မုဟ်ဍုၚ်၊ အဝ်ဂတ် ၂၅
အပ္ဍဲတွဵုရးမန် ပွိုၚ်ဍုၚ်မုဟ်ဍုၚ် နူကဵုရုၚ်စက်ရာဘာဂေတ်မံၚ်တံ ဟိုတ်နူသၟုဟ်ကျာအုဲအုဲအေၚ်ၚ်တိတ်မံၚ် ဇၞော်ကဵုဇြဟတ်တုဲ ပရေၚ်ထတ်ယုက် ညးဍုၚ်ကွာန်တံဟုတ်ယုတ်စှ်ေကၠုၚ်မံၚ်ရဂှ် ညးဒေသတံ ဟီုလဴကဵု ဌာန်ပရိုၚ်-သြၚ်လောန်တိုၚ်မ်ရ။
သၟုဟ်ကျာအုဲအုဲ တိတ်ကၠုၚ်နူရုၚ်စက်ရာဘာတံဂှ် ကွာန်နွံဗဒါဲဗဒါဲတံကီု ပ္ဍဲမွဲဒမြိပ်ဂၠံၚ်ကွဳစက်ဇၞော် မုဟ်ဍုၚ်-ဇြပ်ဗု လေဝ် ဒးဒုၚ်စဒၟံၚ်သၟုဟ်ကျာအုဲအုဲဇၞော်ကဵုဇြဟတ်ကီုတုဲ စဵုကဵုစိုပ်အကာဲအရာပရေၚ်ယီုဝါတ်တိုန် က္တဵုဒှ်မံၚ်ရောၚ်။
တုဲပၠန် ဟိုတ်နူသၟုဟ်ကျာအုဲအုဲ တိတ်ကၠုၚ်နူရုၚ်စက်ရာဘာတံတုဲ စနူကောန်ၚာ်ဍောတ်တ် ညးဗျုဗျုလ္ၚဵုတံကီုဂှ် ဗၜူဟအအ်စံၚ်ပရံၚ်၊ စသုၚ်ဟွံစှ်ေက္တဵုဒှ်မံၚ်တုဲ သီုကဵုပရေၚ်ထတ်ယုက်လပါ်တၞဟ်ဟ်တံ ဟုတ်ယုတ်စှ်ေကၠုၚ်မံၚ်ရဂှ် ဂွံတီရ။
ဟိုတ်နူရုၚ်စက်ရာဘာတံတုဲ ဇၟာပ်ပ်တ္ၚဲ ဂွံမံၚ်သၟုဟ်ကျာအုဲအုဲအေၚ်ၚ်တံကီု၊ ရမျာၚ်စက်ညာန်န်၊ အကာဲအရာပရေံပရေံက္တဵုဒှ်မံၚ်တုဲ ဟိုတ်နူညးတာလျိုၚ်တံဗၜေက်လဝ်မတ်တုဲ ပရေံတိုန်ပဵုနူကၠာတေံဏီရောၚ် ရဲဒေသမုဟ်ဍုၚ်မွဲတၠ ဟီုလဴကဵု ဌာန်ပရိုၚ်-သြၚ်လောန်တိုၚ်မ်ရ၊ ။
“ပရေၚ်ဇီုကပိုက်တံဂှ် ဇၟာပ်ပ်တ္ၚဲနွံရ။ ပသအုဲအေၚ်မံၚ် တုဲပၠန် ရုၚ်စက်တံညာန်မံၚ်၊ ရမျာၚ်စက်တံညာန်မံၚ်ရ။ ယဝ်ရတတ်အာ ဂတမုက်ရုၚ်စက်မွဲအသိၚ်မ္ဂး ဒးအံၚ်လဝ်ဣဝီုရ၊ ဟွံဂံၚ်ယီုပုဟ်။ ယဝ်ရရံၚ်ကဵုလပါ်ပရေၚ်ထတ်ယုက်မ္ဂး ပရေံဗွဲမလောန်ရအဴ။ ညးဗျုဗျုတံ ဗ္တံတိက်ဟွံစှ်ေပုဟ်။ ရမျာၚ်စက်ဏံ ညာန်မံၚ်၊ ညးတံတှ်ေ အခိၚ်ဗ္တံ ဗလးပတိတ်ဍာ်အုဲအုဲအေၚ်ၚ်တံ၊ ဍာ်အုဲအုဲအေၚ်ၚ်တံလေဝ် ဗီုဂှ်ရ။ ပရေံနူအခိၚ်ကၠာတံဏီ”သာ်ဝွံ သ္ဂးရ။
တုဲပၠန် ဍာ်ပတိတ်ကၠဟ်ထောံလဝ်နူကဵုရုၚ်စက်ရာဘာတံဂှ် ပရိုဟ်ပတိတ်မံၚ်အပ္ဍဲကြုၚ် ညးဒေသတံစကာမံၚ်အိုတ်ဂှ်တုဲ စနူကဵု က၊ၚဴတံလဝ်ဟွံမွဲတုဲ အပ္ဍဲပရေၚ်တဵုလွဳဂှ်လေဝ် စကာဍာ်တံဏံ ဟွံဂွံပုဟ် ညးဆက်ဟီုရ။
