တယိတ်ချံၚ်၊ အံက်တဝ်ပါ ၇
ရးတနၚ်သဳ ပွိုၚ်ဍုၚ်တယိတ်ချံၚ် ပ္ဍဲကဵုကွာန်ပျေၚ်ဖျူကျဳဂှ် ဟိုတ်နူဒပ်ပၞာန်ဗမာ ပန်ကဵုလွဟ်ဇၞော်တုဲ ညးဗြဴမွဲတၠ ဒးချိုတ်အာလဝ် နွံရဂှ် တမ်ရိုဟ်ကၞက်ပရိုၚ်ဒေသတံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
စနူအံက်တဝ်ပါ ၅ အခိၚ်နူဂယးတေံ ကရောၚ်ပၞာန် ဇြဟတ်ၜိုတ် ၁၀၀ ပြၚ်တံ ပန်ပၠုပ်လွဟ်ဇၞော် လပါ်ကွာန်ပျေၚ်ဖျူကျဳတုဲ ကရောၚ်ပၞာန် ထပက်လုပ်ကၠုၚ်ရ။
ဟိုတ်နူ ကရောၚ်ပၞာန်ဗမာ ပန်ဏာလွဟ်ဇၞော် ဒတုံခတိုဟ်စှ်ေအာ ပ္ဍဲလ္တူသ္ၚိ ကွာန်ပျေၚ်ဖျူကျဳမွဲမဂှ်ရ ဒဝ်မေဝ်တူ အာယုက် ၅၀ သၞာံ ချိုတ်အာ အပ္ဍဲဒၞာဲဂှ်တုဲ သ္ၚိညးလေဝ် လီုလာ်အာ သ္ဂးရ။
ဟိုတ်နူဒပ်ပၞာန်ဗမာ ဆက်ပန်မံၚ်လွဟ်ဇၞော် ထပက်မံၚ်ကရောၚ်ပၞာန်တုဲ ညးဒေသ ကွာန်ပျေၚ်ဖျူကျဳတံ ကြပ်အလုံမွဲကွာန် ဒးဂြိပ်ပါဲအာအိုတ်ရ။
တုပ်ဗီုဂှ်ကီု အကြာပွဳပွူ ကွာန်ပိတိုၚ်ကဵု သေၚ်ကျာန် ပွိုၚ်ဍုၚ် တယိတ်ချံၚ်တံဂှ် ဒပ်ပၞာန်ဗမာ ထပက်မံၚ်ကရောၚ်ပၞာန် ဗလးတိတံတုဲ ညးဒေသဗွဲမဂၠိုၚ် ဒးဂြိပ်ပါဲမံၚ်အိုတ်ဂှ် ညးဒေသတံ ဟီုတုဲ ဂွံတီရ။
ပ္ဍဲကဵုပွိုၚ်ဍုၚ်တယိတ်ချံၚ် ဒးဆဵုဂဗမံၚ်ကဵု ပရေၚ်ဍာ်ဇၞော်တိလိုက် သဘာဝလီုတံဂှ် ထၜးဟိုတ် ပရေၚ်ရီုဗၚ်ဟံၚ်ပြာ်တုဲ ဒပ်ပၞာန်ဗမာ ထပက်မံၚ်ကရောၚ်ပၞာန်ဗလးတိ အဆက်က်ရ။
ပရိုၚ်-သြၚ်လောန်တိုၚ်မ်
Photo – Social Media