ရေဝ်၊ အဝ်ဂတ် ၂၅
အပ္ဍဲတွဵုရးမန် ပွိုၚ်ဍုၚ်ရေဝ် ဂကောံဇြဟတ်ပၠန်ဂတးချဳဒရာၚ်မံၚ်မွဲဂကောံ လ္တူပိုအ် Facebook လကိုဟ်ရေဝ်ဂှ် ဟိုတ်နူကဵုဒး Like ဗီုဂြိုဟ်တုဲ သၟတ်ဗြဴမွဲတၠဒးဒုၚ်ရပ်ဏာရဂှ် ညးဒေသတံ ဟီုလဴကဵု ဌာန်ပရိုၚ်-သြၚ်လောန်တိုၚ်မ်ရ။
အပ္ဍဲဂိတုအဝ်ဂတ် ၂၃ အခိၚ်နူဂယးၜိုတ် ၁၀ နာဍဳဂှ် နကဵုတင်စောဲစပ် လ္တူပိုအ် Facebook လကိုဟ်ရေဝ် ဟိုတ်နူကဵုဒး Like ဗီုဂြိုဟ်တုဲ ဒပ်ပၞာန်သီအဝဵုတံလုပ်ရပ်ကေတ် မနဒဳ အာယုက် ၂၅ သၞာံ နွံမံၚ်ပ္ဍဲပွိုၚ်ဍုၚ်ရေဝ် ကွာန်တၟံကၞေၚ် အပ္ဍဲသ္ၚိရောၚ်။
မဒှ်ကောန်ကွာန်တၟံကၞေၚ် မနဒဳဏံဂှ် ပ္ဍဲအကံက် Facebook လကိုဟ်ရေဝ်ပတိုန်လဝ်တံဂှ် ကဵုလဝ် Like ဗီုဂြိုဟ်တံနွံမံၚ်တုဲ နကဵုတင်စောဲစပ်ဗီုဏံဂှ် နူလပါ်ဒပ်ပၞာန်တံရပ်ဏာလဝ် မဒှ်ရ။
ရပ်ဏာလဝ်မနဒဳဂှ်တုဲ စၟဳစၟတ်မံၚ် ပ္ဍဲဗဒမ်စၟဳစၟတ် တမ်ဒပ် ခလရ ၁၀၆ ဖျေံသ္ဇိုၚ်ပ္ဍဲကွာန်တၟံကၞေၚ်တုဲ၊ ဖန်ဇန်မံၚ် သွက်သ္ဂောံစောဲအမှု နကဵုဥပဒေဗတိုက်ပလီုရောၚ် ဂွံတီကေတ်ရ။
ဒပ်ပၞာန်သီအဝဵုတံဂှ် စနူတမ်ဂိတုအဝ်ဂတ်ဏံတုဲ မၚ်ဗဵုစၟဳစၟတ်ရပ်စပ်မံၚ် ညးချူ Comment သၟဝ်ပိုအ် အကံက် Facebook လကိုဟ်ရေဝ်တံ မဒှ်ရ။
အတိုၚ်တင်နၚ် နူဌာန်ပရိုၚ်-သြၚ်လောန်တိုၚ်မ်ပကောံဂွံလဝ်မ္ဂး ညးချူ Comment ပ္ဍဲအကံက် Facebook လကိုဟ်ရေဝ်တံဂှ် ဒးဒုၚ်ရပ်အာလဝ်ဟွံအောန်နူ ၄ တၠနွံတုဲ လ္တူဒးဒုၚ်ရပ်လဝ်တံဂှ်လေဝ် စောဲအမှုကေတ်လဝ်အရေဝ် နကဵုဥပဒေဗတိုက်ပလီု ၝောံပိုဒ် ၅၂ (က) ရ။
လတူပရေၚ်ရပ်စပ်ဒၟံၚ်ဗီုဏံတုဲ ယဝ်ရ ဒပ်ပၞာန်ဖေက်မံၚ်မ္ဂး ထလီုထောံနိန်ညိ ဂံၚ်ဂၠာဲမံၚ်သၞ လ္တူညးဍုၚ်ကွာန်တံသၟး ယဝ်ရဆဵု ရဲရပ်လွဟ်ကဵုရဲရပ်လွဟ်မ္ဂး ရဲဒုၚ်ကဵုမံၚ်ပယျတံရောၚ်ဂှ် က္ဍိုက်သ္ကိုပ်ဂကောံလကိုဟ်ရေဝ် ကလေၚ်ခၠေဝ်ဟီုဏာလဝ် ပ္ဍဲမုက်လိက်ဇာဖိုၚ်မှာဇန်ညးရောၚ်။
ပရိုၚ် – သြၚ်လောန်တိုၚ်မ်
Photo – လကိုဟ်ရေဝ်