သွက်ဒပ်ပၞာန်ဗမာ အပ္ဍဲပရေၚ်ဝေၚ်ပၞာန်ကျာဏံ ကာန်ပနဳဆက်စပ်ကဵုအလဵုအသဳ မလေဝ်ယှာလ္ရဵုတံ ပါမံၚ်မွဲကသပ်

နေပြည်တော် ၊ အံက်တဝ်ပါ ၉

သွက်ဒပ်ပၞာန်ကျာဗမာ ဂွံကၠောန်လဝေၚ်ပၞာန်ကျာ ဂစိုတ်မၞိဟ် ဂအုံဂအုံက္လောအ်အ် ကြာန်န်ဓဇန်ဓဇန်မာန်ဂှ် ကာန်ပနဳဆက်စပ်မံၚ်ကဵု အလဵုအသဳမလေဝ်ယှာလ္ၚဵုတံ ပါလုပ်မံၚ်မွဲကသပ်မွဲဂၞန်ကီုရောၚ် Justice For Myanmar (JFM) ပတိတ်လိက်လလောၚ်တြး ပ္ဍဲကဵုအံက်တဝ်ပါ ၇ ဂှ်ရ။

ညံၚ်ဂွံကလေၚ်လုပ် အကြာအာသဳယာန်မာန် သွက်ဂွံဂွံသ္ပစၟတ်သမ္တီ ပရေၚ်ဍုၚ်ကွာန် အဟိန်အလဵုအသဳပၞာန်ဗမာဂစာန်မံၚ် အခိၚ်အလဵုအသဳမလေဝ်ယှာ ကော်ဘိက် သမ္မတဥူမေန်အံၚ်လှိုၚ်ဂှ် ပွမပံၚ်တောဲ အကြာဒပ်ပၞာန်ဗမာကဵု မလေဝ်ယှာတံ မံက်တိတ်အာ မဒှ်ရ။

ကာန်ပနဳဆက်စပ်မံၚ်ကဵု အလဵုအသဳမလေဝ်ယှာလ္ၚဵုတံကဵု ကာန်ပနဳမလေဝ်ယှာတံ ထံက်ပၚ်သွံကဵုလဝ်ကပေါတ်တံ (ဟွံသေၚ်မ္ဂး) ဂစာန်ကၠောန်လဝ်ပရေၚ်သွံရာန် လိက်ပရေၚ်ကာပၞုက် ကီု ဒုၚ်သ္ဇိုၚ်ကဵုတၚ်နၚ်ကူသာန်သွံရာန်တံတုဲ နူကဵု JFM လ္ၚတ်ဂၠိုက်ဂၠာဲထမံက်ပတိတ်လဝ်ရ။

ပ္ဍဲအကြာသၞာံ ၂၀၂၃-၂၀၂၆ ဂှ် ကာန်ပနဳမလေဝ်ယှာလ္ၚဵုတံကဵု မၞိဟ်စအကြာဒပ်ပၞာန်ဗမာတံ ကၠောန်လဝ် ပရေၚ်ပိုန်ဒြပ်မွဲစွံ ပရေၚ်ဂစာန်ကၠောန်လဝ်တံနွံတုဲ ဒှ်ပရေၚ်အထံက်ပၚ် သွက်ဂွံဗတိုက် လ္တူညးဍုၚ်ကွာန် ကောန်အရာပ်တံရ။

ကာန်ပနဳၜၚ်ကျာ FJ Global မလေဝ်ယှာ သွံရာန်ကပေါတ်ၜၚ်ကျာတံ သွက်ဂွံသွံကဵုဒပ်ပၞာန်ဗမာ ကပေါတ်အပဵု စက်ၜၚ်ကျာဗတိုက်ကီု ၜၚ်ကျာဂျက် ဒရုၚ်တံကဵု ၜၚ်ကျာသၞေၚ်ဝဲတံဂှ် ဂစာန်လဝ် မဒှ်ရ။

နူကဵု ကာန်ပနဳ Perbadanan Usahawan Nasional Berhad (PUNB) အလဵုအသဳမလေဝ်ယှာတံ ပ္ဍဲဂိတုဖေဖဝ်ဝါရဳ သၞာံဏံဂှ် FJ Global ဂွံလဝ်သြန်အထံက်ပၚ်ရောၚ် JFM သ္ဂးရ။

PUNB ဂှ် ဒှ်ကာန်ပနဳ သၟဝ်တဲရုၚ်သ္ကိုပ်ဝန်ဇၞော်မွဲတုဲ သ္ကိုပ်ဝန်ဇၞော် မလေဝ်ယှာ အာန်ဝါအဳဗရာဟေၚ် ကေတ်လဝ်တာလျိုၚ် ဥက္ကဌ ကာန်ပနဳ Yayasan Pelaburan Bumiputra ဂှ် ပိုၚ်ပြဳလဝ် ပေၚ်ၚ်ရောၚ်။

စနူကဵုအခိၚ်တေံတုဲ သွက်ဂွံရာန်ကပေါတ် သ္ကုတ်အပဵု ၜၚ်ကျာဂျက်ဗတိုက် လျိုၚ်သာသာတံကီု၊ ၜၚ်ကျာဟွံဒးကေတ် မၞိဟ်ဒဳ၊ ၜၚ်ကျာပလီု ၜၚ်ဗၠိုပ်ဍာ်၊ ၜၚ်ကျာသၞေၚ်ဝဲ Mi-17 တံ Mi-2 တံ နူကဵုကာန်ပနဳ FJ Global ပလံၚ်လဝ် လိက်အာတ်ၚုဟ်မး အလန်ကဵုအလန်တံ မဒှ်ရ။

