ဥူဖျိုဝ်သာန် ဒးဒုၚ်ရပ်ဏာ အပ္ဍဲကွာန်မံၚ်မကာန်ရ။
နူကဵုဌာနညးတံ ကဵုနၚ်ပရိုၚ်ဂှ်ရ ရပ်ဂွံလဝ် ဥူဖျိုဝ်သာန်ဂှ်ရောၚ် သ္ကိုပ်ဗျူဟာ ၃၃ PDF သဝ်ဒါကို ဟီုကဵုဌာန်ပရိုၚ် သြၚ်လောန်တိုၚ်မ်ရ။
ဥူဖျိုဝ်သာန် ရပ်ဂွံလဝ်ဏံဂှ် စၟဳစၟတ်မံၚ် နကဵုအခေါၚ်အရာမၞိဟ်တံတုဲ အတိုၚ်ပွမဒုဟ်ရာဇဝတ် လုလောန်ၜက်ၜေတ်ကၠောန်လဝ် လတူညးဍုၚ်ကွာန်တံဂှ် ဆက်တုဲကေတ်အာအရေဝ်ရောၚ် သ္ဂးရ။
ဥူဖျိုဝ်သာန် ညးဒးဒုၚ်ရပ်လဝ်ဏံကဵု သ္ကိုပ်အကံက်ခေါန် ဥူတေန်မံၚ်လေၚ်တံဂှ် ပံၚ်လဝ်ကဵုတၠပိုန်ဒြပ်တံတုဲ အပ္ဍဲကဵုဌာနဗက်အဂတိ စကာအဝဵုလောန်ၜက် ဒဂေတ်လီုလာ်မံၚ်ဂှ်ကီု၊ သီုကဵုဍဵုဍိုက်မံၚ် သၞာဲဒါသၟဝ်တဲညးတံရောၚ် သ္ဂးရ။
ဥူဖျိုဝ်သာန် PDF တံရပ်လဝ်ဏံဂှ်တှ်ေ ဒှ်ကောန် ဒုဝန်ဇၞော် ဥူအံၚ်မျာၚ် နူကဵုဌာနဝန်ဇၞော်ပရေၚ်ပလံၚ်ဗ္စိုပ်ကေုာံ ဆက်စၠောံရောၚ် ပရိုၚ်တိတ်မံၚ်ကီုလေဝ် နူကဵု ဌာန်ပရိုၚ်သြၚ်လောန်တိုၚ်မ်ဂှ် သ္ပဒတန်တၞဟ်ခြာ ဟွံဂွံဏီပုဟ်။
ပရိုၚ် – သြၚ်လောန်တိုၚ်မ်
Photo – Social Media