အန်ကာရာ၊ ဝါယှေန်တန်၊ သိပ်တေမ်ပါ ၂၃
ဂကောံပါလုပ်လၟိုန်တံ ပရေၚ်ရပ်စပ်သုၚ်စောဲအဝဵုဗဳတိုတံဂှ် သွက်ဂွံပါဲတးထောံကီု သွက်ဂွံကၠောန်အာပရေၚ်ပြံၚ်လှာဲ ကံၚ်သဳဂီုကၠီုကုလသမဂ္ဂသၠဲသၠဲလးလးဂှ် သမ္မတတူရကဳ ရဳသက်အာယက် အာဒိုဂါန် ဗတိုက်ဖအောဝ် ဟီုဏာရ။
ပရေၚ်သၞောတ်ဂၠးကဝ်တ္ၚဲဏံမ္ဂး စပ်ကဵုပရေၚ်နတဲ အကာဲအရာဂၠးကဝ် ညံၚ်ဂွံမံက်ထေၚ်လဵုကၠးတၟးမံၚ်ရောၚ် ညးပတိုန်ဂလာန်စောဒက ဗတိုက်ဖအောဝ် ဟီုဏာလဝ်အတိုၚ်ဏံရောၚ်။
နူကဵုဌာန်ပရိုၚ် Bloomberg ချူပတိုန်လဝ်လိက်ပရေၚ် နကဵုက္ဍိုပ်လိက် “ပွမဂၠာဲသွဟ် အရာဆေၚ်စပ်ကဵု ပရေၚ်ဓမ္မ ပ္ဍဲဂၠးကဝ်အပြံၚ်လှာဲဏံ” မွဲပိုဒ်ဝွံ ပရေၚ်တၚ်ကော်ဆောဂၠးကဝ် စပ်ကဵုပရေၚ်ယဲကပ်တံ ပရေၚ်အခက်အခုဲကၠေၚ်ဍေၚ်၊ လၟေၚ်ပရေၚ်ဂၠံၚ်အထံက်ပၚ်တံ ထုဲထံၚ်မံၚ်တံ၊ ပေါဲပၞာန်ဒေသတံ ပြဿနာက္တဵုဒှ်မံၚ်ပြဟ်ဟ် သွက်ဂွံသောၚ်ကလးအာဂှ် ကဵုလဝ်အခေါၚ်ပရေၚ်သ္ဂုတ်သွာတ် ဆၜိုတ်ဍုၚ်မွဲသကေံတဲဍောတ်ဂှ် ထမံက်ထၜးမံၚ်ရောၚ် အာဒိုဂါန် ဟီုလဝ်ရ။
ပရေၚ်ယန္တရာဖျေံသ္ဂုတ်သွာတ် ဆေၚ်စပ်ကဵုပရေၚ်ဂၠးကဝ်တံဂှ် ညံၚ်ဂွံကိက်ညဳကဵု အကာဲအရာပရေၚ်ခေတ်လၟုဟ်ဏံ ဒးကၠောန်အာကီု အတိုၚ်သ္ဇိုၚ်သၞောဝ် လက်ထက်ပၞာန်ဂၠးကဝ်တုဲ စကၠောန်လဝ် ကံၚ်သဳဂီုကၠီုကုလသမဂ္ဂ ဆက်နွံကၠုၚ်မံၚ်အတိုၚ်ဂှ်ပၠန်ရောၚ် ညးဟီုရ။
ပရေၚ်ဓမ္မညံၚ်ဂွံပဵုစိုပ်တရဴ သၞောတ်ပရေၚ်ဒုၚ်ကေတ်လျိုၚ် သ္ပစၞးမွဲ နွံမံၚ်ပၟိက်တုဲ ပ္ဍဲအရာဖျေံပရေၚ်သ္ဂုတ်သွာတ် စပ်ကဵုဂၠးကဝ်တံ ဍုၚ်နာနာ သၠဲသၠဲလးလး ညံၚ်ဂွံပါလုပ်အာ အာဒိုဂါန် ဗတိုက်ဖအောဝ် ဟီုလဝ်ရ။
ပရေၚ်ဂၠးကဝ်ဟီုဂှ် ဇၞော်လောန်နူကဵု ၅ ရးနိဂီုဍုၚ်ဏီဂှ် ဒးကၠိုဟ်ခၠၚ်ထေက်တုဲ ပရေၚ် ဗတိုက်ဖအောဝ်တူရကဳဟီုဂှ် အပ္ဍဲကဵုသၞောတ်ပရေၚ်ဂၠးကဝ် ပရေၚ်ပါ်ပရအ်တာလျိုၚ် ညံၚ်ဂွံသၠဲလးတိုန် ဒးကၠောန်အာရောၚ် ညးဗတိုက်ဖအောဝ် အာတ်မိက်မံၚ်ရောၚ်။
ကောန်ဂကောံကံၚ်သဳဂီုကၠီုကုလသမဂ္ဂလၟိုန် ၅ ဍုၚ် အမေရိကာန်၊ အဂႅလိက်၊ ပြၚ်သေတ်၊ ကြုက်ကဵုရတ်ယှာတံ စကာသုၚ်စောဲလဝ် ပရေၚ်ဗဳတို ဗီုပြၚ်ဟွံစှ်ေသၞောတ် နွံမံၚ်ရောၚ် ပရေၚ်ဟီုဂးပါ်ပါဲတံ မံက်တိုန်ကၠုၚ်လဝ်လံကွေံကွေံရ။
ပရေၚ်တၚ်နွံပၟိက်ဏံ ညံၚ်ဂွံဒှ်အာ ဗီုတိထၜးဂၠံၚ်မွဲ ထေက်ကဵုဒးပြံၚ်လှာဲတုဲ အပ္ဍဲကဵုဗဟဵုဗီုတိထၜးဂၠံၚ်မ္ဂး အစဳဇန်ညံၚ်ဂွံဒေါအ်ထောံ ပရေၚ်အခေါၚ်သုၚ်စောဲ အဝဵုဗဳတိုရောၚ် အာဒိုဂါန် ဟီုရ။
ပရေၚ်ဆန္ဒ ပွဳဗွိုၚ်ဍုၚ်ဂၠးကဝ်ဂမၠိုၚ်တံဂှ် ယြဴဍုၚ်နိဂီုလဵုမှ စကာအဝဵုဗဳတိုတုဲ တာဒၞာဟွံထေက်ပုဟ် သမ္မတတူရကဳ ဟီုလဝ် မဒှ်ရ။
Ref:Bernama