နေပျဳဒဝ်၊ သိပ်တေမ်ပါ ၁၇
အပ္ဍဲကဵုရးဒေသဇၞော်ကဵုတွဵုရးတံ ညံၚ်ဂွံကၠောန်အာ ပေါဲဝေၚ်ပြိုၚ်ဇြဟတ်ဂၠိုၚ်ၚ်ညိဂှ် သမ္မတဒပ်ပၞာန် ခါန်ကၞက်ကေတ် ဥူမေန်အံၚ်လှိုၚ် ကဵုလဝ်စၞောန်ပ္ညုၚ်ရ။
အပ္ဍဲဂိတုသိပ်တေမ်ပါ ၁၅ ဂကောံအလဵုအသဳဒပ်ပၞာန် ကၠောန်လဝ်ကောံဓရီု ပ္ဍဲနေပျဳဒဝ်ဂှ် ကဵုဏာလဝ်စၞောန်ပ္ညုၚ်ရ။
နကဵုမူဝါဒ သၠုၚ်ပတိုန်ပရေၚ်ဝေၚ်ဇြဟတ်တံမ္ဂး ကၠောန်သ္ပပရေၚ်မၚ်မွဲစဵုဒၞာ ရးနိဂီုဍုၚ်တုဲ ပ္ဍဲရးဒေသဇၞော်တံကဵု တွဵုရးတံ ညံၚ်ဂွံကၠောန်အာပေါဲဝေၚ်ပြိုၚ်ဇြဟတ်ဆက်က်ညိဂှ် ကဵုလဝ်စၞောန်ပ္ညုၚ်ရောၚ်။
တုဲပၠန် ကၠာဟွံစိုပ် ဂိတုဒဳဇြမ်ပါဏံ ဒစးဒုၚ်ပလေဝ်ပလေတ် သွက်ဟွံကၠောန်ဗဒှ်လဝ် ပေါဲပြိုၚ်ဇြဟတ်တံကီု သၠာတ်ဝေၚ်ပရေၚ်ဇြဟတ်တံဂှ် ညံၚ်ဂွံပလေဝ်ပလေတ်လဝ်ချိုတ်တ်ပၠိုတ်တ်ညိ ကဵုလဝ်စၞောန်ပ္ညုၚ်ကီုရ။
ညံၚ်ဂွံကၠောန်အာ ပေါဲပြိုၚ်ဝေၚ်ဇြဟတ်ဂၠိုၚ်ၚ်ဂှ်တှ်ေ အာရုံစိုတ်သၟတ်တံညံၚ်ဟွံစိုပ်အာလပါ်ပရေၚ်ပၠန်ဂတးတံ အဓိကရန်တၟအ်လဝ်တုဲ ဒှ်ပရေၚ်မူဝါဒအလဵုအသဳပၞာန်တံမွဲတၚ်ကီုရောၚ်ဂှ် ညးလ္ၚတ်ပရေၚ်ဍုၚ်ကွာန်တံ သ္ဂးရ။
စနူကဵု သၞာံ ၂၀၂၂ တေံတုဲ ဂကောံပၞာန်သီအဝဵု ကၠောန်ကၠုၚ်လဝ် ပေါဲပြိုၚ်ဝေၚ်ဇြဟတ်ဇၟာပ်ပ်ဂိတုနွံတုဲ စိုပ်လက်ထက် ဒပ်ပၞာန်ပြံၚ်လှာဲအလဵုအသဳဏံလေဝ် ပဵုတုဲကၠောန်ကၠုၚ် ပေါဲပြိုၚ်ဝေၚ်ဇြဟတ်တံ ဂၠိုၚ်ၚ်ရ။
စိုပ်လက်ထက် ဒပ်ပၞာန်ပြံၚ်လှာဲအလဵုအသဳတုဲဗွဲကြဴဏံ ကၠောန်ကၠုၚ်လဝ် ပေါဲပြိုၚ်ဝေၚ်ဇြဟတ် အဆံၚ်တွဵုရး၊ ခရိုၚ်၊ ပွိုၚ်ဍုၚ်တံသၟးဟွံက ပ္ဍဲကဵုဘာဗတောန်လိက်တံလေဝ် ညံၚ်အဆက်ဟွံဂွံပိုတ် ကၠောန်ဗဒှ်ကၠုၚ်မံၚ်ရ။
ပရိုၚ်-သြၚ်လောန်တိုၚ်မ်
Photo – MOI