မုၚ်၊ အံက်တဝ်ပါ ၇
ပ္ဍဲရးဗဂေါ ခရိုၚ်ညံၚ်လေဝ်ပေၚ် ပွိုၚ်ဍုၚ်မုၚ်ဂှ် ဟိုတ်နူဒပ်ပၞာန်ဗမာ ထောံဖျေံဗုမ်ဒရုၚ်ဗတိုက်တုဲ သၟတ်မွဲတၠချိုတ်တုဲ ညးဍုၚ်ကွာန်ဒးဝပ် ၆ တၠနွံမံၚ်ဂှ် နူကဵု ဗဟို KNU လလောၚ်ပတိတ်လဝ်ပရိုၚ်ရ။
ပ္ဍဲအံက်တဝ်ပါ ၁ ဂှ် ပေါဲဗတိုက်ဟွံမွဲ မွဲသာ် ပ္ဍဲကွာန်ကျံက်ကျဳပံက် ပွိုၚ်ဍုၚ်မုၚ်ဂှ် ဒပ်ပၞာန်ဗမာ ကၠုၚ်ဗတိုက်လဝ်ကဵု ဒရုၚ်ၜါအလန်ရ။
ဟိုတ်နူဒးဒုၚ်ဗတိုက်လဝ်ကဵုဒရုၚ်တုဲ မောၚ်မေန်ခဇြဝ် အာယုက် ၁၇ သၞာံ ချိုတ်အာအပ္ဍဲဒၞာဲဂှ်တုဲ ညးနွံအကြာအာယုက် ၄၀ ကဵု ၇၀ သၞာံတံ ဥူမျိုဝ်အံၚ်၊ ဒဝ်မေဝ်တူ၊ မချေတ်သု၊ ဒဝ်ခေန်အံၚ်၊ ဥူကျဳသိုဝ်၊ ဒဝ်ဝေၚ်ကျဳတံ ၆ တၠ ဒးအာလဝ်ဝပ် ဂွံတီရ။
တုဲပၠန် ပ္ဍဲအံက်တဝ်ပါ ၃ ဂှ်လေဝ် ပ္ဍဲကဵုကွာန်အေၚ်ပယေတ် ပွိုၚ်ဍုၚ်မုၚ်ဂှ် နူကဵုဒပ်ပၞာန်ဗမာ ထပ်ကၠုၚ်ဗတိုက်လဝ်ကဵု ဒရုၚ်ပိဝါတုဲ သ္ၚိဌာန် ၅ မ ဒးလီုလာ်အာလဝ်ကီုရ။
ပ္ဍဲကဵုဒၞာဲပရေၚ်အုပ်ဓုပ်တိဍာ် KNU ဂှ်စွံပွန်ကဵု ကောန်ဍုၚ်ကွာန်တံတုဲ ဒးဒုၚ်ဗတိုက်မံၚ်လၟိုန်န်တုဲ သ္ၚိဌာန်ကဵု ကပေါတ်ဒြပ်ရတ်ပိုန်ဟာန် ဒၞာဲစမြိုၚ်ပရေၚ်သာသနာ၊ ဘာဗတောန်လိက်၊ ရုၚ်ဂဥုဲတံ လီုလာ်အာတုဲ အကာဲအရာမၞိဟ် ဒးချိုတ်အာလဝ်နွံမံၚ်ရောၚ် ဂွံတီရ။
ပ္ဍဲသၞာံဏံ စနူဂိတုဂျာန်နဝါရီ ဒဵုဂိတုဂျောန် ပွိုၚ်အကြာပွိုၚ် ၆ ဂိတုဏံ ကွာန် နွံမံၚ်ခရိုၚ်ညံၚ်လေဝ်ပေၚ်ဂှ် ဟိုတ်နူပရေၚ်ဒပ်ပၞာန် ပန်ဗတိုက်မံၚ်ကဵုၜၚ်ကျာပၞာန်ကီု ပန်မံၚ်ကဵုလွဟ်ဇၞော်တံတုဲ ကောန်ကွာန်ချိုတ်အာလဝ် ၇၃ တၠနွံမံၚ်ရောၚ် အတိုၚ်တၚ်နၚ် KNU ခရိုၚ်ညံၚ်လေဝ်ပေၚ်တံ ဂွံတီလဝ်ရ။
ပရိုၚ်-သြၚ်လောန်တိုၚ်မ်
Photo – KNU