ရေဝ်-သိပ်တေမ်ပါ ၁၁
ဗော်ဍုၚ်မန်တၟိ ဗ္တိုက်သရိုဟ်တၠအဝဵုပၞာန် NMSP AD ဒေသသၟဝ်ကျာရေဝ်တအ် ကၠောန်ပေါဲဆဵုဂဗကု ဂကောံပရဟိတ ဂမၠိုၚ်ရဂှ် ပ္ဍဲသိမ်တေမ်ပါ ၁၀တေံ လလောၚ်ပတိတ်လဝ်ပရိုၚ်ရ။
အပ္ဍဲဂိတု သေပ်တေမ်ဗါ (၈) ကၠောန်သ္ပလဝ်ပေါဲဆဵုဂဗဏံဂှ်တှ်ေ ဂကောံပရဟိတဂမၠိုၚ် ၁၂ ကွာန် နူကဵုဒေသသၟဝ်ကျာ ကောန်ဂကောံ ၅၀ ပြၚ်တံ တိုန်စိုပ်လဝ်ရ။
ပေါဲဆဵုဂဗဏံဂှ် နူကဵုဗော်ဍုၚ်မန်တၟိ AD ညးက္ဍိုက်ပ်ဒေသသၟဝ်ကျာ နိုၚ်သူရဌေ က္ဍိုက်ပ်တုဲ ညးလျိုၚ်ဌာနရီုဗၚ်ပရေၚ်မၞိဟ် နာဲသိုက်ဆာန်အံၚ် ကေုာံ ညးတာလျိုၚ်ပွိုၚ်ဍုၚ်ဂမၠိုၚ်တံ တိုန်စိုပ်လဝ်ရဂှ် လလောၚ်ပတိတ်လဝ်ပရိုၚ်ရ။
ဂကောံပရဟိတ တိုန်စိုပ်တအ်ဝွံ ဘဲဒဏ်သဘာဝ မကတဵုဒှ်မံၚ် မပ္တံ ဍာ်ဇၞော်၊ ဒးလဗိုတ်ကျာတအ်ကီု ပရေၚ်ပလံၚ်မၞိဟ်ယဲတအ်ကီု၊ ပရေၚ်ရီုဗၚ်ပရေၚ်မၞိဟ် အပ္ဍဲဒေသတအ်ကီုဂှ် ရေၚ်တၠုၚ်ကၠောန်ၜိုတ်ဒၟံၚ်တုဲ (၆)ဂိတုမွဲအလန် ညးတအ်ကၠောန်သ္ပမံၚ် ကောံဓရီုနွံရဂှ် ဗော်ဍုၚ်မန်တၟိ AD ဟီုလဝ်ရ။
ပ္ဍဲပေါဲဆဵုဂဗဝွံ နူလ္ပါ်ဗော်ဍုၚ်မန်တၟိ AD နကဵုညးတံ ဗီုလဵုသ္ဂောံကဵုအာအရီုအဗၚ်ကုဂကောံပရဟိတ မၞုံပ္ဍဲဒေသဂမၠိုၚ်တအ်မာန်ဂှ်လေဝ် ညးတာလျိုၚ်ဗော်ဍုၚ်မန်တၟိ(AD) တိုန်စိုပ်တအ် သဳကၠဳဟီုဂးဏာလဝ် နွံရ။
နူကဵုဗော်ဍုၚ်မန်တၟိ AD ဝွံ သွက်ဂွံဗ္တိုက်သရိုဟ်တၠအဝဵုပၞာန် ပါ်တိတ်လဝ် နူဗော်မိဗော်ဍုၚ်မန်တုဲ ပံၚ်တောဲကုဂကောံမဟာမိတ် ဒပ်ပၠန်ဂတးတံတုဲ မဒှ်ဂကောံရပ်လွဟ်ကောန်ဍုၚ်အရၚ်မွဲရ။
ပရိုၚ်-သြၚ်လောန်တိုၚ်မ်
Photo – NMSP-AD