ကွာလာလာမ်ပူ၊ သိပ်တေမ်ပါ ၂
ပရေၚ်အလဵုအသဳမလေယှာ စဳဇန်လဝ် သွက်သ္ဂောံကလေၚ်ပလံၚ်ဖျဴဏာ ညးတၠဒဒိုက်ဗၟာတံဂှ် ညးတံပါလုပ်ဆက်စပ်လဝ်ဟၟဲပုဟ် အေဂျေန်သဳပရေၚ်ညးတၠဒဒိုက်နာနာကုလသမဂ္ဂ UNHCR ဟီုရ။
ပ္ဍဲကဵုဍုၚ်ဗၟာ ပၞာန်အပ္ဍဲဍုၚ်က္တဵုဒှ်မံၚ်ဏံဂှ် သွက်ညးတၠဒဒိုက်တံ သ္ဂောံကလေၚ်စဴအာဂှ် ပရေၚ်ဂီုကၠီုဟၟဲဏီပုဟ် UNHCR ဟီုလဝ်ရ။
ပ္ဍဲဂိတုသိပ်တေမ်ပါ ၂၉ မ္ဂး သွက်အသုတ်ပထမ အစဳဇန်သ္ဂောံပလံၚ်ဖျဴဏာ ညးတၠဒဒိုက် ၁၄၇၆ တၠ ဇရေၚ်ဍုၚ်ဗၟာဂှ် ဖန်ဖက်ရေၚ်တၠုၚ်လဝ်တုဲဒှ်ယျ ဌာနဝန်ဇၞော်ပရေၚ်ကေၚ်ကာအပ္ဍဲဍုၚ် မလေယှာ လလောၚ်တြးလဝ်ပရိုၚ် ပ္ဍဲသတ္တာဟလောန်ကၠုၚ်တေံရ။
ညးတၠဒဒိုက်တံဂှ် အတိုၚ်ပၟိက်ဆန္ဒညးတံ ကလေၚ်စဴအာဍုၚ်မိတိမညးတံရောၚ် နူမလေယှာ ဟီုရ။
စပ်ကဵုပရေၚ်ညးတၠဒဒိုက်တံတုဲ ပ္ဍဲမလေယှာ အခိၚ်ပရေၚ်ထုဲထံၚ်ကြံၚ်မ္ၚိုဟ်မံၚ် အကြာညးဒေသတံ သၠုၚ်တိုန်ဒၟံၚ်ဂှ် သွက်သ္ဂောံကလေၚ်ဒုၚ်အာတဲ ရိုဟေန်ဂျာ ၅၀၀၀ တၠဂှ် နူကဵုဍုၚ်ဗၟာ တုပ်လဝ်စိုတ်တုဲယျဂှ် သ္ကိုပ်ဝန်ဇၞော်မလေယှာ အန်ဝါ အေဗရာဟေၚ် ဟီုလဝ်နူအခိၚ်ပြဟ်ဟ်တေံရ။
ဟိုတ်နူပရေၚ်ပဋိပက္ခရပ်လွဟ် က္တဵုဒှ်ဒၟံၚ် အလုံမွဲဍုၚ်ဗၟာဏီတုဲ သွက်ပရေၚ်ဂီုကၠီုညးတံဂှ် ဒှ်ဟွံမာန်ဏီပုဟ် UNHCR ဟီုလဝ်ရ။
နကဵုပၟိက်ဆန္ဒဇကုဇကု ညးတၠဒဒိုက် မိက်ဂွံကလေၚ်စဴအာတံဂှ် နကဵုဂုဏ်သိက္ခာနွံနွံ သွက်သ္ဂောံမံၚ်စံၚ်တန်တဴအာ ဍာ်ဇမၠိၚ်ဂှ် ဒှ်မာန်ဟွံသေၚ်ပုဟ် နူအေဂျေန်သဳ ထပ်ဟီုလဝ်ရ။
