တိုၚ်ပေ၊ အဝ်ဂတ် ၁၈
သွက်ပရေၚ်စဵုဒၞာဇကုဇကု ဂွံခိုၚ်ဗိုန်တိုန်အာမာန် နူကဵုထာဲဝါန် ဖျေံလဝ်တၚ်သ္ဂုတ်သွာတ်နွံတုဲ သွက်ပရေၚ်စဵုဒၞာ သၞာံဂတဏံမ္ဂး ဖန်ဇန်သုၚ်စောဲအာသြန် ဗ္ၜတ်အဆံၚ်သၠုၚ်အိုတ်ရောၚ်ဂှ် သမ္မတ လိုင်ချေန်တဳ ဟီုလဝ် ပ္ဍဲအဝ်ဂတ် ၁၇ တေံရ။
တၚ်ပတိုန်ဂလာန် စရိတ်သုၚ်စောဲပရေၚ်စဵုဒၞာအလဵုအသဳဏံဂှ် ဒှ်ပရေၚ်ဓလိုက်တမ်ရိုဟ် သွက်ပရေၚ်ၜိုဟ်လလမ်ရောၚ် ညးသ္ဂးရ။
ပ္ဍဲဂိတုအဝ်ဂတ် ၂၀ မ္ဂး သွက်ဗါတ်ဂျက်သၞာံဂတဏံဂှ် ဂကောံအလဵုအသဳထာဲဝါန် ထမံက်ထ္ၜးအာတုဲ အပ္ဍဲဏံ ပွမသၠုၚ်ပတိုန်စရိတ်သုၚ်စောဲပရေၚ်စဵုဒၞာ ဗ္ၜတ်အဆံၚ်သၠုၚ်အိုတ်ဂှ်လေဝ် ပါလုပ်ကီုရောၚ်။
စရိတ်သုၚ်စောဲပရေၚ်စဵုဒၞာဝွံ နဒဒှ်အလန်ကိုပ်ကၠာအိုတ် ၜက်အာ ဒဝ်လာ ၃၁ ဒသမ ၄၀ ဗဳလဳယာန်ရောၚ် အတိုၚ်မဳဒဳယာတံထမံက်ထ္ၜးလဝ်ဂှ် သမ္မတ လိုင်ချေန်တဳ သ္ပလဝ်ဒတန်ရ။
နကဵုနဲကဲဒဳမဝ်ကရေဇြဳ ထာဲဝါန်အုပ်ဓုပ်မံၚ်ကေတ်တ်ဂှ် ဒှ်ဒေသညးတံပိုင်ပြဳရောၚ် ကြုက်ညာတ်လဝ်တုဲ သွက်သ္ဂောံကၠောန်ထ္ၜး ပရေၚ်ပိုင်ပြဳညးတံခိုၚ်ၚ်ကၠိုက်က်မာန်ဂှ် ပ္ဍဲသၞာံဗွဲမဂၠိုၚ်လောန်ကၠုၚ်တေံ နကဵုပရေၚ်ပၞာန်ကီု ပရေၚ်ဍုၚ်ကွာန်ကီု ကဵုကၠုၚ်လဝ် ဇြဟတ်ဟရိုဟ်ဂၠိုၚ်ၚ်နွံရ။
လတူပွမဟီုဂးကြုက်တံဂှ် နူကဵုထာဲဝါန် တးပါဲလဝ်တုဲ အနာဂတ်ဂှ်တှ်ေ ညးဍုၚ်ကွာန်ထာဲဝါန်တံဟေၚ် ဒးဖျေံသ္ဂုတ်သွာတ်ကေတ်တ်ရောၚ် အခိၚ်ပရေၚ်ကြံၚ်မ္ၚိုဟ်သၠုၚ်တိုန်မံၚ်ဏံဂှ် တၚ်လလောၚ်တြး လိုင်ချေန်တဳ မံက်တိတ်ကၠုၚ်ရ။