အတိုၚ်ရိုဟ်ကၞက် JFM တံဟီုမ္ဂး စနူသၞာံဏံ ဂိတုဖေဖဝ်ဝါရဳတုဲ သွက်ဂွံပလေဝ်ၜၚ်ကျာ Airbus A319 ရဲအေၚ်ဂျေၚ်နဳယာဒပ်ပၞာန်ဗမာတံ အာလဝ်ဒၞာဲကာန်ပနဳ Asia AeroTechnic Sdn Bhd (AAT) သၟဝ်တဲဌာနဒေသပရေၚ်ဖောအ်ဗြဳဍုၚ်ကွာန် မလေဝ်ယှာတံကီုရ။

ကောန်ဍုၚ်ဒိၚ်မာတ်ပိုၚ်ပြဳလဝ် နူကဵုကာန်ပနဳ Skyways Technics Asia Sdn Bhd ဒှ်ကာန်ပနဳမလေဝ်ယှာ မရနုက်ကဵုတတိယမွဲဂှ် ပလံၚ်ဗစိုပ်လဝ်ကဵု ကပေါတ်အပဵုၜၚ်ကျာ ဇရေၚ်ညးစအကြာသွံရာန်လွဟ်ဗမာတံ ဂၠိုၚ်ကဵုဝါနွံတုဲ ကပေါတ်တံဏံ ရန်တၟံပလံၚ်လဝ်ကဵု သွက်ဒပ်ပၞာန်ဗမာရောၚ် JFM သ္ၚဳဂၠိပ်ရ။

ညးဒုၚ်လဝ်တဲ ကပေါတ်တံဏံဂှ် ဒှ်မံၚ်ကာန်ပနဳ Light Head Group of Companies၊ K L S Aviation ကေုာံ United Five ပတိုန်လဝ်စၟတ်သမ္တီ ရုၚ်သ္ကိုပ်စၞောန်ရာန်ကပေါတ် ပရေၚ်စဵုဒၞာဒပ်ပၞာန်ဗမာတံ ပါလုပ်ဆက်စပ်မံၚ်ရောၚ်။

ဒပ်ပၞာန်ဗမာတံဖံက်ပကဝ်မံၚ် အမှုရာဇဝတ်ပၞာန် လ္တူဂကူမၞိဟ်တံဂှ် နူကဵုဂကောံပရေၚ်ပိုန်ဒြပ် မလေဝ်ယှာတံ တီမံၚ်ကီုလေဝ် ကဵုမံၚ်အထံက်ပၚ်အရီုဗၚ်တံဂှ် ဒှ်ပရေၚ်ကဵုမံၚ်ဇြဟတ် အမှုရာဇဝတ်တံကီုရောၚ် JFM ထံက်ထၜးရ။

ပရေၚ်ပကီုပရာတ် အပ္ဍဲကဵုဍုၚ်ဗမာ ညံၚ်ဂွံအိုတ်အာ မလေဝ်ယှာ ကတိပါၚ်ဟီုလဝ်တံဂှ် ဒှ်ဆအယာံမာတ်ထၜးစ ဗွဲလ္တူကျာသၟးတုဲ တၚ်အာတ်မိက်ဒတူလိုၚ် မူအာသဳယာန်ဘုံ ၅ တၚ်ကီု ဍုၚ်မလေဝ်ယှာ အာတ်မိက်လဝ် သွက်ပရေၚ်ၜိုဟ်လလမ်တံဂှ်လေဝ် ကြက်ရှ်သာဟွံမွဲပုဟ် သ္ဂးရ။

တုဲပၠန် ပ္ဍဲအစဳဇန် စဵုဒၞာအာသဳယာန်ကဵုပရေၚ်ဂီုကၠီုတံ သွက်ဒပ်ပၞာန်ဗမာ ဂွံပါလုပ်အာမာန် နူကဵုမလေဝ်ယှာ ဆက်ကဵုအာမံၚ်အရီုဗၚ်တံဂှ် အပ္ဍဲကဵုပရေၚ်ရာဇဝတ်ပၞာန် ဂၠးကဝ် ဂကောံပၞာန်ဖံက်ပကဝ်လဝ်တံမ္ဂး ကသပ် အာသဳယာန်လေဝ် ပါလုပ်ဇြိုဟ်နက်မံၚ်ကီုရောၚ် ဟီုလဴလဝ်ရ။

ဟိုတ်ဂှ်ရ လ္တူအလဵုအသဳ မလေဝ်ယှာ ကော်ဘိက်ဏာ မေန်အံၚ်လှိုၚ်ဂှ် ပျုတ်ဗဒေက်တုဲ ကမၠောန်ကလေၚ်ပလံၚ်ဖျဴ ဂကူရိုဟေၚ်ဂျာကဵု ကောန်ဍုၚ်ဗမာတံ ညံၚ်ဂွံဒေါအ်ထောံဂှ် JFM အာတ်မိက်လဝ်ရောၚ်။

လ္တူမၞိဟ်ကဵု ကာန်ပနဳ ပလံၚ်ဗစိုပ်ကဵုမံၚ်ကပေါတ် သွက်ဂွံပလေဝ် စက်ကရိယာဒပ်ပၞာန်ဗမာတံဂှ် နူကဵုဍုၚ်အဝ်သတေ၊ ကနေဒါ၊ ယူရောပ်၊ အဂႅလိက်ကဵု အမေရိကာန်တံ ညံၚ်ဂွံကၠောန်အာကဵု ပရေၚ်ကၟာတ်ဆိုအ်အိုတ်ညိဂှ် နူကဵု JFM အာတ်မိက်လဝ်ရ။

ပရိုၚ်-သြၚ်လောန်တိုၚ်မ်

Photo – MOI