ကောန်ဍုၚ်အိန္ဒိယတံ ဟွံဒးကေတ်ဗဳဇာ ဂွံအခေါၚ်လုပ်မလေဝ်ယှာ သၞာံဂတဏံဒေါအ်ရောင်

ကွာလာလမ်ပူ ၊ နိုဝမ်ပါ ၂၁

ကောန်ဍုၚ်အိန္ဒိယတံ ဟွံဒးကေတ်ဗဳဇာ ဂွံအခေါၚ်လုပ်ဍုၚ်မလေဝ်ယှာဂှ် သၞာံဏံဒဳဇြမ်ပါ ၃၁ မ္ဂး အလဵုအသဳမလေဝ်ယှာ ဒေါအ်ရောင်။

ညးရပ်လဝ်လိက်အုပ်ကၠောံဍုၚ်အိန္ဒိယတံ စနူသၞာံ ၂၀၂၇ ဂျာန်နဝါရဳ ၁ ဂှ်တုဲ ကၠုၚ်မလေဝ်ယှာမ္ဂး ဒးအာတ်ဗဳဇာ မဒှ်ရ။

ဗွဲကိုပ်ကၠာ ဆက်လဝ်မိက် အခေါၚ်ဗၠးဗဳဇာ ၜိုတ်ပွိုၚ်မွဲသၞာံလံကၠုၚ်တုဲ စၟတ်သမ္တီလဝ် စဵုကဵုဂိတုဒဳဇြမ်ပါ ၃၁ သၞာံ ၂၀၂၄ တေံရ။

ဗွဲကြဴဏံ သွက်ကောန်ဍုၚ်အိန္ဒိယ ကဵု ကြုက်တံ ထပ်ကဵုအခေါၚ် ပွိုၚ် ၂ သၞာံ ဆက်ထပဵုလဝ် မဒှ်ရ။

ပရေၚ်အာတရဴကြေဝ်ဝေၚ်၊ ကမၠောန်ပရေၚ်ပိုန်ဒြပ်ကေုာံ သွက်တရဴပရေၚ်မၞိဟ်တံ တၚ်နၚ်ကိက်ညဳမံၚ်မ္ဂး ကၟုဲအိန္ဒိယတံ ဟွံဒးကေတ်ဗဳဇာ အခေါၚ်မံၚ်စံၚ် ဂွံပွိုၚ် ၃၀ တ္ၚဲကီုလေဝ် သွက်ဂွံကၠောန်ကမၠောန်၊ ဗတောန်လိက်တံဂှ် ဟွံကဵုလဝ်အခေါၚ်ပုဟ်။

အခေါၚ်ဗၠးဗဳဇာ ကဵုလဝ်ပ္ဍဲသၞာံပထမဂှ် နူကဵုဍုၚ်အိန္ဒိယ ညးကၠုၚ်စိုပ် ၉ ကိုတ်ပြၚ်နွံတုဲ ဂၠိုၚ်နူကဵုသၞာံ ၂၀၂၃ တေံ ၂၂၃% ဂှ် လဝက မလေဝ်ယှာ ဟီုရ။

ပ္ဍဲသၞာံ ၂၀၂၆ စနူဒဳဇြမ်ပါ ၁ ဂှ်တုဲ ကောန်ဍုၚ်အိန္ဒိယတံ နူကဵုလ္တူအန်လိုၚ်ဂှ် အာတ်ဗဳဇာမလေဝ်ယှာ ဂွံမာန်ရောၚ် ဂွံတီရ။

အကြာပွိုၚ်တံဏံ သွက်ကောန်ဍုၚ်အိန္ဒိယ အာကြေဝ်ဝေၚ်တရဴတံ ဟွံဒးကေတ်ဗဳဇာ အခေါၚ်မံၚ်စံၚ် ပွိုၚ် ၃၀ တ္ၚဲဂှ် အလဵုအသဳသေံ ကဵုလဝ်အခေါၚ်ရ။

ဟိုတ်နူမူဝါဒဗဳဇာ တၞဟ်ခြာမံၚ်တုဲ စနူသၞာံ ၂၀၂၇ မ္ဂး ကောန်ဍုၚ်အိန္ဒိယတံ ဟွံဒးကေတ်ဗဳဇာ လုပ်ကၠုၚ်ဍုၚ်သေံဂွံမံၚ်ကီုလေဝ် ဆက်အာဝေၚ်ဍုၚ်ဇိုၚ်ဝုတ်ဒိုဟ် မလေဝ်ယှာမ္ဂး ဒးအာတ်ဗဳဇာ မဒှ်ရ။

Ref:Khaosodenglish

Leave a Reply

Your email address will not be published. Required fields are marked *