သွက်ထာဲဝါန် ဂွံသၠုၚ်ပတိုန် စရိတ်သုၚ်စောဲပရေၚ်စဵုဒၞာဂှ် နူဝါယှေန်တာန် ဗ္တိုက်ဖ္အောဝ်လဝ်နွံတုဲ၊ ညံၚ်ရဴ အမေရိကာန် ကဵုမံၚ်ဇြဟတ်ဟရိုဟ် ကုယူရောပ် (Europe) တံကီု လတူထာဲဝါန်လေဝ် ကဵုမံၚ်ဇြဟတ်ဟရိုဟ် ဗီုဂှ်ကီုရ။
ယဝ်ရထာဲဝါန် သၠုၚ်ပတိုန် စရိတ်သုၚ်စောဲပရေၚ်စဵုဒၞာ အတိုၚ်ပတိုန်လဝ်ဂလာန်မ္ဂး ပဵုၜက်အာ နူၚုဟ်မးကပေါတ်ပတိတ် အလုံရးနိဂီုဍုၚ် (GDP) ၃ က္ဍိုပ်ကၠံရောၚ်။
တၚ်ပတိုန်ဂလာန် သၠုၚ်ပတိုန်စရိတ်ပရေၚ်စဵုဒၞာဏံဂှ် အစောန်စီုသကီုပရေၚ်စဵုဒၞာဇကုကေတ်တ် နကဵုထာဲဝါန်မွဲ ညံၚ်ဂွံပဵုခိုဟ်တိုန်အာဂှ် ထ္ၜးကဵုမံၚ်တၚ်သ္ဂုတ်သွာတ်ရောၚ် လိုင်ချေန်တဳ ဟီုရ။
ပရေၚ်ဓလိုက်တမ်ရိုဟ် သွက်ပရေၚ်စဵုဒၞာဂှ် ဒှ်ပရေၚ်ဓလိုက်တမ်ရိုဟ် သွက်ပရေၚ်ၜိုဟ်လလမ်ဒှ်တုဲ ပ္ဍဲပ္ၚံက်ၜဳထာဲဝါန် ကေုာံ အပ္ဍဲဒေသဂှ် သွက်သ္ဂောံမၚ်မွဲထိၚ်ဒဝ် ပရေၚ်ၜိုဟ်လလမ် ကေုာံ ပရေၚ်ညိၚ်ဝပ်တံဂှ် ဇြဟတ်စဵုဒၞာပဵုတုဲခိုၚ်ဗိုန်ဂှ် ဆက်တုဲ ဒက်ပ္တန်အာရောၚ် လိုင်ချေန်တဳ ထပ်ဗပေၚ်ဟီုလဝ်ရ။
ဒပ်ပၞာန်ညံၚ်ဂွံဂတာပ်ခေတ်ဂှ် ဒှ်မူဝါဒအဓိက အလဵုအသဳထာဲဝါန်တုဲ သွက်သ္ဂောံသၠုၚ်ပတိုန် စရိတ်သုၚ်စောဲပရေၚ်စဵုဒၞာဂှ် ဂၠိုၚ်ကဵုအလန် ကဵုလဝ်တၚ်ဂတိကဝတ်နွံရောၚ်။
ၜၚ်ဗၠိုပ်ဍာ် ကၠောန်ပတိတ်အပ္ဍဲဍုၚ်ထာဲဝါန်တံလေဝ် သိုၚ်ခၞံအာရောၚ်တုဲ၊ ပရေၚ်ဘပဠ နူကဵုကြုက် ပဵုဂၠိုၚ်ကၠုၚ်မံၚ်ဂှ် နူထာဲဝါန် ဟီုလဝ်ရ။
ကရပ်ထာဲဝါန်ဂှ် ဒပ်ပၞာန်ကြုက်တံ ပ္ဍဲဗလးဍာ် ဗလးကျာ ပရေၚ်ချဳဒရာၚ်ပၞာန်အရိုဟ်ဟ်တ္ၚဲတံ ကၠောန်မံၚ်တုဲ၊ နူကဵုထာဲဝါန်လေဝ် ပရေၚ်ဗတောန်ခန်လ္ၚတ်ပရေၚ်ပၞာန် သွက်သ္ဂောံဒုၚ်တဝ်စၞေဟ် ပရေၚ်ကြုက်တံလုပ်သီကေတ်ဂှ် ကၠောန်မံၚ်အတိုၚ်လၟေၚ်ဍာံ အရိုဟ်တ္ၚဲကီုရောၚ်။
Ref:Reuters