ကြုၚ်ဒဵု၊ အံက်တဝ်ပါ ၃
အပ္ဍဲတွဵုရးကရေၚ် ပွိုၚ်ဍုၚ်ကြုၚ်ဒဵု ဟိုတ်နူဒပ်ပၞာန်ဗမာ ပန်ဖျေံလွဟ်ဇၞော်တုဲ ညးဗြဴအာယုက် ၇၃ သၞာံမွဲတၠ ချိုတ်အာဂှ် နူကဵုဗော်သွးကောန်ဂကူကရေၚ် KNU လလောၚ်ပတိတ်ပရိုၚ်ရ။
ဒပ်ဗလံက်ဗမာ ဖျေံသ္ဇိုၚ်ကြုၚ်ဒဵု အမတ ၃၁၂ ကဵု နူကဵုကုန်ဒပ်တၟိ သၟဝ်ကျာတံ စနူသိပ်တေမ်ပါ ၂၅ စိုပ် ၃၀ ပေါဲဗတိုက်ဟွံမွဲကီုလေဝ် ပန်ဖျေံမံၚ်လွဟ်ဇၞော် ဒၞာဲညးဍုၚ်ကွာန်ဂမၠိုၚ် မံင်စံၚ်တန်တဴမံၚ်တံ ဂှ်ရ။
ဟိုတ်နူမလွဟ်ဇၞော် ဒတုံခတိုဟ်အာတုဲ ညးဗြဴအာယုက်ဇၞော်ဇၞော် မွဲတၠ ချိုတ်အာ၊ ညးတြုံအာယုက် ၂၆ သၞာံမွဲတၠဂှ် ဒးအာဝပ်ကီုရ။
တုဲပၠန် သ္ၚိဌာန်ၜါမကဵု တၞံရာဘာ ၃၅၀ ပြၚ် လီုလာ်အာတုဲ ဝဳလဝ်ကၠိက်မွဲဂှ်လေဝ် ဒးအာဝပ်ကီုရောၚ် ပ္ဍဲလိက်လလောၚ်တြးဂှ် ချူလဝ်ရ။
ပရေၚ်တၚ်တုပ်စိုတ်ဘုံတံဂှ် ဒပ်ပၞာန်သီအဝဵု ဟွံဒဂေတ်ဗက်လဝ်တုဲ ပ္ဍဲအလုံဍုၚ်မွဲမ္ဂး ဗက်ရပ်ကၠေၚ်မံၚ် ညးဍုၚ်ကွာန် ဟွံမွဲကဵုဒုဟ်တၚ်တံတုဲ ပရေၚ်အမှုရာဇဝတ်ပၞာန်တံ ဖံက်ပကဝ်မံၚ်ဇၟာပ်ပ်တ္ၚဲရောၚ် နူဗဟဵု KNU လလောၚ်တြးလဝ်ရ။
အပ္ဍဲကဵုသိပ်တေမ်ပါ ၂၆ တေံလေဝ် ပ္ဍဲကဵုတိဍာ် KNU ပွိုၚ်ဍုၚ်ကျာ်ထဝ် ဟိုတ်နူဒပ်ပၞာန်ဗမာ ပန်လွဟ်ဇၞော်တုဲ ဒဝ်အေဝ်တဳခိုၚ် အာယုက် ၅၈ သၞာံ ဒးမကမ်ချိုတ်အာတုဲ ညးဒေသၜါတၠ ဒးလဝ်ဝပ်ရ။
ပရိုၚ်-သြၚ်လောန်တိုၚ်မ်
Photo – KNU