နေဗျဳဒဝ်၊ သိပ်တေမ်ပါ ၂၈
ပရေၚ်ကြဳလဝ်ဗုမ် ဌာန်ဂအုပ်ပၞာန်ရးတၟေၚ် အလဵုအသဳညဳသၟဟ်ကောန်ဂကူ NUG အကြာပယျဵုမန်ကဵုဗဂေါတံဂှ် ဟိုတ်နူပရေၚ်ကဵုပရိုၚ်အပ္ဍဲတုဲ နူကဵုဒပ်ပၞာန်ကျာဗမာ အာကြဳလဝ်ဗုမ်ရောၚ် လိက်ပရိုၚ်တြးဝါဒ အလဵုအသဳပၞာန်တံ ချူလဝ်ရ။
ဟိုတ်နူပရေၚ်ပံၚ်တောဲ ဂွံပရိုၚ်အပ္ဍဲ နူကဵုဌာန်ဂအုပ်ပၞာန်ရးတၟေၚ်တုဲ ထံၚ်ဂွံပရိုၚ်ချိုတ်တ်ပၠိုတ်တ်ဂှ် နူကဵုဗလးကျာတေံ အာဗတိုက်သရိုဟ်မာန်ကၠုၚ်လဝ် ခိုဟ်ဟ်ရောၚ် အလဵုအသဳပၞာန် သ္ဂးရ။
ပရေၚ်ဒပ်ပၞာန်လလောၚ်တြးလဝ်ဏံဂှ် ဒှ်သွက်ပရေၚ်လဝေၚ်ပၞာန်စိုတ်ဓါတ်မွဲ သက်က်ရောၚ် ညးနွံအခေါၚ်ဟီုဂး ဥူနေဖုၚ်လာတ် ဟီုရ။
ပရေၚ်ကြဳလဝ်ဗုမ် ဌာန်ဂအုပ်ပၞာန်ရးတၟေၚ်ဂှ် နူကဵုပရေၚ်ဆက်စၠောံ စက်ဇဟတံ ပရိုၚ်မံက်တိတ်အာတုဲ နူကဵုဒပ်ပၞာန်ဗမာ ကၠုၚ်ကြဳဖျေံဏာဗုမ်ဇၞော်ကဵုဇြဟတ်ရောၚ် ပရေၚ်ဟီုဂးမံၚ်သာ်ဏံလေဝ် နွံရ။
စပ်ကဵု ပရောပရာ ပရေၚ်ဌာန်ဂအုပ်ပၞာန်ရးတၟေၚ် NUG ဒးဒုၚ်ကြဳဗုၚ်ပၞာန်ကျာဏံဂှ် အခိၚ်အကာဲအရာ ပရေၚ်ဂီုကၠီုဂွံဖျေံစိုတ်မှာ လလောၚ်တြးကဵုပရိုၚ် ချိုတ်တ်ပၠိုတ်တ်ရောၚ် နူကဵု NUG ဟီုလဝ်ရ။
ပ္ဍဲကဵုပရောဒဒှ် ပ္ဍဲဌာန်ဂအုပ်ပၞာန်ရးတၟေၚ် NUG ဒးဒုၚ်ကြဳဗုၚ်ပၞာန်ကျာဏံဂှ် အကြာပ်ဇၞော် CDM နေဝေၚ်အံၚ်၊ ကောန်သ္ဂံၚ် PDF ၅ တၠတံ ချိုတ်တုဲ သ္ကိုပ်ပရေၚ်ကောပ်ကာဲဌာန်ပၞာန် သ္ဂံၚ် အံၚ်သာန်ယှာ ကဵု ကောန်သ္ဂံၚ် PDF လၟိဟ်ကဵုစှော်တံ ဒးအာဝပ်ရ။
သၟဝ်တဲအလဵုအသဳညဳသၟဟ်ကောန်ဂကူ NUG ဂှ် ဒက်ပတန်လဝ်ကဵု ဌာန်ဂအုပ်ပၞာန်ရးဒေသ ၁၀ ဒၞာဲနွံတုဲ ဒၞာဲဒးဒုၚ်ကြဳဗုမ် ပၞာန်ကျာဏံဂှ် ဒှ်ဌာန်ဂအုပ်ပၞာန်ရးတၟေၚ် အဓိက ချဳဒရာၚ်မံၚ်ပရေၚ်ပၞာန် ပ္ဍဲကဵုဒေသမန်ကဵု ရးဗဂေါတံ မဒှ်ရ။
ပရိုၚ်-သြၚ်လောန်တိုၚ်မ်
Photo – Social Media