ကွာလာလမ်ပူ၊ အံက်တဝ်ပါ ၉
ပ္ဍဲအံက်တဝ်ပါ ၈ ဆဵုဂဗကဵု က္ဍိုပ်သ္ကိုပ် ဒပ်ပၞာန်ဗမာ မေန်အံၚ်လှိုၚ်တုဲ ပ္ဍဲဂကောံအာသဳယာန် ဍုၚ်ဗမာညံၚ်ဂွံကလေၚ်ပါလုပ်အာပေၚ်ၚ် ချိုတ်တ်ပၠိုတ်တ်ဂှ် နဲကဲဒှ်မာန်ဖအိုတ် အလဵုမလေဝ်ယှာ ကၠောန်အာရောၚ် သ္ကိုပ်ဝန်ဇၞော် အာန်ဝါ အေဗရာဟေၚ် ဟီုရ။
သွက်ဂွံကလေၚ်ပလံၚ်ဖျဴ ကောန်ဍုၚ်ဗမာ လၟိဟ်ကဵုလ္ၚီဗွဲမဂၠိုၚ်တံကီု ပံၚ်တောဲအာကဵု ဗမာတံမွဲစွံတုဲ ကၠောန်အာကမၠောန်ရောၚ် အာန်ဝါ သ္ပလဝ်ကတိရ။
စပ်ကဵုပရေၚ်ကလေၚ်ပလံၚ်ဖျဴမံၚ် ကောန်ဍုၚ်ဗမာတံဂှ် စပ်ကဵုအကာဲအရာဒှ်ဒဝိၚ် အန္တရာဲပၞာန်အပ္ဍဲဍုၚ်တံတုဲ နူကဵုဂကောံကုလသမဂ္ဂကဵု ဂကောံအခေါၚ်အရာမၞိဟ်တံ ပျုတ်ဗဒေက်ဟီုဂးမံၚ် သၠဲသၠဲလးလးရ။
ပ္ဍဲဂိတုအေဗရာတေံ ကၠောန်ပေါဲရုဲမာဲအလီတုဲ ကေတ်ဂွံဒၞာဲတာလျိုၚ်သမ္မတ ဗွဲကြဴဏံ အခိၚ်ဂစာန်ကေတ်မံၚ်ပရေၚ်ထံက်ဂလာန်ဂၠးကဝ်တံဂှ် က္ဍိုပ်သ္ကိုပ်ပၞာန် မေန်အံၚ်လှိုၚ် စိုပ်ကၠုၚ်ဍုၚ်မလေဝ်ယှာရ။
ပေါဲရုဲမာဲ က္ဍိုပ်သ္ကိုပ်ပၞာန် မေန်အံၚ်လှိုၚ် ကၠောန်လဝ်ဂှ် ဒှ်ပေါဲအလီရောၚ် ရဲဍုၚ်ပလိုတ်ကဵု ဂကောံအခေါၚ်အရာမၞိဟ်တံ ပါ်ပါဲမံၚ်သၠဲသၠဲလးလးရ။
နူကဵုအလဵုအသဳ ဒုၚ်ရုဲစှ်လဝ်သၞောတ်ဒဳမဝ်ကရေသဳဂှ် ပ္ဍဲသၞာံ ၂၀၂၁ တေံ ဥူမေန်အံၚ်လှိုၚ် သီထောံအဝဵုတုဲ အလုံမွဲဍုၚ် ပေါဲပၞာန်ကတဵုဒှ်တုဲ ဍုၚ်ဗမာဒှ်မံၚ် ပရေၚ်ရုသံၚ် မဒှ်ရ။
ဒှ်ပရေၚ်သီအဝဵုတုဲ အစဳဇန်ပရေၚ်ၜိုဟ်လလမ် အာသဳယာန် ပတိုန်ထၜးကဵုလဝ်ဂှ် သွက်ဂွံဒဂေတ်ဗက် လီုလာ်အာတုဲ နူကဵုကောံဓရီုဂကောံအာသဳယာန်တံဇၞော်ဇၞော်ဂှ် တးပါဲထောံအခေါၚ် မေန်အံၚ်လှိုၚ်ကဵု ညးတာလျိုၚ်ဗမာအဆံၚ်လှုၚ်တံ ဟွံဂွံတိုန်စိုပ်ရ။
ဆဂး ဍုၚ်အာသဳယာန်လ္ၚဵုတံဂှ် သွက်ဂွံကလေၚ်ဒက်ပတန် ပရေၚ်ဆက်ဆောံဂှ် ဂစာန်ကၠောန်မံၚ်ရ။
ကေတ်ဂွံတာလျိုၚ် သမ္မတတုဲ ဥူမေန်အံင်လှိုၚ် အာစိုပ်လဝ် ဍုၚ်သေံ၊ လဴ၊ ခမေန်ကဵု ဗဳယက်နာမ်တံတုဲယျ။
စပ်ကဵုပရေၚ်ကမၠောန်ဒဳမဝ်ကရေသဳဍုၚ်ဗမာတုဲ ဒှ်မံၚ်ဒဝိၚ်ဂှ် အာန်ဝါသ္ပစၟတ်သမ္တီကီုလေဝ် ဟွံတုပ်တၞဟ်ခြာမံၚ်တံဂှ် ဒးရှ်ေသှ်ေစွံအဲပရဲတုဲ ပၟိက်ဆန္ဒ မေန်အံၚ်လှိုၚ် မိက်ဂွံပံၚ်တောဲရေၚ်တၠုၚ် နွံမံၚ်ရောၚ် ဟီုရ။
ဟိုတ်နူ မလေဝ်ယှာ ပလံၚ်ဖျဴဏာ ကောန်ဍုၚ်ဗမာ ၁၀၄၉ တၠတုဲ ဒုၚ်လဝ်တဲဂှ် တင်ဂုဏ်ဏာမေန်အံၚ်လှိုၚ်ဂှ် အာန်ဝါ ဟီုလဝ်ရ။
ညးတၠဒဒိုက် ကောန်ဍုၚ်ဗမာတံဂှ် ညိလေဝ်ဟွံဒုၚ်တဲရ မလေဝ်ယှာဟီုဏာတုဲ ဍေံတံဂှ် ဒှ်ပရေၚ်လျိုၚ်ဇြိုၚ်တိုန် သွက်အန္တရာဲ ပရေၚ်ဂီုကၠီုရောၚ် ဟီုလဝ်ရ။
ပြဟ်ဟ်ဏံ ကောန်ဍုၚ်ဗမာ ရပ်စွံလဝ် ပ္ဍဲကဵုသေန်တာလဝတတံဂှ် ၜိုတ်သ္ပမာန် ကလေၚ်ကော်ဖျဴဏာ ပြဟ်ဟ်ရောၚ် ပ္ဍဲကဵုပေါဲသောၚ်ကလးလိက်ပရိုၚ်ပံၚ်တောဲကဵု အာန်ဝါဂှ် မေန်အံၚ်လှိုၚ် ဟီုရ။
Ref:Agencies