ထဝါဲ၊ သိပ်တေမ်ပါ ၂၉
ပ္ဍဲရးတနၚ်သဳ ခရိုၚ်ထဝါဲ ပရေၚ်ဒဵုလာ်တိသရိုဟ် က္တဵုဒှ်ကၠုၚ်လဝ်ဂှ် ညးချိုတ်အာ ၁၃ တၠ နွံတုဲ မၞိဟ်ဟွံအောန်နူ ၄၀ တၠတံ ကၠေံမံၚ်ဏီဖိုဟ်ရောၚ် ညးဒေသတံကဵု ဂကောံဟံၚ်ပြဟ်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
အတိုၚ်ဂွံလဝ်စရၚ် ဂိတုသိပ်တေမ်ပါ ၂၈ အခိၚ်သဝ်တ္ၚဲမ္ဂး ဟိုတ်နူ ပရေၚ်ဒဵုလာ်တိသရိုဟ်လဝ်တုဲ မၞိဟ်ချိုတ်လဝ် ပ္ဍဲပွိုၚ်ဍုၚ်လံၚ်လုၚ်ဂှ် ၁၀ တၠ၊ ပွိုၚ်ဍုၚ်ထဝါဲဂှ် ၜါတၠ ၊ ပွိုၚ်ဍုၚ်တယိတ်ချံၚ်ဂှ် မွဲတၠ နွံရ။
ဟိုတ်နူ ဗြဴဂူရိုပ်ထတ်လောန်ကီု အဟိန်ပရေၚ်ဒဵုလာ်တိသရိုဟ် က္တဵုဒှ်ဂှ် ဗၠိုက်စှ်ေအာကရောံသ္ၚိဌာန်တံ မွဲစွံတုဲ ချိုတ်အာလဝ်ရောၚ် ညးတာလျိုၚ် ပရေၚ်ရီုဗၚ်ဟံၚ်ပြာ်မွဲတၠ ဟီုရ။
ပြဟ်ဟ်ဏံလေဝ် သၟဝ်တိဖအုံဂှ် မၞိဟ် ၄၀ တၠတံဟွံအောန်ကီု သီုကဵုသ္ၚိဌာန်တံ ကၠေံမံၚ်ဖိုဟ်တုဲ သွက်ဂွံကၠောန်ပရေၚ်ရီုဗၚ်ဟံၚ်ပြာ်တံမာန်ဂှ် နွံမံၚ်ပၟိက်ကဵု စက်ယန္တရာဇၞော်ဇၞော်တံရောၚ် ဂွံတီရ။
စနူကဵု သိပ်တေမ်ပါ ၂၆ ဂှ်တုဲ ပ္ဍဲခရိုၚ်ထဝါဲ ပွိုၚ်ဍုၚ်လံၚ်လုၚ်၊ ထဝါဲကဵု တယိတ်ချံၚ်တံ ဗြဲဂူရိုဟ်ထတ်လောန်တုဲ ပရေၚ်ဒဵုလာ်တိသရိုဟ်တံ က္တဵုဒှ်လဝ်ရ။
ဟိုတ်နူ ပရေၚ်ဒဵုလာ်တိသရိုဟ် က္တဵုဒှ်တုဲ ဒၞာဲဂၠံၚ်ဇၞော်ကၟိန်ဍုၚ် ပ္ဍဲသကုတ် အကြာခရိုၚ်ထဝါဲဂှ် ပရေၚ်ဍာန်မာအ်ဆိုအ်အာတံ ဒှ်လဝ်ဂှ် နွံမံၚ်ပရေၚ်အရီုဗၚ် ကာမံက်တိုန် ဇၞော်ကဵုဇြဟတ်ရေၚ် ညးတာလျိုၚ် ရီုဗၚ်ဟံၚ်ပြဟ်တံဟီုတုဲ ဂွံတီရ။
ပရိုၚ်-သြၚ်လောန်တိုၚ်မ်
Photo – CJ