ပါသ်၊ အံက်တဝ်ပါ ၈
အခိၚ်လဗိုတ်ကျာ ပတဝ်ကၠုၚ်လဝ်ကဵု ဒေသအမေရိကာန်တံ ပတိတ်ကၠေၚ်ဍေၚ် ပရေၚ်ထံက်ပၚ် နူဒေသဗၟံက်အဒေါဝ်တံ သၠုၚ်ပတိုန်လဝ်ကဵု သဝ်ဒဳအာရေဝ်ဗဳယာဂှ် ဂကောံဟူတဳ ဍုၚ်ယဳမေန် နူကဵုအဳရာန်ထံက်ပၚ်လဝ်တံ ဟိုတ်နူဗတိုက်တုဲ ပ္ဍဲအံက်တဝ်ပါ ၇ ဂှ် ၚုဟ်ကၠေၚ်ဍေၚ်တံ သၠုၚ်တိုန်အာရ။
ပရေၚ်အထံက်ပၚ် ဒှ်ဖေက်ဒှ်အာတုဲ အခိၚ်တော်ဆမံၚ် ပရေၚ်ဂအာၚ်ဖျာတံ ၚုဟ်မကၠေၚ်ဍေၚ် သၠုၚ်တိုန်အာ မဒှ်ရ။
ၚုဟ်မး Brent ကၠေၚ်အရိုၚ် အံက်တဝ်ပါ ၇ အခိၚ်ဂရေၚ်နေတ်ဂယး ၁၂ နာဍဳဂှ် မွဲစေဝ်ဗုၚ် ၉၃% (ဝါ) ၀ ဒဿမ ၉၂ % သၠုၚ်တိုန်အာရ။
ပ္ဍဲအမေရိကာန် တက္ကသက်ပလိုတ်တေံ ၚုဟ်မးအဇာအဒေါဝ်ကၠေၚ်ဍေၚ် (WTI) ၈၂ ခတှ်ေ (ဝါ) ၀ ဒဿမ ၉၂ % သၠုၚ်တိုန်အာတုဲ မွဲစေဝ်ဗေၚ်မ္ဂး ဒဝ်ဠာ ၉၀ ဒဿမ ၂၅% ၚုဟ်မံက်ရ။
လဗိုတ်ကျာ ဒှ်မံၚ်ပ္ဍဲကဵု ပ္ၚံက်ၜံမက္ကသဳကို အကြာပွိုၚ်ၜါတ္ၚဲဏံ သွက်သၞာံဏံ အလန်ပထမကၠာအိုတ် လဗိုတ်ကျာ ဟာရဳကိန် ဒှ်ကၠုၚ်ရောၚ် ညးတော်ဆအမေရိကာန်တံ ဟီုလဝ် ပ္ဍဲအံက်တဝ်ပါ ၆ ဂှ်ရ။
ဟိုတ်နူလဗိုတ်ကျာဂှ် ရုၚ်စက်သၟုဟ်သဘာဝတံ ဒးအာမာန်ရောၚ် တော်ဆလဝ်ရ။
ပ္ၚံက်ၜဳဒေသလောန် လဗိုတ်ကျာ ပတိတ်ကဵုမံၚ် သၟုဟ်ဓါတ်သဘာဝ ၅ % သွက်သၟုဟ်ဓါတ် ၁၅% မဒှ်ရ။
ဟိုတ်နူလဗိုတ်ကျာဏံ ရုၚ်စက်တောမ်သအးကၠေၚ် ၆ ဒၞာဲ ဒးအာဘဲမာန်ရ။
ရုၚ်စက်ပ္ၚံက်ၜဳတွဵုရး နွံမံၚ်တွဵုရး အမေရိကာန်တံ ပွိုၚ်မွဲတ္ၚဲ ကၠေၚ်စေဝ် ၁၈ ဓဿမ ၂ ပြကောတိကိုတ် ကၠောန်ပတိတ်မံၚ် မဒှ်ရ။
ပရေၚ်ထံက်ပၚ် ပလံၚ်ကၠေၚ်စေဝ် ၅ ဒဿမ ၈ ပြကောတိကိုတ် ကၠေၚ်ပိုက်နူကဵုဗၟံက်-ပလိုတ် သၠုၚ်တိုန်အာယျ ဝန်ဇၞော် သဝ်ဒဳ ကောန်သၟိၚ် အဗဒူလာ ဗေန် သဝ်လမန် ဟီုလဝ်ရ။
အကြာပွိုၚ်မွဲတ္ၚဲ ပတိတ်သအးလဝ် စေဝ်ဗေၚ်ကၠေၚ်ဍေၚ် ၁၂ ပြကောတိကိုတ်နွံတုဲ အကြာနူကဵု ၇ ကဵု ၁၀ တ္ၚဲတေံ ပလံၚ်နၚ်ကဵုကွဳစက် နူကဵုဒေသ ဗၟံက်အဒေါဝ်တံ ဂွံတီရ။
ပရေၚ်ဟူတဳတံ ဗတိုက်မံၚ်သဝ်ဒဳ အသိၚ်ဟွံယအ်စှ်ေအာဏီမ္ဂး ၚုဟ်မးကၠေၚ်ဍေၚ်တံ သၠုၚ်တိုန်မံၚ်ကရပ် ၁၀၀ ဒဝ်ဠာဏီရောၚ် ညးလ္ၚတ်တံ ဟီုလဝ်ရ။
Ref:Reuters