မတ်မလီု၊ အံက်တဝ်ပါ ၆
အပ္ဍဲကဵုတွဵုရးမန် ဍုၚ်မတ်မလီု ပြံၚ်လှာဲထောံ အခိၚ်ပံက်ဒဒန် သြၚ်လောန်ကဵု ဒဒန်ၜဳကဍတ်(မတ်မလီု) တံရဂှ် ဂွံတီနူကဵု ဂလာန်သှ်ဆာဲလဝ် ပ္ဍဲကဵုစၠတ်ထဝ်ရ။
ပ္ဍဲအံက်တဝ်ပါ ၅ အခိၚ်နူဂယး ကၠောန်ဗဒှ်လဝ် ကောံဓရီုစၠတ်ထဝ် တွဵုရးမန်ဂှ် ပရေၚ်သွက်ဂွံထပ်ထပဵုကဵု အခိၚ်ပံက်ဒဒန် သြၚ်လောန် နွံ/ဟွံမွဲ နူကဵုညးစၞးအမာတ် တွဵုရး ပွိုၚ်ဍုၚ်ပံၚ်စၟတ် (၁) ဥူတာန်ခိုၚ် သၟာန်ဏာလဝ်ရ။
စပ်ကဵုပရေၚ်တၚ်သၟာန်ဏံတုဲ ဒဒန်လုပ်ဍုၚ် မတ်မလီုၜါတၞုၚ်ဂှ် စနူအံက်တဝ်ပါ ၅ တုဲ စနူအခိၚ်ဂယး ၄ နာဍဳ ဒဵုကဵုဗတမ် ၉ နာဍဳ ထပဵုအခိၚ်ပံက်ကဵုအာရောၚ် နူကဵုဂကောံအလဵုအသဳတွဵုရးမန် ဝန်ဇၞော်ပရေၚ်ဂီုကၠီုကေုာံ ဒေသပယျဵု သ္ကိုပ်ပၞာန်ဇၞော် ကျဝ်ဇွာမျေအ် သှ်ဆာဲကဵုလဝ်ရ။
အခိၚ်ကၠာတေံ နူကဵုဒပ်ပၞာန်ဗမာ ထၜးဟိုတ်ပရေၚ်ဂီုကၠီုတုဲ အခိၚ်ပံက်ဒဒန် သြၚ်လောန်ကဵု ဒဒန်ၜဳကဍတ်(မတ်မလီု) တံဂှ် စနူဂယး ၅ နာဍဳ စိုပ်အခိၚ်ဗတမ် ၈ နာဍဳဟေၚ် ပံက်ကဵုလဝ် မဒှ်ရ။
ဒဒန်ၜါတၞုၚ် လုပ်ဍုၚ်မတ်မလီုဏံ သွက်ကမၠောန်ပရေၚ်ပိုန်ဒြပ်တံ ဒှ်မံၚ်အဓိကတုဲ ဟိုတ်နူထပဵုအခိၚ် ပံက်ကဵုမ္ဂး သွက်ပရေၚ်ကူသာန်သွံရာန်တံ ၜိုတ်ထေက်ကြိုက် ပြေပြံၚ်ကၠုၚ်မာန်ရောၚ် သၟာဗၞိက်တံ ဟီုမံၚ်ရ။
ပရိုၚ်-သြၚ်လောန်တိုၚ်မ်
Photo – Social Media