လှာဒကှ်၊ အဝ်ဂတ် ၂၂
ဟိုတ်နူဗြဲဇၞော်ဂူ ဍာ်ဇၞော်ဒၟံၚ်တုဲ ပ္ဍဲကဵုတွဵုရးကရေၚ် ပွိုၚ်ဍုၚ်လှာဒကှ် ကွာန်လိုၚ်ကၞုဲဂှ် ဂၠုၚ်စက်မၞိဟ်ပါမံၚ် ၁၁ တၠတံ ဟကပ်အာကီုလေဝ် ဟံၚ်ပြာ်ဂွံလဝ်ဂျိုၚ်ၚ်သီုဖအိုတ်ရဂှ် ညးကွာန်တံ ဟီုလဴကဵု ဌာန်ပရိုၚ်သြၚ်လောန်တိုၚ်မ်ရ။
အပ္ဍဲဂိတုအဝ်ဂတ် ၂၁ ဏံ အခိၚ်နူဂယးၜိုတ် ၉ နာဍဳပြၚ်ဂှ် ဂၠုၚ်စက်ဍောတ်တ်မွဲမ ဖ္ဍိုက်လဝ်ရဲအာတရဴ ၁၁ တၠတံ အခိၚ်ဒဳတတ်အာ ကၟာဇီု နွံဗဒါဲကွာန်ဂှ်တုဲ ပရေၚ်ဂၠုၚ်စက်ဟကပ် က္တဵုဒှ်အာရ။
“ဂၠုၚ်ညးတံဍိုက်ဂှ်ဍောတ်ဒၟံၚ်။ မၞိဟ်ဂၠိုၚ်လောန် ဟွံမာန်လျိုၚ်တုဲ က္ဍိုပ်ဂၠုၚ်ထပက်စၚ်စှ်ေ ဗၠိုက်အာဟဂှ်ရ။ ထိုၚ်ကပေါတ်ညးတံဂှ် ဍာ်ဟွံလုပ်တုဲ ရပ်ဂွံလဝ်ထိုၚ်တံကီု ဂၠုၚ်ရီုဗၚ်တံလေဝ် စိုပ်ကၠုၚ်ပြဟ်တုဲ ဂျိုၚ်အာသီုဖအိုတ်ရ။ မၞိဟ်ဟွံပြးဇးအာဂှ် ကမ်ကုသဵုခိုဟ်ကွေံကွေံရ” သာ်ဝွံ ကောန်ကွာန်မွဲတၠ ဟီုရ။
ဟံၚ်ပြာ်ဂွံလဝ်ဂျိုၚ်ၚ် ၁၁ တၠတံဂှ် ကောန်ကွာန်အကြာတံဏံ ဟွံသေၚ် မဒှ်ရဲအာတရဴတံတုဲ စနူဂိတုအဝ်ဂတ် ၂၀ တေံ သွက်သ္ဂောံအာဍုၚ်ကျာ်ပိ တိတ်ကၠုၚ်လဝ်နူလပါ်မုဟ်ဍုၚ်တုဲ ဟိုတ်နူဍာ်ဇၞော် ဂၠံၚ်မာတ်တုဲ ခက်ဆိုအ်ဒၟံၚ် အကြာကွာန်ဂှ်ရောၚ် ဂွံတီရ။
အပ္ဍဲဂၠံၚ် မုဟ်ဍုၚ်-အၜေတ်-ကျာ်ပိ ဗဒါဲပွဳပွူကွာန်လိုၚ်ကၞုဲတံဂှ် ဟိုတ်နူဍာ်ဇၞော်ဒၟံၚ်တုဲ ကွဳစက်ရဲအာတရဴ ၂၀ မ ပြၚ်၊ လၟိဟ်မၞိဟ်ၜိုတ် ၂၀၀ တံ ဆိုအ်မာတ်ခက်ဒၟံၚ်ဖိုဟ်ရ။
အခိၚ်ဍာ်ဇၞော်ဏံ လတူသ္ကုတ်ဂၠံၚ် မုဟ်ဍုၚ်-အၜေတ်-ကျာ်ပိ ဒၞာဲဗွဲမဂၠိုၚ်တံဂှ် ဍာ်တတ်တိုန်မံၚ်လ္တူဂၠံၚ်တုဲ ကွဳစက်တံလေဝ် ခက်မာတ်ဆိုအ်ဒၟံၚ်ရောၚ် ညးဒေသတံ ဟီုလဴတုဲ ဂွံတီရ။
ပရိုၚ် – သြၚ်လောန်တိုၚ်မ်
Photo – CJ