လံၚ်လုၚ်-အဝ်ဂတ် ၁၉
အပ္ဍဲကဵုရးတၞၚ်သဳ ပွိုၚ်ဍုၚ်လံၚ်လုၚ် ကွာန်တၟံစိၚ် ဟိုတ်နူမကမ်လွဟ်ဇၞော်ဒပ်ပၞာန်ဗၟာ ဒတုံခတိုဟ်စှ်ေတုဲ ကောန်ကဵုအပါ ၂ တၠ ချိုတ်အာလဝ်ရဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
အပ္ဍဲဂိတုအဝ်ဂတ် ၁၈ ၜိုတ်အခိၚ်နူဂယး ၁၁ နာဍဳဂှ် ၜိုန်ရပေါဲဗတိုက်ဟၟဲကီုလေဝ် နူကဵုဒပ်ပၞာန်သီအဝဵု ပတဝ်လဝ်လပါ် ကွာန်တၟံစိၚ် ပွိုၚ်ဍုၚ်လံၚ်လုၚ်တုဲ ပန်ဏာလဝ်လွဟ်ဇၞော်ရောၚ်။
ဟိုတ်နူမကမ်လွဟ်ဇၞော် ဒတုံခတိုဟ်ဒးအာတုဲ ဥူတာန်အံၚ် အာယုက် ၇၀ သၞာံ ကေုာံ ကောန်တြုံညး အာယုက် ၄၀ သၞာံပြၚ် နွံမံၚ်အပ္ဍဲသ္ၚိတံ ချိုတ်အာပ္ဍဲဒၞာဲဂှ်ရ။
ဟိုတ်နူမကမ်လွဟ်ဇၞော်ဂှ်ရ သမ္ဘာဥူတာန်အံၚ် ကေုာံ ကောန်ကၟိန်ညးတံလေဝ် ဒးဝပ် ကဝေက်မကမ်လွဟ်ဇၞော်ကီုတုဲ သ္ၚိဌာန်ညးလေဝ်လီုလာ်အာလဝ်ကီုရောၚ်။
လွဟ်ဇၞော်ဏံဂှ်တှ်ေ နူတမ်ဒပ် ခလရ ၁၀၄ ဖျေံသ္ဇိုၚ် ပ္ဍဲလံၚ်လုၚ် ပန်ဏာလဝ်ဒှ်မာန်ရောၚ်ဂှ် ညးဒေသတံ သ္ဂးအိုတ်ရ။
ပ္ဍဲဂိတုဂျောန် ၈ လောန်ကၠုၚ်တေံလေဝ် ပ္ဍဲပွိုၚ်ဍုၚ်လံၚ်လုၚ် သ္ကုတ်ဂၠံၚ် လံၚ်လုၚ်-ထဝါဲ ဒၞာဲဂိက်စၟဳစၟတ်ဒပ်စဵုဒၞာ ညးဍုၚ်ကွာန် PDF ဂှ် နူကဵုဒပ်ပၞာန်ဗမာ ပန်ဏာလဝ်လွဟ်ဇၞော်တုဲ ညးဍုၚ်ကွာန်နွံမံၚ်ဗ္ဒာဲဂှ် ၁ တၠ ဒးအာဝပ်လဝ်ကီုရ။
ပရိုၚ် – သြၚ်လောန်တိုၚ်မ်
Photo – Social Media