ဗြဝတဳ၊ သိပ်တေမ်ပါ ၂၃
ပ္ဍဲတွဵုရးကရေၚ် ဂကောံဒပ်မၚ်ကွာန် ဍုၚ်ဗြဝတဳတံ အခိၚ်ဗတံ ဗက်တိတ်ဂၠာဲရပ်ကေတ်မံၚ် သၟတ်အဝဲဍောတ်တ်ပၠိုၚ်ၚ်တံတုဲ ကလေၚ်သွံစကဵုမံၚ်ဒပ်ပၞာန်ဂှ် ဒှ်မံၚ်ပရေၚ်ပိုန်ဒြပ်အိုတ်ရောၚ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
သၟတ်ဍောတ်တ်ပၠိုၚ်ၚ် နူကဵုဌာန်ပလုၚ်တံ ကၠုၚ်စိုပ်မံၚ်ဒၟံၚ်အကြာအရာပ်လ္တူဍုၚ်တံသၟးဟွံက ရဲနူကဵုဒေသတံဂှ်လေဝ် ဗက်တံၚ်ရပ်ကေတ်ပဝ်တာနွံကၠုၚ် ဆက်က်တုဲ သၟတ်အဝဲဍောတ်တ်ပၠိုၚ်ၚ်တံဗွဲမဂၠိုၚ် ကၠေံမံၚ်ရောၚ် ရဲလ္တူဍုၚ်ဗြဝတဳတံ သ္ဂးရ။
ရဲကၠေံအာနူဍုၚ် သၟတ်လ္ၚဵုတံဂှ် ဗီုရုပ်တိုန်မံၚ် ပ္ဍဲကဵုအခန်ကၞာ ပရေၚ်ယိုက်ဝန်ပၞာန် တွဵုရးကရေၚ်တံ ဆဵုညာတ်ဂှ်မှ ပရေၚ်ဒးဒုၚ်တံၚ်ဏာဂှ် ဂွံတီတုဲ ရဲကၠေံမံၚ်တၞဟ်ဟ်ဂှ်တှ်ေ ပေၚ်အာမွဲသၞာံကီုလေဝ် မုပရေၚ်ဆက်စၠောံမှ ဟွံဂွံပရိုၚ်ပုဟ် ညးဒေသတံ သ္ဂးရ။
လ္တူဍုၚ်ဗြဝတဳ ရဲကၠောန်မံၚ် ပရေၚ်တံၚ်ရပ်ပဝ်တာကု သၟတ်အဝဲဍောတ်တ်ပၠိုၚ်ၚ်တံမ္ဂး ဒပ်ပၞာန်ကီု ဒပ်မၚ်ကွာန်ကီု ကောန်ရဲတဝ်သွာ ဂကောံပရေၚ်အုပ်ဓုပ် ရဲဂကောံပရေၚ်ဂကူ (မဘသ) တံကေုာံ ဂကောံရပ်လွဟ်လ္ၚဵုတံလေဝ် ပါလုပ်မံၚ်ရောၚ် ရဲဍုၚ်ဗြဝတဳတံ ဟီုရ။
ဗွဲတၟေၚ် ကောန်ရဲတဝ်သွာ ရဲဂကောံပရေၚ်အုပ်ဓုပ် ဂကောံပရေၚ်ဂကူ (မဘသ) တံကေုာံ ဂကောံဒပ်မံၚ်ကွာန်တံဂှ် စိုပ်အခိၚ်ဗတံမ္ဂး ဗက်ဂၠာဲရပ်မံၚ်သၟတ်တံတုဲ သွံစမံၚ်ကဵု ဒပ်ပၞာန်ဂှ် ဒှ်ညံၚ်ရဴဂအာၚ်ဖျာမွဲ ဒှ်မံၚ်ပရေၚ်ပိုန်ဒြပ်ကွေံကွေံရောၚ် ရဲဍုၚ်ဗြဝတဳတံ ဟီုရ။
ရပ်ဂွံဏာ သၟတ်မွဲမွဲတၠးမ္ဂး အောန်အိုတ် နူကဵု ၄၀ ကိုတ်ဒကေဝ် စိုပ်ဒဵု ၁၀၀ ကိုတ် ဂကောံဒပ်မၚ်ကွာန် ကောန်ရဲတဝ်သွာ ဂကောံပရေၚ်အုပ်ဓုပ် ရဲဂကောံပရေၚ်ဂကူ (မဘသ) တံ သွံစမံၚ်ကဵု ဒပ်ပၞာန်တုဲ ပရေၚ်ရပ်ပဝ်တာ ဟိုတ်နူနွံမံၚ်ဇၟာပ်ပ်ဗတံဂှ် စိုပ်အခိၚ်ဗတံမ္ဂး ဍုၚ်ဗြဝတဳ ကှ်ကေဲသ္ၚိတ်ဇြမံၚ်တုဲ ညးမွဲလေဝ်ဟွံဂံၚ်တိတ်အာဝေၚ်မ္ၚးပုဟ် ဂွံတီနူကဵု ညးဒေသတံရ။
တုဲကၠုၚ်သိပ်တေမ်ပါ ၁၆ အခိၚ်ဗတံတေံဂှ် လ္တူဍုၚ်ဗြဝတဳ ဒပ်ပၞာန်တံအဟိန်ဂေတ်မံၚ်ကၚ်ဂှ် ပန်ဏာသေနာတ်ကဵုသၟတ် ဍိုက်ကၠုၚ်ကွဳလိုန်ဓာတ်မွဲတၠတုဲ သၟတ်ဂှ်ချိုတ်အာ ဒၞာဲဂှ်မွဲလန်ဓဝ်ရောၚ် ဂွံတီရ။
လၟိဟ်ကွးဘာပရေၚ်ယိုက်ဝန်ပၞာန် ညံၚ်ဂွံပေၚ် သွက်ဂွံပလံၚ်ဏာ ဘာပၞာန်မာန်ဂှ် ပ္ဍဲဍုၚ်ဗြဝတဳ ဒပ်ပၞာန်ဗမာ ရပ်ချုက်စွံလဝ် သၟတ်အဝဲဍောတ်တ်ပၠိုၚ်ၚ်တံ ၜိုတ် ၁၅၀ နွံတုဲ ယဝ်ရနွံကၠုၚ်ပၟိက်မ္ဂး သွက်ဂွံပလံၚ်အာ ဘာပရေၚ်ယိုက်ဝန်ပၞာန်ဂှ် ပလေဝ်ပလေတ်စလဝ် နွံမံၚ် ဂွံတီလဝ် နူကဵုညးကြပ်ကဵုဒပ်ပၞာန်တံရ။
ပရိုၚ်-သြၚ်လောန်တိုၚ်မ်
Photo – Social Media