ဟိုတ်နူသၟုဟ်ကျာအုဲအုဲအေၚ်ၚ် နူကဵုရုၚ်စက်ရာဘာတံဏံတုဲ စိုပ်မံၚ်အကာဲအရာတိက်ဟွံဂွံ က္တဵုဒှ်မံၚ်ဂှ်ကီု၊ စပ်ကဵုသၟုဟ်ကျာအုဲအုဲအေၚ်ၚ် ဗီုဏံဂှ်တုဲ ၜိုန်ရတေၚ်စိုပ်လဝ်နွံကီုလေဝ် စနူအမာတ်စၠတ်ထဝ်တံ ဗက်စှ်ေအာရံၚ်စံၚ် ကေၚ်ကၠုၚ်လ္ၚတ်ရံၚ်ကဵု ဟၟဲကၠုၚ်ပုဟ်ဂှ် ညးဒေသမုဟ်ဍုၚ်မွဲတၠပၠန် ဟီုလဴကဵုဌာန်ပရိုၚ်-သြၚ်လောန်တိုၚ်မ်ရ။
“သၟုဟ်ကျာတှ်ေ ပရေံဗွဲမလောန်ရ။ လပါ်ပိုဲလေဝ် နွံမံၚ်မွဲရုၚ်ကီု။ သၟုဟ်ကျာဂှ် မွဲမွဲအလန် ယဝ်ရဗလးပတိတ်နၚ်မ္ဂး ပရေံဗွဲမလောန်တုဲ ညိလေဝ်တိက်ဟွံဂွံပုဟ်။ သၟုဟ်ကျာ ဇြဟတ်ကာတ်လောန်ကွေံရ။ တေၚ်စိုပ်လဝ်တံဂှ် မိၚ်ဒၟံၚ်ရ။ ဆဂး သွက်သ္ဂောံထိၚ်အာ ပရေၚ်ကိစ္စ ကျာပသအုဲအေၚ်မံၚ်တံဏံ အမာတ်စၠတ်ထဝ် ကၠုၚ်ဗက်စှ်ေလ္ၚတ်ရံၚ်စံၚ်တံဂှ် စဵုကဵုအခိၚ်လၟုဟ် မုလေဝ်ဟွံမိၚ်ပုဟ်” သ္ဂးရ။
စပ်ကဵုသၟုဟ်ကျာအုဲအုဲ နူရုၚ်စက်ရာဘာ အပ္ဍဲပွိုၚ်ဍုၚ်မုဟ်ဍုၚ်ဗီုဏံဂှ် ပ္ဍဲလက်ထက်အလဵုအသဳ NLD ကၠာတေံ ညးဒေသတံပံၚ်ကောံတေၚ်စိုပ်လဝ်တုဲ နကဵုဂကောံစုၚ်ဗက်စှ်ေစၟဳစၟတ် ဖန်ရေၚ်တၠုၚ်ကဵုလဝ်နွံမံၚ်ဂှ် ဂွံတီရ။
ကြဴနူ ဗက်စှ်ေစၟဳစၟတ်ရေၚ်တၠုၚ်လဝ်ဂှ်တုဲ ဟိုတ်နူညးဒေသတံ ဒးဆဵုဂဗမံၚ်အခက်အခုဲဗွဲမဍာံပြဂှ်တုဲ ရုၚ်စက်ရာဘာတံဂှ် စၞးအခိၚ်ဒးဗဂေတ်ရုၚ်စက် နူပွိုၚ် ၂၄ နာဍဳဂှ် ကဵုဗဂေတ်အာဆၜိုတ် ၈ နာဍဳဟေၚ် ကၠောန်လဝ်နွံမံၚ်ရောၚ် ညးဒေသတံဟီုရ။
ဆဂး ကြဴနူပၞာန်သီအဝဵုတုဲ ရုၚ်စက်ရာဘာတံဏံ ပံၚ်တောဲလဝ်ကဵု ညးနွံအဝဵုတံတုဲ ကဵုအခေါၚ်ကလေၚ်ဗဂေတ် ၂၄ နာဍဳဂှ်ပၠန်၊ ယဝ်ရတေၚ်စိုပ်မ္ဂး ပရေၚ်ကေတ်အရေဝ်ရပ်စပ်ကဵုလေဝ်ဟၟဲတုဲ ညးတေၚ်စိုပ်တံဂှ်ရ ဒုဟ်နွံဒးဒုၚ်လဝ်ရောၚ် ဂွံတီရ။
အပ္ဍဲတွဵုရးမန် ပွိုၚ်ဍုၚ်မုဟ်ဍုၚ်ဂှ် ရုၚ်စက်ရာဘာ ပတိတ်မံၚ်ရာဘာ ၁၀ ရုၚ်ပြၚ်နွံတုဲ ရုၚ်စက်ရာဘာတံဏံဂှ် အကြာကာလဒပ်ပၞာန်သီအဝဵုဏံ ကပေါတ်အုဲအေၚ်နွံဘဲအန္တရာဲတံဂှ် ကၠဟ်ထောံမံၚ်ဟၟဲကဵုသၞောတ်ဝ်တုဲ ပရေၚ်ဇီုကပိုက်ပွဳပွူသဘာဝတံ က္တဵုဒှ်ကၠုၚ်မံၚ် ပရေံပရေံရောၚ်။
ပရိုၚ် – သြၚ်လောန်တိုၚ်မ်
Photo – MOI