အတိုၚ်ဥပဒေ ပရေၚ်ဂၠးကဝ်အလေ့အခိုက် အပ္ဍဲဇၟာပ်ပ်ဍုၚ်တံမ္ဂး တာလျိုၚ်နွံမံၚ်တုဲ ဇရေၚ်ဍုၚ် လတူအခေါၚ်သၠးၜးညးတံ အန္တရာဲက္တဵုဒှ်မာန်ဂှ် ကလေၚ်ပလံၚ်ဖျဴဏာ ကုမၞိဟ်မွဲမွဲတၠ ဟွံထေက်ပုဟ် ပ္ဍဲဥပဒေဂၠးကဝ်တံ ထမံက်ထ္ၜးလဝ်ရ။
အတိုၚ်ပၟိက်ဆန္ဒညးတံ အခိၚ်ကလေၚ်ပလံၚ်ဖျဴ ညးတၠဒဒိုက်တံဂှ် ဒုၚ်သ္ဇိုၚ်ကဵုတင်သ္ဂုတ်သွာတ် ပတိတ်လဴလဝ်တုဲတုဲတံတုဲ ဒးကလေၚ်ပလံၚ်ဗ္စိုပ် နကဵုပရေၚ်ဂီုကၠီုနွံနွံ ကေုာံ နွံကဵုဂုဏ်သိက္ခာနွံနွံ UNHCR သ္ဂးလဝ်ရောၚ်။
ကၠာဟွံဂွံပလံၚ်ဖျဴဏာ ဇရေၚ်ဍုၚ်ဗၟာဏီဂှ် သွက်သ္ဂောံကဵုအာ ပရေၚ်မၚ်မွဲစဵုဒၞာ ကုညးဆေၚ်စပ်တံသီုဖအိုတ်မာန်ဂှ် ညံၚ်ဂွံဗ္စာရဏာ စွံဂရုညိဂှ်လေဝ် UNHCR ဖတိုက်ဖအောဝ်လဝ် မလေယှာ ရ။
စပ်ကဵုလိက်လလောၚ်တြး UNHCR ဏံတုဲ ညးနွံအခေါၚ်ဟီုဂးပရိုၚ် နူဌာနဝန်ဇၞော်ပရေၚ်ကေၚ်ကာအပ္ဍဲဍုၚ် မလေယှာ သွက်သ္ဂောံဟီုကဵုပရေၚ်စၟတ်သမ္တီမွဲမွဲဂှ် တးပါဲဏာရ။
လၟေၚ်ကမၠောန်ကလေၚ်ပလံၚ်ဖျဴဏာဂှ် ဒှ်အရာကၠောန်ရေၚ်တၠုၚ်မံၚ် အတိုၚ်ပၟိက်ဆန္ဒ ညးတၠဒဒိုက်တံရောၚ် ညးဟီုလဴဒၟံၚ် အတိုၚ်ဟီုလဝ် ဗီုကၠာကၠာတေံရ။
ပ္ဍဲရးနိဂီုဍုၚ်ဗၟာ ကြဴနူသီအဝဵု သၞာံ ၂၀၂၁ ဂှ် ပေါဲပၞာန်အပ္ဍဲဍုၚ်က္တဵုဒှ်ကၠုၚ်တုဲ ညးတၠဒဒိုက် လၟိဟ်ကဵုလ္ၚီပြၚ်တံ ဒးဂြိပ်ပါဲအာ ဍုၚ်သအာၚ်တံရ။
ဒါပေမဲ့ မှတ်ပုံတင်မထားတဲ့ သူတွေ အများကြီး ရှိနေသေးတယ်လို့ တက်ကြွ လှုပ်ရှားသူတွေက ပြောဆိုထားပါတယ်။
ဆဂး ညးဟွံမွဲကဵုပရေၚ်ပတိုန်စၟတ်သမ္တီတံလေဝ် နွံဒၟံၚ်ဗွဲမဂၠိုၚ်ဏီဂှ် ညးချဳဒရာၚ်တံ ဟီုလဝ်ရ။
Ref:REUTERS