သွက်သၟာကမၠောန်ဍုၚ်သ္အာၚ် စီုသကီု အဆံၚ် ၂ တံဂှ် ဂျပါန် ထပ်ကဵု အခိၚ်မံၚ်စံၚ် စဵုကဵု ၅ သၞာံ

တိုကျို၊ အဝ်ဂတ် ၆

စတမ်နူ ဂိတုဂျာန်နဝါရဳ သၞာံ ၂၀၂၇ ဂတဏံမ္ဂး ညးရပ်လဝ်ဗဳသာ SSW2 ဒှ်သၟာကမၠောန် စီုသကီုတၟေၚ် အဆံၚ် ၂ တံဂှ် သွက်ဂွံပတိတ်ကဵု အခေါၚ်မံၚ်စံၚ် အာယုက် ၅ သၞာံ ဖန်ဇန်မံၚ်ရောၚ် အေဂျေန်သဳ လဝက ဂျပါန် လလောၚ်တြးလဝ်ရ။

ပြဟ်ဟ်ဏံမ္ဂး ညးရပ်လဝ်ဗဳသာ SSW2 တံ ဆၜိုတ်အာယုက် ၆ ဂိတု၊ ၁ သၞာံ၊ ၂ သၞာံ ဟွံသေၚ်မ္ဂး ၃ သၞာံတံဟေၚ် ကလိဂွံမံၚ် အခေါၚ်မံၚ်စံၚ်ဏီရ။

အစဳဇန်ထပ်ထပဵုပတိုန်အာယုက် ၅ သၞာံ ဗီုဏံဂှ် သွက်သၟာကမၠောန်ဍုၚ်သ္အာၚ် ကၠောန်မံၚ်ကမၠောန် ဗွဲမတန်ကြန် ပ္ဍဲဂျပါန်တံမ္ဂး ဂုဏ်ဖဵုနွံမာန်ရောၚ် ရန်တၟအ်လဝ်အိုတ်ရ။

ကိုပ်ကၠာတေံမ္ဂး ယဝ်ရမိက်ဂွံဂွံအာယုက်ဗဳသာ ဂၠိၚ်ဂၠိၚ်လံလံမ္ဂး တင်စၟတ်သမ္တီ ကၠောန်လဝ်ကမၠောန်ဒးခိုဟ် ကေုာံ ကဵုလဝ်အကံက်ခေါန် ဒးခိုဟ်ရောၚ်တုဲ ပရေၚ်စၟဳစၟတ်တံဂှ် ပတေၚ်ဂြတ်လဝ် ဗွဲမလောန်ရ။

သွက်ဂွံဂွံအာယုက် ၅ သၞာံဂှ် ဍာ်ဒကေဝ်ဗီုလဵုနွံပၟိက်ရောဂှ် လပါ်အလဵုအသဳ ဒးကေတ်တၚ်ကဵုကသပ်နူညးဍုၚ်ကွာန်တံတုဲမှ ဒုၚ်တဲတုဲ တင်နၚ်ချိုတ်တ်ပၠိုတ်တ်တံဂှ် ဆက်တုဲလလောၚ်တြးအာရောၚ် သ္ဂးရ။

အစဳဇန်ဏံဂှ်တှ်ေ ပ္ဍဲရးနိဂီုဍုၚ်ဂျပါန် ညံၚ်ရဴဗီုပြၚ်ကမၠောန် မင်မွဲရံၚ်စံၚ်လွဳပရောပရေၚ်ထတ်ယုက် ကီု၊ ဂကူဗဳသာတၞဟ် ဂၠိုၚ်အိုတ်ကလိဂွံအခေါၚ်မံၚ်စံၚ်အာယုက် ၅ သၞာံတံဂှ်လေဝ် တုပ်သၟဟ်အာ မဒှ်ရ။

ဗွဲတၟေၚ် သွက်ညးကူချပ်မံၚ် သွက်ဂွံဖျေံသ္ဇိုၚ်မံၚ်စံၚ်အာ ပ္ဍဲဂျပါန်ကာလဇမၠိၚ်တံမ္ဂး ပရိုၚ်ဏံ ကိစ္စဇၞော်မံၚ်ရောၚ် ညးသ္ၚဳဂၠိပ်တံ သ္ဂးရ။ ပြဟ်ဟ်ဏံ ပ္ဍဲဂျပါန် ညးမိက်ဂွံပတိုန်လိက် အခေါၚ်မံၚ်စံၚ်လၟိုန် (PR) တံဂှ်တှ်ေ အတိုၚ်ဂကူဗဳသာဇကု အခေါၚ်မံၚ်စံၚ်အာယုက်ဂၠိၚ်အိုတ်ဂှ် ဒးဂွံလဝ်ရောၚ် တၚ်စၟတ်ပိုၚ်ခြာ နွံမံၚ်ရ။

ဟိုတ်ဂှ်ရ ညးရပ်လဝ်ဗဳသာ SSW2 တံ ကလိဂွံအာယုက် ၅ သၞာံမ္ဂး အကာဲအရာနွံပၟိက် သွက်ဂွံပတိုန်လိက်အခေါၚ်မံၚ်စံၚ်လၟိုန်တံဂှ်လေဝ် ပဵုတုဲပြေပြံၚ်အာမာန်ရောၚ် ညာတ်ကေတ်လဝ်အိုတ်ရ။

သွက်သၟာကမၠောန်ဗၟာ ကၠောန်မံၚ်ကမၠောန် ပ္ဍဲဂျပါန်တံလေဝ် ပရိုၚ်ဏံဝွံ ဒှ်အပြံၚ်အလှာဲ ထေက်ကဵုဒးမၚ်ဗက်ရံၚ်မံၚ်မွဲတုဲ၊ ပ္ဍဲအနာဂတ်မ္ဂး သွက်ဂွံမံၚ်စံၚ်ကာလဇမၠိၚ် ကေုာံ အခိၚ်ဖျေံအစဳဇန်အနာဂတ်တံမ္ဂး အခေါၚ်အရာတံ ပဵုတုဲသၠဲလးကၠုၚ်မာန်တုဲ သွက်ပရိုၚ်ခိုဟ်မွဲ ဒှ်ကၠုၚ်မာန်ရောၚ်။


Ref:japantimes